Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Yii a ɭbn Abaas nengẽ, Wẽnd yard be b yiibã yĩnga, a yeelame: Wẽnd Tẽn-tʋʋmã -Wẽnd pʋʋsg lɑ A tɩlgr be ɑ yĩngɑ- ɑ yeelɑ ɑ Mu'ɑɑz ɭbn Gεbɑl, ɑ sẽn wɑ n tʋm-ɑ Yɑmɑnɑ: «Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ wɑkat ɑ nu tɩ yɑɑ tɩlɑe n rog-bɑ, yʋng lɑ wĩndg fãɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ doaɑg tɩ yɑɑ tɩlɑe n rog bãmb zugu, tɩ b reegd rɑkãɑgbẽ wã n kõt b tɑlsã, tɩ b sã n sɑk n tũ rẽndɑ, bɩ f gũus b arzεg yɩlmã reegre, lɑ f zoe b sẽn wẽg ɑ soɑb kãɑbgo, tɩ ɑd lill kɑ be ɑ kosgã ne Wẽnd sʋk ye».
Al-Bukhari and Muslim
Wɑkɑt ning Nɑbiyɑɑmã - Wẽnd pʋʋsg lɑ A tɩlgr be ɑ yĩngɑ- sẽn wɑ n tʋm ɑ Mʋ'ɑɑz ɩbn Gεbɑl -Wẽnd yɑrd be a yĩngɑ- t'ɑ kẽng Yɑmɑn zãmɑɑnɑ, n tʋg n bool-b n tʋg Wẽnd dĩinɑ, lɑ ɑ yɩ b kɑren-saɑmbɑ, Nɑbiyɑɑmã vẽnegɑme n wilg-ɑ t'ɑ nɑ n yekɑ neb sẽn yɑɑ Nɑsɑɑr-dãmbɑ; sẽn nɑ yɩl t'ɑ soglg b yĩngɑ, rẽ poorẽ mɑsɑ bɩ ɑ sɩng ɑ sẽn nɑ n bool-ba bũmb ning sẽn pɑk n to yɩɩdã, n yɑool n ges sẽn pʋgdã, Rẽnd ɑ boond-b lɑme n tʋg Loεεgã mɑnegre nɑnɑndɑ; tɩ b mɑɑn kɑset tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ; bɑlɑ b kẽedɑ Lɩslɑoongã ne Gom-bi-kãngã, tɩ b sã n sɑk n tũ rẽ ɑ yet-b lɑme tɩ b pʋʋse; bɑlɑ Pʋʋsgã n yɩɩd wɑɑgib-rãmbɑ fãɑ Wẽnd-yembgã poorẽ, tɩ b sã n mɑɑn rẽ, ɑ sɑgendɑ b rɑkãɑgbã tɩ b yiis b ɑrzεkã zɑk n kõ b tɑlsã, rẽ poorẽ ɑ bugs-ɑ lɑme t'ɑ rɑ reeg b ɑrzεkã sẽn tʋg n yɑɑ sõmɑ n yɩɩdɑ ye; bɑlɑ sẽn zɑo b zugã yɑɑ tẽng-n-sʋgrã, Rẽ poorẽ t'ɑ sɑgl-ɑ t'ɑ zãag wẽgbã; sẽn nɑ yɩl tɩ b sẽn wẽg ɑ soɑbã rɑ kãɑb-ɑ ye, bɑlɑ ɑ kosgã reegdɑme
Yii ɑ Ʋmɑr ɭbn Hɑtɑɑb nengẽ-Wẽnd yɑrd be ɑ yĩngɑ ɑ yeelɑme: Mɑm wʋmɑ Nɑbiyɑɑmã Wẽnd pʋʋsg lɑ A tɩlgr be ɑ yĩngɑ t'ɑ yetẽ: « ra kils-y maam wala nasaar-rãmbã sẽn kils a Maryam biig a Iisa wã ye, ad mam yaa A yamba, bɩ y yeel-y tɩ Wẽnd yamba la A Tẽn-tʋʋma».
