Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Yii a Abɩɩ Hʋrayra nengẽ, -Wẽnd yarbe be a yĩnga-, tɩ Wẽnd Tẽn-tʋʋmã, -Wẽnd pʋʋsg la A tɩlgr be a yĩnga-, yeelame: «Dũni wã ka yikdi halɩ tɩ wĩntoogã wa tʋg n puk a sẽn lʋɩtẽ wã, rẽnd a sã n wa tʋg n puk a sẽn lʋɩt zĩig ningã, tɩ nebã yã-a, b fãa gill na n kõo sɩda, la rẽnda la Wẽnd sẽn yeele : {yõor sɩd-kũun pɑ le nɑfd-ɑ, t'a sã n dɑ pɑ kõ sɩd mɑɑ ɑ tʋmɑ ɑ sɩd-kũunã pʋgẽ sẽn sõmb ye.} [Al-An-Aam: 158], la dũni wã na n yikame, n mik tɩ raoap a yiibu, n tẽeg fuugu, n rat n na koose, b ka na n paam n koos-a ye, b ka na n paam n põd-a tɩ dũni ka yik ye, la dũni na n yika ned zugu, tɩ mik t’a ra kẽng n tɩ pẽe a yʋgʋmde, bĩisim la a ka na n paam yũ-a ye, dũni na n leb n yikame n mik tɩ ned manegd a garga la a ka na n yũ a pʋgẽ ye, la dũni na n yikame n mik tɩ yãmb nina yaa sẽn zẽk a sag-võre n rabd a noorẽ wã la a ka na n rɩ-a ye».
Al-Bukhari and Muslim
Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, kõta kibar dũni wã yikr tagmas bεdã, sẽn be a pʋgẽ, yaa tɩ wĩndtoogã na n wa puka zĩig ning a sẽn lʋɩtẽ wã, n bas a sẽn pukdẽ wã, la nebã sẽn wat n yã rẽ wã, b fãa na n kõo sɩda, la wakat-kãngã, kɩfr liimaoong ka na n leb n naf-a, tʋʋm sõng me ka na n leb n nafe, tuubg me ka na n leb n nafe. Rẽ poorẽ tɩ -Wẽnd pʋʋsg la A tɩlgr be a yĩnga-, kõ kibar tɩ dũni yikr na n yɩɩ lingri, bala a na n yikame tɩ nebã be b halhaal-rãmbẽ wã la b vɩɩmã yεlẽ; Rẽnd dũni na n yikame tɩ koaasa la raada, b tẽeg b laogã, la b ka na n tõog n koose, b ka na n tõog n põd b laogã me ye, Dũni na n yikame tɩ raoa yaa sẽn pẽ a yʋgʋmd (bĩisim) la a ka na n tõog n yũ-a ye, Dũni na n yikame, n mik tɩ ned manegd a koom yũub zĩiga, n saasdẽ, la a ka n tõog n yõng koom be n yũ ye, Dũni na n leb n yikame, n mik tɩ ned yaa sẽn zẽk sag-võr a noorẽ, n na n vele, la a ka na n rɩ-a ye.
Yii a Abɩɩ Saɩɩd Alhudry, -Wẽnd yard be a yĩnga-, a yeelame, Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, yeelame: «B na n waa ne kũum t’a wõnd pesg sẽn tẽgse, tɩ boaand boole : «yaa yãmb a arzãn koamba!» Tɩ bãmb sɩndg n getẽ, t’a yeele, rẽ yĩnga yãmb mii yãwã bɩɩ? Tɩ b yeele, n-yee, yãwã la kũum, tɩ b fãa gill yã-a. Rẽ poorẽ t’a lebg n boole: « yaa yãmb a Bugum koamba!» Tɩ bãmb me sɩndge n zẽk n yetẽ, t’a yeele, la yãmb mii yãwã bɩɩ? Tɩ b yeele, n-yee, yãwã la kũum, b fãa gillã me yã-a lame, tɩ b koadg-a, rẽ poorẽ tɩ b yeele: arzãn koambã, yãmb na n duumame tɩ kũum ka leb n be ye, yãmb a Bugum koamb me y na n duumame tɩ kũum ka be ye, rẽ poorẽ tɩ Nabiyaamã kareme {La bugs-b ne nĩmsã raarã, yellã sẽn wat n bʋ wã; tɩ bãmb yaool n be yam yaal-yaal pʋgẽ n ka kõt sɩd ye.} [Maryam: 39], bãmbã la dũni yam yaal-yaal neba {n ka kõt sɩd ye} [Maryam: 39]».
