Hadeeth Cards

Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way

About Hedayat Browse Cards

All

Yii a Ʋmar ɭbn Al-hattaab nengẽ, -Wẽnd yard be a yĩnga-, a yeelame: Raar a yembr tõnd sẽn da zĩ Wẽnd Tẽn-tʋʋm nengẽ, -Wẽnd pʋʋsg la A tɩlgr be a yĩnga-, la raoa sẽn puk tõnd nengẽ, t'a futã peelem yaa wʋsgo, t'a zugã zoobd sablem yaa wʋsgo, b ka ne sor vũun a zug ye, ned baa a yembr me ka mi-a tõnd pʋgẽ, halɩ t'a wa tʋg n zĩnd Nabiyaama nengẽ, -Wẽnd pʋʋsg la A tɩlgr be a yĩnga-, n tik a rũm a yiibã n teeg Nabiyaamã rũmã, n rɩk a nus tal a yiibã n rogl a gε a yiibã zugu, n yeele: « Mʋhammade, wilg maam lɩslaang sẽn yaa a soaba, t'a yeele: « tɩ Wẽnd Tẽn-tʋʋma, -Wẽnd pʋʋsg la a tɩlgr be a yĩnga-, yeele: « lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ». La a yeele: « f togs sɩda». T'a Ʋmar yeele: «tɩ tõnd maan yel-solemd ne-a, a sẽn sokd Nabiyaamã la a leb n sɩdgd-a wã». La raoa yeele: « bɩ f kõ maam kibare sɩd-kũun sẽn yaa a soaba»,Tɩ Nabiyaamã yeele: « yaa f kõ sɩd ne Wẽnde, la A malεgsã la A Gaf-rãmbã la A Tẽn-tʋʋmbã la Yaoolem Raarã, la f kõ sɩd ne Pʋlengã, a wẽnga la a sõma». La a yeele: « f togsa sɩda». T'a yeele: « bɩ f togs maam manegre». La a yeele: «yaa fo tũ Wẽnde, tɩ yaa wala fo ne-A lame, bala fo sã n yɩ n ka ne-A, ad A ne-f lame». T'ɑ yeele: «bɩ f togs mɑɑm dũni yikr wɑkato», lɑ ɑ yeele: «ɑd fo pɑ mi-ɑ mɑ me kɑ mi-ɑ», t'ɑ yeele: « bɩ f togs mɑɑm ɑ tɑgms-rãmbɑ». T'ɑ yeele: «yɑɑ yamb poɑkɑ sẽn nɑ n wɑ rog ɑ zu-soɑbɑ, lɑ fo sẽn nɑ n wɑ yã nɑ-zɑɑlã rãmbɑ sẽn yɑɑ bεεlɑ rãmbɑ sẽn yɑɑ tɑlsã n yɑɑ rũm-gũudbã, tɩ b wogend meebã». Rẽ poorẽ t'ɑ looge tɩ mɑm zĩnd woko, rẽ poorẽ tɩ Nɑbiyɑɑmɑ yeele: « Ʋmɑru! Fo mii ned ning lɑ sokdɑ bɩɩ?» Tɩ mɑm yeele: «Wẽnd la A Tẽn-tʋʋmɑ n yɩɩd minim». T'ɑ yeele: « ɑd yɑɑ a Gibriilɑ, ɑ wɑɑme n wilgd yãmbɑ y dĩinã».