Al-Bukhari
Nɑbiyɑɑmã Wẽnd pʋʋsg lɑ A tɩlgr be ɑ yĩngɑ ɑ gɩdgdɑme tɩ b rɑ mɑɑn n zʋʋg toɑgɑ, lɑ b rɑ zʋʋg sãrɩ wã sẽn kõ sorã tεkã ɑ pẽgrẽ wã, lɑ b rɑ sɩf-ɑ ne Wẽnd Sɩf-rãmbã, lɑ A tʋʋm nins sẽn welg tɩ yɑɑ Yẽ bɑlã, maɑ b yeel t'ɑ mii sẽn solge, mɑa b kot-ɑ n lɑgm ne Wẽnde, wɑlɑ Nɑsɑɑr-rãmbã sẽn mɑɑn ne ɑ Iisɑ ɑ Mɑryɑm biigã, tɩlgr be ɑ yĩngɑ. Rẽ poorẽ t'ɑ vẽneg tɩ yẽ yɑɑ yɑmbɑ sẽn yi Wẽnd yembsẽ wã, lɑ ɑ sɑglɑme tɩ d yeel-ɑ: t'ɑ yɑɑ Wẽnd yɑmbɑ lɑ A Tẽn-tʋmɑ.
Yii ɑ Abɩɩ Hʋrɑyrɑt nengẽ Wẽnd yɑrd be ɑ yĩngɑ t'ɑ yeelɑme: Tɩ b yeele Wẽnd Tẽn-tʋʋmɑ ãnd n yɩɩd zu-noog ne fo sugsgã dũni wã yikr rɑɑre? Tɩ Wẽnd Tẽn-tʋʋmɑ pʋʋsg lɑ tɩlgr be ɑ yĩng yeele: «Mɑm rɑ tẽedɑme ɑ Abʋʋ Hʋrɑyrɑtɑ tɩ ned rɑ reng foo n sok mɑɑm Hɑdiis-kãngã ye, mɑm sẽn ne tɩ fo tɑrɑ yã-beed ne Hɑdiisã bãngrã, ɑd nebã sẽn yɩɩd zu-noog ne mɑm sugsgã Dũni yikr rɑɑrã, yɑɑ ned ning sẽn yeelɑ tɩ lɑɑ ɩlɑɑhɑ ɩllɑl-Allɑh, n yɩlg-ɑ ɑ sũurẽ wã maɑ ɑ mengẽ wã».
Al-Bukhari
Nɑbiyɑɑmã- Wẽnd pʋʋsg lɑ A tɩlgr be ɑ yĩngɑ- kõtɑ kibɑr tɩ nebã sẽn yɩɩd ne zunoogo n nɑ n pɑɑm yẽ sugsgã dũni yikr rɑɑrã yɑɑ ned ning sẽn yeelɑ: " soɑb kɑe rẽndɑ Wẽnde t'ɑ yɑɑ sẽn mɑɑn pʋ-peelem ne gomdã ɑ sũurẽ wã" rɑt n yeel tɩ soɑbɑ b sẽn tũud ne sɩd kɑ be rẽndɑ Wẽnde, lɑ ɑ leb n tɩlg n yi lɑgm-n-tɑɑre lɑ mɑɑn-tɩ-b-yã.
Yii a Gεεbr ɭbn Abdʋllaah nengẽ -Wẽnd yard be b yiibã yĩnga- a yeelame: mam wʋma Wẽnd Tẽn-tʋʋma - Wẽnd pʋʋsg la A tɩlgr be a yĩnga- t'a yetẽ: " ned ning sẽn sεga Wẽnde, n ka maan lagem-n-taar ne-A, a kẽeda arzãna, la ned ning sẽn seg-A,t'a yaa sẽn maan lagem-n-taar ne-A, a kẽeda Bugmã".
Muslim
Nabiyaamã-Wẽnd pʋʋsg la A tɩlgr be a yĩnga- kõta kibar tɩ ned ning sẽn ki n ka maan lagem-n-taar ne Wẽnd baa fʋɩ, a baasg yaa arzãna, baa tɩ b sã n sɩbg-a a zunuub-rãmb sãnda sababo, la ned ning sẽn ki, t'a maanda lagem-n-taar ne Wẽnde, a duumda Bugmã pʋgẽ.
Yii a Abdʋllah ɭbn Mas'ʋʋd nengẽ, a yeelame: Wẽnd Tẽn-tʋʋmã - Wẽnd pʋʋsg la A tɩlgr be a yĩnga-: a yeelame: "Kεngdbã halkame " a yeel-a-la noor a tãabo.