Al-Bukhari and Muslim
Nabiyaamã, -Wẽnd pʋʋsg la A tɩlgr be a yĩnga-, togsdame n vẽnegd n wilgdẽ, tɩ kũuma, b na n waa ne-a, dũni yikr raare, t’a wõnd pe-raoogo, peelem la sablem sẽn be a kõbgẽ wã, Tɩ b boole: «arzãn koambã» tɩ bãmb tẽeg b yubli wã, n getẽ, Tɩ b yeel-ba: «yãmb mii yãwã bɩɩ?» Tɩ b yeele : «n-yee, yãwã la kũum » b fãa gill me yã-a lame, b bãng-a lame, Rẽ poorẽ tɩ boaandã leb n boole: «yaa yãmb Bugum koambã» tɩ b zẽk b yubli wã n yetẽ, T’a yeele : «yãmb mii yãwã bɩɩ?» Tɩ b yeel tɩ n-yeel, yãwã la kũum, b fãa gill me yã-a lame; Tɩ b koadg-a, rẽ poorẽ tɩ boaandã yeele: «arzãn koambã, paa-y arzãnẽ wã, tɩ kũum ka be lae ye, yãmb me Bugum koambã, y na n paame, tɩ kũum ka be lae». La woto yaa sẽn na n yɩl tɩ muunim-rãmbã neemã wã paase la a yɩ yõ-tẽgre ne kɩfr-rãmbã namsgo. Rẽ poorẽ tɩ Nabiyaamã, -Wẽnd pʋʋsg la A tɩlgr be a yĩnga-, kareme: {La bugs-b ne nĩmsã raarã, yellã sẽn wat n bʋ wã; tɩ bãmb yaool n be yam yaal-yaal pʋgẽ n ka kõt sɩd ye} Rẽnd dũni yikr raare, b na n welga arzãn koamba la Bugum koamba, tɩ ned fãa kẽ a zĩigẽ, n duumd beenẽ, n ka na n yi ye, Rẽnd wẽng maanda, a sãamda a sũuri, n maan mimsa, yẽ sẽn ka manegã yĩnga, la sẽn maana koeegr me, yẽ me maanda mimsa a sẽn ka maan sõmã wã tɩ yɩɩd woto wã.