Muslim

A Ʋmar kõta kibare -Wẽnd yard be a yĩnga- t'a Gibriila, a puka Sahaabsẽ wã -Wẽnd yard be b yĩnga- t'a yaa sẽn rɩk rao naande, tɩ b ka mi-a ye, la a sɩfã yaa t'a fuugã yaa peell wʋsgo, t'a zoobdã yaa sabell wʋsgo, b ka ne sor tagmas a zug sẽn yaa yaamse, la wubsgu la zoobd zũndgr la futã rẽgd ye, ned baa a yembr ka mi-a zĩndbã pʋgẽ ye, tɩ bãmb zĩ Nabiyaamã nengẽ -Wẽnd pʋʋsg la A tɩlgr be a yĩnga- t'a zĩnd Nabiyaamã taoore, tɩ yaa karen-biig zĩndgu, n sok-a lɩslaangã yelle, tɩ Nabiyaamã loek-a ne zeng raad-kãensã sẽn kʋmde, reeg-f-zugẽ ne sahd a yiiubã la gũus wakat a nu wã, la kõ Zakã b rãmbã, la Ramadaanã no-loeerã maanego, la hagiimdã farilã maaneg ne tõogda. Tɩ soakdã yeele: «f togs sɩda». Tɩ sahaabsã maan yel-solemde, a sẽn sokd tɩ yaa a sẽn ka mi sokre, rẽ poorẽ t'a yaool n sɩdgd-a wã. Rẽ poorẽ t'a sok-a sɩd-kũunã yelle, t'a loek-a ne zeng raad-kãensã a yoobã, sẽn kʋmbde, kõ sɩd ne Wẽnde belmã, A Naam yɩ wagelle, la A sɩf-rãmbã la f leb n welg n kõ-A tʋʋm ning sẽn yaa Yẽ tʋʋma, wala naanegã, la f leb n welg n kõ-A tũudumã, la f kõ sɩda tɩ malεgsã b naan-b lame ne nuura, tɩ b yaa yembs b sẽn waooge, b ka kɩɩsd Wẽnde, A Naam yɩ wagell n zẽke, la yaa Wẽnd sagellã la b tʋmda, la f kõ sɩda ne gaf-rãmb nins sẽn sig tẽn-tʋʋmbã zugã, sẽn yi Wẽnd nengẽ wã, A Naam yɩ wagelle, wala Alkʋrãanã la Tawraatã la Lingiilã la sẽn wõnd rẽ, la kõ sɩd ne tẽn-tʋʋmb nins sẽn taasd dĩinã Wẽnd yĩngã, sẽn be b pʋgẽ yaa a Nuuhu, la a ɭbraahɩɩma, la a Muusa la a ɭɩsa la b baasdgã yaa a Mohammade, -Wẽnd pʋʋsg la A tɩlgr be a yĩnga- la zẽng sẽn ka bãmba sẽn yaa nabiyaam-rãmb la tẽn-tʋʋmbã, la kõ sɩd ne yaoolem raarã la yεl nins sẽn be kũumã poorẽ wã, kẽeda yẽnda pʋgẽ, sẽn yaa kabr nango la vɩɩm ning sẽn be yaadẽ wã, la f kõ sɩd tɩ ninsaalã b yikd-a lame kũumã poorẽ, n geel a tʋʋmã, t'a kẽngr zĩigẽ, arzãnã maa Bugmẽ. La kõ sɩd tɩ Wẽnd korda yεlã n zems wala Wẽnd bãngrã sẽn dag n reng taoor tɩ na n yɩɩme wã, la A sẽn gʋls rẽndã la A tʋlsmã, la a sẽn na yɩ wala A sẽn kord-a to-to ningã. Rẽ poorẽ t'a sok-a manegrã yelle, tɩ Nabiyaamã kõ-a kibar tɩ ad manegre, yaa fo tũ Wẽnde, tɩ yaa wala fo ne-A lame, rẽnd f sã n ka paam sor n na n ta dargε-kãngã bɩ f tũ tɩ yaa wala Wẽnd nee foom, rẽnd rẽenem yaa seedg la ges dargε, ning f yamẽ tɩ yaa wala fo nee Wẽndã, yẽnda la rẽenem dargε, yẽ me n leb n zẽk n yɩɩda, yiib soaba yaa gũus Wẽndã dargε sẽn ta zĩig ninga. Rẽ poorẽ t'a sok-a dũni wã yikr yaa rabʋre? Tɩ Nabiyaamã -Wẽnd pʋʋsg la A tɩlgr be a yĩnga- vẽneg n wilg tɩ ad dũni wã yikri yaa bũmb ning Wẽnd sẽn bas a bãngrã A nangẽ, rẽnd bon-naandg baa a yembr ka mi-a ye, b sẽn sokd a soabã la soakdã meng me ka mi ye. Rẽ poorẽ t'a sok-a dũni wã yikr tagmas-rãmbã? Tɩ Nɑbiyɑɑmã vẽneg n wilgi -Wẽnd pʋʋsg la A tɩlgr be a yĩnga- tɩ sẽn be ɑ tɑgmes-rãmbã pʋgẽ yɑɑ yem-pogs wʋsgre lɑ b koɑmbã. mɑɑ koɑmbã sẽn nɑmsd b mɑ-rãmbã sẽn nɑ n wʋsge, tɩ b tʋmd ne b mɑ-rãmbã wɑlɑ yem-pogse, tɩ lɑ rũm-kɩɩmbã lɑ tɑlsã b nɑ n wɑ lebgɑ arzεgs rãmbɑ zãmɑɑn yɑoog wɑkɑto, tɩ b pugd tɑɑbɑ ne rot nɑgsgo lɑ b tombo (meebo). Rẽ poorẽ Nabiyaamã -Wẽnd pʋʋsg la A tɩlgr be a yĩnga- kõ kibare tɩ ad sokdã yaa a Gibriila, a waame n na n wilg sahaabsã dĩin-kãngã sẽn yaa tẽeg tɩrg dĩinã.