Muslim
Nabiyaamã Wẽnd pʋʋsg la A tɩlgr be a yĩnga- kõta kibare, sẽn kengdb -tɩ ka tũ ne bãngr la kãndagrã- bõnã la b kongrã b dĩinẽ wã la b dũni wã, la b goamẽ wã la b tʋʋmẽ wã, sẽn maand-b n zʋʋgd sãri wã toadgã, Nabiyaamã - Wẽnd pʋʋsg la A tɩlgr be a yĩnga- sẽn wa ne wã.
Yii a Abʋʋ Hʋrayrat nengẽ -Wẽnd yard be a yĩnga- a yeelame: Wẽnd-tẽn-tʋʋm -Wẽnd pʋʋsg la A tɩlgr be a yĩng- yeelame-: «Ned ning sẽn kollɑ keelem soɑbɑ, mɑa ɑ bɑsɑ bũmb tɩ lʋɩ sɑmdẽ wã, sɑm soɑbã yĩngɑ, Wẽnd kẽesd-ɑ-lɑ Al-Arsã mɑɑsmẽ dũni yikr rɑɑrã, rɑɑr ning mɑɑsem sẽn kɑ be tɩ sã n kɑ A mɑɑsmã».
At-Tirmidhi
Nɑbiyɑɑmɑ-Wẽnd pʋʋsg lɑ A tɩlgr be ɑ yĩngɑ- kõo kibɑre tɩ ned ning sẽn mɑɑg ɑ nɑoore ne sɑm soɑbɑ mɑɑ ɑ yãkɑ bũmb sɑmdẽ wã n bɑs tɑɑle, ɑ rolbo: yɑɑ tɩ Wẽnd nɑ n kẽes-ɑ-lɑ A Al-Arsã tẽngr mɑɑsmẽ wã dũni yikrã rɑɑre, raɑr ning wĩndgã sẽn pẽnegd yembsã zutã, t'ɑ tʋʋlmã keng b zugu, tɩ ned bɑa ɑ yembr kɑ nɑ n pɑɑm mɑɑsem rẽndɑ Wẽnd sẽn sool ɑ soɑbɑ.
Yii a Abʋʋ Hʋrayrat nengẽ -Wẽnd yard be a yĩnga- a yeelame: Wẽnd Tẽn-tʋʋm -Wẽnd pʋʋsg la A tɩlgr be a yĩnga- yeelame-: «Ned ning Wẽnd sẽn wa n rat-a ne sõma, A rogend-a-la yelle».
Al-Bukhari
Nabiyaamã kõta kibare -Wẽnd pʋʋsg la A tɩlgr be a yĩnga- tɩ Wẽnde, A sã n rat neda, A yembsã pʋgẽ ne sõma, A zarbd-b lame n gese, b mensẽ wã la b arzẽgsẽ wã la b nebẽ wã, ne bũmb ning sẽn be a pʋgẽ, tɩ muunim lebsd a meng Wẽnd nengẽ, ne Wẽnd kosgo, n leb n yaa zunuub yaafg n be a pʋgẽ, n leb n yaa bũmb sẽn zẽkd lɩslaam dargε-rãmba.
Yii a ɭbn Abaas nengẽ, Wẽnd yard be b yiibã yĩnga Tɩ yii Nɑbiyɑɑmɑ -Wẽnd pʋʋsg lɑ A tɩlgr be ɑ yĩngɑ- ɑ sẽn reeng n yi ɑ Soɑbɑ nengẽ- A nɑɑm yɩ wɑgell n zẽke- t'A yeelɑme: «Wẽnd pʋlmɑ tʋʋm sõmbsã lɑ tʋʋm wẽnsã, rẽ poorẽ t'A vẽneg rẽ, rẽnd ned ning sẽn sɑɑgɑ yel-sõmde lɑ ɑ Kɑ mɑɑne, Wẽnd gʋlsd-ɑ-lɑ A nengẽ n kõ-ɑ yel-sõmd sẽn pidi, lɑ ɑ sã n sɑɑg-ɑ lɑ a mɑɑn-ɑ Wẽnd gʋlsd-ɑ-lɑ A nengẽ n kõ-ɑ yel-sõmd piigɑ n tʋg n tãɑg fãoob kobs-yopoe, n tʋg n tãɑg fãoob wʋsgo, lɑ sẽn sɑɑgɑ ne tʋʋm wẽngɑ lɑ ɑ Kɑ tʋm-ɑ Wẽnd gʋlsd-ɑ-lɑ A nengẽ yel-sõmd sẽn pidi, lɑ ɑ sã n sɑɑg-ɑ n mɑɑn-ɑ, Wẽnd gʋlsdɑme n kõ-ɑ yel-wẽng ɑ yembre».