Yii a Abɩɩ Hʋrayrat nengẽ, -Wẽnd yard be a yĩnga-, a yeelame: Gafã rãmba, b ra karemda Tawraat ne ɭbraaniya (Yahuud-rãmbã goama), la b welsd-a ne Laarabiimdu n kõt lɩslaambã, tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeele : « ra sɩdg-y bãmbã la ra yags-y-b me ye, la yeel-y» : «{Tõnd kõo sɩd ne Wẽnde, la b sẽn sik n kõ tõndã} [Albaƙra : 136] »
Al-Bukhari
Nabiyaamã, (Wẽnd pʋʋsg la A tɩlgr be a yĩnga), bugsda b poorẽ rãmbã, tɩ b ra wa belg b menga ne Gafã rãmb a taabã sẽn togsd yεl ninsi, tɩ be b Gaf-rãmbẽ wã ye, Bala Yahuud-rãmbã rag n yɩɩme, Nabiyaamã, (Wẽnd pʋʋsg la A tɩlgr be a yĩnga), wakatẽ wã n karemd Tawraat ne Yahuud-rãmbã goam, la b yaool n welsd-a n wiligdẽ ne Laarabiimdu, Tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeele: ra kõ-y bãmbã sɩda, ra yags-y-b me ye, bala wãnde naaga ne yεl ninsi b sẽn ka mi sɩda la zĩri wã n welsã; La woto, tɩ Wẽnde, A Naam yɩ wagelle, A sagla tõnd tɩ d kõ sɩda, ne Wẽnd sẽn sik n kõ tõndã, sẽn yaa Alkʋrãana, la sẽn sik n kõ bãmbã, sẽn yaa Gaf-rãmba, la sor ka be beenẽ tõnd sẽn tõe n welg n bãng bũmb ninga b sẽn bʋʋd ne b Gaf-rãmbã pʋgẽ wã, n welg a yook ye, halɩ n wa tʋg n bãnge b sẽn bʋʋd bũmb ningã b Gaf-kãensã pʋgẽ wã sɩdã sẽn ta zĩig ningẽ n welg ne a zĩri-beedo, tɩ sã n mikame tɩ yel-kãng ka wa tõnd sari wã pʋgẽ, la bũmb ning sẽn vẽnegd n welg a sɩdã la a zĩri-beedã Rẽnd wakat-kãnga, d yalsdame, d ka kõt-b sɩd ye, bʋɩl yĩnga tɩ d ra wa lagem-ba b sẽn gõdg Wẽnd goamã b Gaf-rãmbã pʋgẽ, la d ra leb n wa yags-ba tɩ b gomdã tõeeme n yɩ sɩda, wakat-kãnga, d mikdame tɩ tõnd kɩɩsa b sẽn sagl tõnd tɩ d kõ sɩd ne wã, La Nabiyaamã, (Wẽnd pʋʋsg la A tɩlgr be a yĩnga), a sagla tõnd tɩ d yeele: {Yeel-y: "d kõo sɩd ne Wẽnd lɑ sẽn sik n kõ tõndã lɑ sẽn sik n kõ a ɭbrɑɑhɩɩm lɑ ɑ ɭsmɑɑɩɩl lɑ a ɭshɑɑk lɑ a Yɑ'ɑƙuub lɑ Yɑgensã lɑ b sẽn kõ ɑ Muusɑ lɑ ɭɩsɑ lɑ b sẽn kõ Nɑbiyɑɑm-rãmbã sẽn yi b Soɑbã nengã wã, tõnd pɑ welgd bɑɑ a yembre, b pʋgẽ ye, tõnd me yɑɑ sɑk-n-tũ-rãmbɑ ne-A} [Al Bakara: 136].
Yii ɑ Abdʋllɑɑh ɭbn Amr nengẽ- Wẽnd yɑrd be b yiibɑ yĩngɑ, ɑ yeelɑme: Nabiyaamã -Wẽnd pʋʋsg la A tɩlgr be a yinga- yeelame: « Tɑɑs-y mɑm yĩngɑ, bɑɑ tɩ sã n yɑɑ Aɑyɑr ɑ yembre, lɑ y yẽs ɭsrɑɑɩɩl koɑmbã kibɑyã, tɩ tɑɑl kɑ be ye, lɑ ned ning sẽn yɑgɑ n rogl mɑɑm pʋ-toogo bɩ ɑ bɑo ɑ zĩndg zĩig Bugmẽ wã».