Yii a Abɩɩ Zarr nengẽ, -Wẽnd yard be a yĩnga-: Yii Nabiyaamã -Wẽnd pʋʋsg la A tɩlgr be a yĩnga- a sẽn reeg n yi Wẽnd nengẽ, A Naam yɩ wagell n zẽke, A yeelame: «Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye, yãmb fãa gill yaa menemdba, sã n ka Mam sẽn kãnd a soaba, bɩ y bao kãndagr ne Maam tɩ M na kãndag-ya, Mam yembsã fãa gilli, yãmb yaa kombse, sã n ka Mam sẽn rɩlg a soaba, bɩ y bao rɩlgr ne Maam tɩ M na rɩlg-ya, Mam yembsã, yãmb fãa yaa zaala, sã n ka Mam sẽn yeelg a soaba, bɩ y bao yeelgr ne Maam tɩ M na yeelg-ya, Mam yembsã, yãmb tudgda yʋng la wĩndga la Maam n yaafd zunuubã zãnga, bɩ y kos yaafa ne Maam tɩ M yaaf-ya, Mam yembsã, yãmb ka na n tol n ta Mam namsgo, n na n nams Maam ye, y ka na n tol n ta mam nafa n na n naf-M ye, yãmb yembsã la tɩ yãmb rẽenem rãmba, la y yaoolem rãmba, la y ninsaalb la y zĩn-rãmba, b sã n yɩ n zoet Wẽnd tɩ yaa wala yãmb sʋka sẽn yɩɩda Wẽnd zoεεg sũuri, rẽnda ka na n paas Mam Naamã baa fʋɩ ye, yãmb yembsã la tɩ yãmb rẽenem rãmba, la y yaoolem rãmba, la y ninsaalb la y zĩn-rãmba, b sã lagem taaba n na n kɩɩs Wẽnd tɩ yaa wala yãmb sʋka nin-wẽng sũuri, rẽnda ka na n boog Mam Naamã baa fʋɩ ye, yãmb yembsã la tɩ yãmb rẽenem rãmba, la y yaoolem rãmba, la y ninsaalb la y zĩn-rãmba, b sã n yik n tɩ be zĩ-peell a yembre, n kos Maam tɩ mam kõ ned fãa a sẽn kosã, yẽ ka na n boog bũmb ning sẽn be Mam nengẽ, sã n ka wala sũpĩim sẽn boogd bũmb ningã tɩ b sã n kẽes-a mogrẽ, Mam yembsã, ad yaa yãmb tʋʋmã bala, tɩ Mam tigm-a n wa rol-ya, rẽnd ned ning sẽn wa n mik tɩ yaa sõma, bɩ a pẽg Wẽnde, la sẽn mika tɩ ka rẽ, bɩ a ra sãbs ned baa a yembr sã n ka a menga».