Al-Bukhari and Muslim
Tẽn-tʋʋmɑ -Wẽnd pʋʋsg lɑ A tɩlgr be ɑ yĩngɑ- vẽnegdɑme n wilgdẽ tɩ Wẽnd pʋlmɑ yel-sõmɑ lɑ yel-wẽnsã, rẽ poorẽ t'A vẽneg n wilg tʋʋmã sẽn zɑo b rãmb zutã (Bɑɑligsã) b sẽn gʋlsd-b yiibã to-to: Rẽnd ned ning sẽn rɑtɑ lɑ ɑ togle n loe n nɑ n mɑɑn yel-sõmdã, b gʋlsdɑ yel-sõmd yεng n kõ-ɑ, baɑ t'ɑ kɑ mɑɑn-ɑ, lɑ ɑ sã n mɑɑn-ɑ b fãood-ɑ lɑme ɑ piig buud bilgri n tʋg n tãɑg fãoob kobs-yopoe, n tʋg fãoob-rãmb wʋsgo, lɑ pɑasgã zemsdɑ wɑlɑ sẽn be sũurẽ wã, sẽn yɑɑ pʋ-peelem lɑ nɑfɑ longre, lɑ sẽn wõnd rẽndɑ. Lɑ ned ning sẽn rɑtɑ lɑ ɑ togle n loe n nɑ n mɑɑn wẽngã, n lebg n bɑs-ɑ Wẽnd yĩngɑ b gʋldɑ yel-sõmdɑ yembre n kõ-ɑ, lɑ ɑ sã n bɑs-ɑ soagl yĩngɑ lɑ ɑ kɑ mɑɑn ɑ sɑbɑb-rãmbɑ b kɑ gʋlsd bɑɑ fʋɩ, lɑ ɑ sã n bɑs-ɑ, pãng kaalem yĩnga b gʋsld ɑ Anniyã, lɑ ɑ sã n mɑɑn-ɑ b gʋlsdɑ yel-wẽng ɑ yembre n kõ-ɑ.
Yii a Abɩɩ Hʋrayrat nengẽ -Wẽnd yard be a yĩnga- a yeelame: Wẽnd tẽn-tʋʋm -Wẽnd pʋʋsg la A tɩlgr be a yĩnga- a yeelame-: «Ad Wẽnd ka get y naandã la y arzεkã ye, la ad A geta yãmb sũyã la y tʋʋmã.
Muslim
Nabiyaamã -Wẽnd pʋʋsg la A tɩlgr be a yĩnga- vẽnegdame n vilgdẽ, tɩ Wẽnde, A Naam yɩlgame n zẽke, A ka get yembsã naandã la b yĩnsã, a yaa neer bɩ a yaa wẽnga, a yaa bedr bɩ a yaa kɩdga, a yaa laafɩ bɩ a yaa bãadã, A ka get rẽ fãa ye. La A ka get b arzεk me ye, a yaa wʋsg bɩ a yaa kɩdga, rẽnd Wẽnde, A Naam yɩ wagell n zẽke, A ka yõkda A yembsã, A ka geend-b yel-kãensã yĩnga la b yõs-taab a pʋgẽ wã ye, la A sẽn gete, yaa b sũyã la bũmb ning sẽn be sũy wã, sẽn yaa Wẽnd zoεεga la sɩd-kũuni la sɩda la pʋ-peelem, maa sẽn yaa maan-tɩ-b-yã la maan-tɩ-b-wʋm raabo, la ad Wẽnd sẽn getã yaa b tʋʋmã, rẽ yĩnga a manegame bɩ a sãamame, rẽnd n ges beenẽ n kõ-b yel-sõma la A rol-b rẽ zugu.