Al-Bukhari
Nɑbiyɑɑmã- Wẽnd pʋʋsg lɑ A tɩlgr be ɑ yĩngɑ- ɑ sɑgendɑme tɩ b tɑɑs bãngrã sẽn yi Alkʋrãɑnẽ wã mɑɑ sunnɑh, bɑɑ tɩ bũmbã yɑɑ bilfu, sẽn yi Alkʋrãɑnẽ wã mɑɑ Hɑdiisẽ, lɑ yɑɑ sɑrt t'ɑ bãng bũmb ning ɑ sẽn boond n tʋgdẽ wã. Rẽ poorẽ t'ɑ vẽnegdẽ-Wẽnd pʋʋsg lɑ A tɩlgr be ɑ yĩngɑ- tɩ yel kɑe tɩ b yẽs sẽn yi Bɑnii ɭsrɑɑɩɩl-rãmb nengẽ ye, yεl nins sẽn yɩ b nengẽ tɩ pɑ yõsgd ne tõnd sãrɩ wã. Rẽ poorẽ t'ɑ bugs tɩ b rɑ yɑg n roglg ɑ zug ye, lɑ ned ning sẽn yɑgɑ pʋ-toogo bɩ ɑ bɑo ɑ zĩndg zĩig Bugmẽ wã.
Yii a Miƙdaam ɭbn Ma’adiikarab -Wẽnd yard be a yĩnga- a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: «Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã bal n be d sʋka, bũmb ning tõnd sẽn mik Wẽnd Gafã pʋgẽ tɩ yaa halaalã, d na n maaname tɩ yaa halaale, la d sẽn mik a pʋgẽ tɩ yaa haraam d na n maaname tɩ yẽ yaa haraam, la hadiis ka pak tõnd ye, la b bãng tɩ bũmb ning Wẽnd Tẽn-tʋʋmã -Wẽnd pʋʋsg la A tɩlg be a yĩnga- sẽn harm-a, a yaa wala Wẽnd sẽn haram bala».
Ibn Maajah
Nabiyaamã -Wẽnd pʋʋsg la A tɩlgr be a yĩnga- kõta tõnd kibare, tɩ zãmaan n pẽnege, tɩ neb kõbg n na n zĩnd beenẽ, ned fãa kɩll a kʋgs zugu, tɩ Nabiyaamã, -Wẽnd pʋʋsg la A tɩlgr be a yĩnga- hadiis wa tʋg n ta a nengẽ, t’a yetẽ : « bũmb ning sẽn kaood bʋʋd tõnd ne yãmb sʋka yεlã pʋgẽ, ad yaa Alkʋrãanã bala, a seka tõndo, tõnd sẽn mik bũmb ninga Alkʋrãanã pʋg tɩ yaa halaalã tõnd na n tʋma ne rẽ, la d sẽn mik a pʋgẽ tɩ yaa haraam d na n zoe n zãag-a lame ». Rẽ poorẽ, tɩ Nabiyaamã -Wẽnd pʋʋsg la A tɩlgr be a yĩnga-vẽnege n wilg tõnd tɩ ad bũmb fãa gill Nabiyaamã sẽn harmã maa a gɩdgame, a Sunnã pʋgẽ, ad yẽnda bʋʋdo yaa wala Wẽnd sẽn gɩdg bũmb ningã A Gafã pʋgẽ, bala yaa Nabiyaamã la ned ning sẽn taasd a Soabã koεεgã.
Yi a Abɩɩ Hʋrayrat nengẽ, -Wẽnd yard be a yĩnga-, tɩ yii Nɑbiyɑɑmã nengẽ, -Wẽnd pʋʋsg la A tɩlgr be a yĩngɑ-: «M Soɑbɑ Wẽnde rɑ mɑɑn m Kɑbrã tɩ yɑɑ rʋbg ye, Wẽnd kãɑbg be ne neb sẽn dɩk b Nɑbiyɑɑ-rãmb yɑɑdo n mɑɑn Misɑ».