Muslim

Nabiyaamã -Wẽnd pʋʋsg la A tɩlgr be a yĩnga- vẽnegdame, tɩ Wẽnde, A Naam yɩlgame n zẽke, A yeelame tɩ Yẽnda gɩdga vẽgb ne A Menga, la A maan tɩ vẽgdã yaa sẽn gɩdge, bon-naandsã ne taab sʋka, bɩ ned ra wẽg a to ye, la bõn-naandsã gilli yaa sẽn meneme n bas sɩdã sore, sã n ka sẽn tũ ne Wẽnd kãndagr la A segl sõngo, rẽnd ned ning sẽn kosa Wẽnd ne kãndagrã, Wẽnd maand-a-la segl sõngo la A kãnd-a, la a leb n wilg tɩ bõn-naandsã yaa talse n tʋg Wẽnd nengẽ, n tar tʋlsem ne-A b yεlã fãa pʋgẽ, la ned ning sẽn kosa Wẽnde, Wẽnd lokda a soabã tʋlsem la A sek-a, la ad nebã, b tudgda wĩndg la yʋngo, la ad Wẽnde, Yẽnd n loet b bãngo la A gãndagd n basd-ba tɩ yambã sã n kos yaafa, La ad b ka tõe n nams Wẽnde, maa b naf-A baa fʋɩ ye, la ad b fãa gillã sã n zoeta Wẽnde, wala ned ning sẽn be bãmb sʋka n yɩɩd Wẽnd zoεεgã buudu, b Wẽnd zoεεgã ka na n paas Wẽnd Naamã baa fʋɩ, la b sã n tʋg n yɩɩme n kɩɩs Wẽnde, tɩ yaa wala bãmb sʋka Wẽnd kɩɩs sẽn tʋg n yɩɩda, b wẽnga ka na n boog Wẽnd Naamã baa fʋɩ ye; bala b yaa valemse, n tar tʋlsem ne Wẽnde, halhaal la zĩig la zamaan ning fãa, la Wẽnd la sek-m-meng Soaba, A Naam yɩlgame, la bãmb sã n yik n yals zĩig a yembre, b ninsaalb la b zĩn-rãmba, la b rẽenem rãmb la b yaoolem rãmba, n kot Wẽnde, t'A kõ ned fãa a sẽn kosã, yẽ ka na n boog bũmb ning sẽn be Wẽnd nengẽ wã baa fʋɩ, sã n ka wala sũpĩim tɩ b sã n kẽes-a mogrẽ n yiis-a, rẽnd mogrã ka boog baa fʋɩ ne sũpĩimã sẽn yiis bũmb ningã ye, la woto yaa sẽn wilgd Wẽnd sek-m-mengã, A Naam yɩlgame. La ad Wẽnd, A Naam yɩlgame, A gũusda yembsã tʋʋmã, n tigim-ba, rẽ poorẽ t'A wa tʋg n rol-ba b tʋʋma dũni yikr raarã, rẽnd ned ning sẽn wa n mika t'a tʋʋm rolb yaa sõma bɩ a pẽg Wẽnde ne A sẽn maan-a segl sõng t'a tũ-A wã, la ned ning sẽn wa n paama zẽnga, bɩ a ra sãbs sã n ka a meng bala, yõor ning sẽn peeg yẽnda n kẽng bõnẽ wã.

Yii a ɭbn Abbaas nengẽ, -Wẽnd yard be b yiibã yĩnga- a yeelame: M da bee Wẽnd Tẽn-tʋʋm poorẽ wã, -Wẽnd pʋʋsg la A tɩlgr be a yĩnga-, t'a yeele:" Biigɑ, ɑd mɑm nɑ n wilga foom gom-biisi, gũus Wẽnd t'A nɑ gũus-fo, gũus Wẽnd tɩ fo nɑ mik-A f togellẽ wã, f sã n nɑ n kos bɩ f kos Wẽnde, lɑ f sã n nɑ n kos sõngre bɩ f kos Wẽnde, lɑ f bãnge: tɩ nebã fãɑ sã n nɑɑg tɑɑbɑ n nɑ nɑf foom ne bũmbu, b pɑ nɑ n nɑf foom rẽndɑ ne bũmb ningɑ Wẽnd sẽn gʋls n kõ foomã, b sã n leb n tigim tɑɑbɑ n nɑ n nɑms foom ne bũmbu, b pɑ tõe n nɑms foom rẽndɑ ne bũmb ning Wẽnd sẽn gʋls n doglg foomã, gʋls-mخod zẽkɑme, sεbã me kʋɩɩme».

At-Tirmidhi line

A Abbaas kõta kibare, -Wẽnd yard be a yĩnga-tɩ yẽ rag n yaa bi-bilfu, n lagem Nabiyaamã -Wẽnd pʋʋsg la A tɩlgr be a yĩnga- t'a yeel-a -Wẽnd pʋʋsg la A tɩlgr be a yĩnga-: tɩ m na yeel-f-la yεla tɩ Wẽnd naf-f ne-ba: Gũus Wẽnde, tɩ tũud ne fo sẽn na n gũus A saglsã n naag A sẽn gɩdgã, ne A sẽn na n mik foom A tũud-rãmbẽ wã la A ra yãnd foom Wẽnd kɩɩsgẽ wã la zunuub-rãmbẽ wã ye, fo sã n maan rẽnda, fo rolbã yaa tɩ Wẽnd na n gũ-f lame n yi dũni la laahr yel-kiti la A gũ foom fo yεlã pʋgẽ, fo sẽn teesẽ fãa. F sã n rat n kos bũmbu, bɩ f ra kose, rẽnda Wẽnde, bala yaa Yẽnda A Yembr bal la sẽn sakd bõosdbã boollã. La f sã n wa rat sõngre, bɩ f ra kos sõngr tɩ sã n ka Wẽnde. La f tall bãng-n-wãaka tɩ ad nafa ka tõe n paam foom, baa tɩ tẽngã neb fãa gill sã n tigim taaba n rat n na n naf-fo sã n ka Wẽnd sẽn gʋls n kõ foom, la nang kõn n tol n paam foom me, baa tɩ tẽngã neb gill tigim taaba n rat n nams foom, rẽndame tɩ yaa Wẽnd sẽn kord bũmb ningã tɩ na n paama foomã. La ad yel-kãngã, Wẽnd gʋls-a lame, A Naam yɩ wagelle la A kord-a n zems ne Wẽnd Minimã sẽn tʋll bũmb ningã, la Wẽnd sẽn gʋls bũmb ning me ka tedgde.

Yii a Abɩɩ Hʋrayrat nengẽ, -Wẽnd yard be a yĩnga-, tɩ Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: «Mam poorẽ rãmbã fãa kẽeda arzãna, sã n pa sẽn tõdga», tɩ b yeele: yaa foom Wẽnd Tẽn-tʋʋmã! La ãnd n na n tõdge? T'a yeele: «sẽn tũ a maam kẽeda arzãna, la sẽn kɩɩsa maam, a soab tõdgame».

Al-Bukhari line

Nabiyaamã -Wẽnd pʋʋsg la A tɩlgr be a yĩnga- kõta kibare t'a poorẽ rãmbã fãa kẽeda arzãna, sã n ka sẽn gɩdga a menga! Tɩ sahaabsã, -Wẽnd yard be b yĩnga- yeele: la ãnd n na n tõdge, Wẽnd Tẽn-tʋʋmã?! T'a leok-ba, -Wẽnd pʋʋsg la A tɩlgr be a yĩnga- tɩ ned ning sẽn sak n pʋge la a tũ Tẽn-tʋʋmã -Wẽnd pʋʋsg la A tɩlgr be a yĩnga- sagellã, a kẽeda arzãna, la sã n yaa sẽn kɩɩsa la a zags sari wã tũubu, yẽ soab tõdgame t'a ka na kẽ arzãn ye ne a tʋʋm wẽnsã.

Yii a Ʋmar biig nengẽ, -Wẽnd yard be b yiibã yĩnga-,a yeelame: Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: "Ned ning sẽn wa n tʋg n wõns a meng ne neba, yẽ me lebga bãmba".

Abu Dawood line

Nabiyaamã -Wẽnd pʋʋsg la A tɩlgr be a yĩnga- kõta kibare tɩ ned ning sẽn wa n tʋg n wõns a meng ne ned kɩfr-rãmbẽ wã, maa dĩin yitbẽ wã, maa nin-sõmbsẽ wã, la rẽnda yaa sẽn na n maan neb bãmbã sẽn maanda a soabã, sẽn yaa loεεga la tũudum la yel-minimidsi, rẽnd yẽ me lebga wala bãmbã, bala wõns f mengã ne bãmbã yɩngã, a tallada foom n kẽng tɩ f tʋg n wõnes-b pʋgẽ, la sik ka be tɩ wõnes f meng ne nebã, a yẽgrã yaa b tʋʋmdã n ta f raabo, a tõeeme n tall-f n kẽng b nonglem la b zɩsgre la kɩll n tʋg b nengẽ, la woto a tallada neda t'a wõnes a meng ne-ba, halɩ n tʋg n tãag pʋgbã fãa gilli la tũudumẽ wã, -la Wẽnd na maand-d gũudum-.

Yii a Abɩɩ Ayʋʋb Al-ansaary nengẽ -Wẽnd yard be a yĩnga- tɩ ad Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã".

Al-Bukhari and Muslim line

Nabiyaamã -Wẽnd pʋʋsg la A tɩlgr be a yĩnga-gɩdgame tɩ lɩslaam wa tʋg n wãag a ma-bi taag n yɩɩd rasem a tãabo, tɩ b yiibã yembr fãa segd a to , n ka pʋʋsdẽ, n ka gomda. La zabd-n-taas a yiibã sõmlem sẽn yɩɩda, yaa sẽn modgda n rat n yãk wãagrã, n sɩng ne pʋʋsgo, la sẽn yeel tɩ wãagrã kaanẽ wã, yaa wãagr ning sẽn yaa fo mengã hakε wã, la sã n mikame tɩ yaa wãagr ning sẽn yaa Wẽnd hakε wã, wala Wẽnd kɩɩsdbã la bida wã rãmb, la tũud-n-ta wẽnsã wãagre, yẽnda ka bũmb sẽn yãk toaag ye, yẽnda yaa bũmb sẽn yag ne manegr ning sẽn be wãagrẽ wã, rẽnd a sεtame ne wẽngã sεεbo.

Yii a Abɩɩ Sarma nengẽ -Wẽnd yard be a yĩnga- tɩ ad Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "Ned ning sẽn namsa nebã, Wẽnd namsd-a lame, ned ning sẽn kenga nebã, Wẽnd kengda a zugu".

Ibn Maajah line

Nabiyaamã -Wẽnd pʋʋsg la A tɩlgr be a yĩnga- busgda nebã tɩ b ra wa kẽes lɩslaam nasmg ye, maa b rogl-a musaka, sẽn yaa yell ning fãa, zem tɩ yaa a mengẽ, maa a arzεkẽ maa a zak rãmbẽ, la ned ning sẽn maana rẽnda, Wẽnd na n rol-a lame la a sɩbg-a a tʋʋmdã buudu.

Yii a Abɩɩ Saɩɩd Alhʋdry nengẽ, -Wẽnd yard be a yĩnga-, a yeelame: mam wʋma Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, t’a yetẽ: « Ned ning sẽn wa n yã yel kitgɑ, bɩ a tedg-a ne a noorã, la a sã n ka tõe rẽnda, bɩ a tedg-a ne a zɩlemdã, la a sã n ka tõe rẽnda, bɩ a tedg-a ne a sũurã, la yẽnda n tʋg n yɩɩd ne lɩɩmaɑng sẽn yaa valanga. »

Muslim

Nabiyaamã, Wẽnd pʋʋsg la A tɩlgr be a yĩnga, ɑ sagendame tɩ b gɩdg yel-kiti wã, bãmb me yaa bũmb fãa Wẽnd la A Tẽn-tʋʋmã sẽn gɩdgã. tɩ b gɩdg rẽnda pãng tõog tεka. Rẽnd ned sã n yã yel-kitga, yaa tɩlae ne-a t’a tedg yel-kãng ne a nugu, t’a sã n tar tõogo. A sã n ka tõog boto, bɩ a tedg-a ne a zelemdã, la woto yaa a sẽn na n gɩdg ned ning sẽn maanda kisgã, la a vẽneg yellã wẽnga n wilga, la a togl-a yel-sõngo sẽn ledsd yel wẽng-kãnga, La a sã n ka tõog boto, bɩ a gɩdg ne a sũurã, ne yẽ mẽngã kisg yel-kisgdg-kãnga, la a loe n wãag a sũurẽ wã, tɩ yẽ sã n da tara tõog sẽ n na n gɩgd-a, a rag n na gɩdgẽ. La gɩdg ne sũurã, yẽnda n yaa sɩd-kũunã sẽn tʋg n paood n yɩɩda, yel-kiti wã gɩdgr pʋgẽ.

Yii a ɩbn Masʋʋd nengẽ, Wẽnd yard be a yĩnga, a yeelame: Tɩ ned n yeele : Wẽnd Tẽn-tʋʋma, rẽ yĩnga, Wẽnd na n yõka tõnd ne d sẽn tʋm Zɩɩlmã sasa wa bɩɩ? T’a yeele : « ned ning sẽn manega lɩslaoongã pʋgẽ, b ka yõkd-a ne bũmb ninga a sẽn tʋm Zɩɩlmã sasa ye, la ned ning sẽn wẽnga lɩslaoongã pʋgẽ, b yõkd-a la ne a rẽenem la a yaoolem tʋʋm fãa ».

Al-Bukhari and Muslim line

Nabiyaamã, Wẽnd pʋʋsg la A tɩlgr be a yĩnga, vẽnegdame n wilidg lɩslaoongã pʋgẽ kõom yɩɩdlem. La tɩ ned ning sẽn kẽ lɩslaoongã t’a lɩslaoongã manege, t’a yaa pʋ-peelem soaba, n yaa sɩd soaba, b ka na n geel-a ne bũmb ninga a sẽn rag n tʋm Zɩɩlmã sasa, sẽn yaa Wẽnd kɩɩsgã ye. La ned ning sẽn wẽnga lɩslaoongã pʋgẽ, wala a sẽn na n yɩ, n yaa munaafɩka, maa a tarame n bas dĩinã, b na n geel-a lame ne a sẽn tʋm bũmb ninga, kɩfẽnda pʋgẽ, la a sẽn leb n tʋm lɩslaoongã pʋgẽ.