Ahmad
Nɑbiyɑɑmɑ kosa ɑ Soɑbã t'ɑ rɑ mɑɑn ɑ yɑoogã tɩ yɩ wɑlɑ rʋbgɑ tɩ nebɑ tũud-ɑ ne b sẽn zɩsgd-ɑ, lɑ b togend-ɑ suguudẽ wã, rẽ poorẽ -Wẽnd pʋʋsg lɑ A tɩlgr bze a yĩnga- kõo kibɑre tɩ Wẽnd zãɑgɑ ne A yolsgã ned ning sẽn dɩk nɑbiyɑɑm-rãmbã yɑɑdã n mɑɑn misɑ wã; bɑlɑ rɩk yɑɑdã n mɑɑn misã wã yɑɑ sẽn nɑ tik n tũ-bɑ lɑ b tẽ-bɑ.
Yi a Abʋʋ Hʋrayrat nengẽ -Wẽnd yard be a yĩnga- a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩng- yeelame-: «Wẽnd yeelɑme A nɑɑm zẽkame: Mɑm sekɑ M mengɑ n yi lɑgm-n-tɑɑrɑ rãmb lɑgm-n-tɑɑrã, ned ning sẽn tʋmɑ tʋʋmde n lɑgm bũmb zẽng ne mɑɑm ɑ tʋʋmdã pʋgẽ, m bɑsd-ɑ lɑme ne ɑ lɑgm-n-tɑɑrã».
Muslim
Nɑbiyɑɑmɑ -Wẽnd pʋʋsg lɑ A tɩlgr be ɑ yĩngɑ- kõtɑ kibɑre tɩ Wẽnde, A nɑɑm yɩ wɑgell n zẽke: Yẽ n yɩɩd lɑgm-n-tɑɑsã ne sek-m-mengɑ n yi lɑgm-n-tɑɑrã, bɑlɑ Yẽ lɑ sek-m-meng Soɑbɑ n yi bũmbã fãɑ, lɑ ninsɑɑl sã n tʋm tʋʋmde sẽn yɑɑ tũudum n mɑɑn-ɑ tɩ yaa Wẽnd yĩngɑ lɑ zẽng sẽn pɑ Wẽnde; Wẽnd bɑsd-ɑ lɑme, n pɑ reeg-ɑ ye, n lebs ɑ soɑbɑ ɑ tʋʋmɑ; Rẽnd yɑɑ tɩlɑe tɩ b yɩlg tʋʋmdã Wẽnd A yembr yĩngɑ, bɑla Wẽnde A nɑɑm yɩlgame, A pɑ reegd sã n pɑ sẽn yɑɑ yɩleng tɩ yɑɑ A yĩng bɑlɑ.
Yii ɑ Gʋndʋb nengẽ -Wẽnd yɑrd be ɑ yĩngɑ- ɑ yeelɑme: M wʋmɑ Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ-, tɑoor t'ɑ nɑ pɑ mɑɑn kɑɑlem ne rɑsemɑ nu, t'ɑ yetẽ: « Mɑm lebsdɑ m meng Wẽnd nengẽ, n dɑ wɑ tɑll noang yãmb pʋgẽ ye, bɑlɑ Wẽnde -A nɑɑm zẽkame-, A yõkɑ mɑɑm n mɑɑn A zɑoa, wɑlɑ A sẽn rɩk ɑ ɭbrɑhɩɩm n mɑɑn A zɑo wã, lɑ mɑm sã n dɑ nɑ n dɩk ned mɑm zãmɑ wã pʋgẽ, m rag n dɩk ɑ Abuu Bɑkr n mɑɑn zoɑ, lɑ sẽn reng-b yãmb tɑoorã b rɑ rɩkdɑ b Nɑbiyɑɑm-dãmbɑ lɑ b nĩn-sõmbsã yɑɑdã n mɑɑnd miisɑ, bɩ yãmb rɑ rɩk yɑɑdã n mɑɑn miisɑ ye, ad mɑm gɩdgdɑ yãmb n yi rẽndɑ».
Muslim
Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ-, ɑ togsɑ a menga ziirã sẽn yɑɑ soɑbɑ Wẽnd nengẽ -A nɑɑm zẽkame-, lɑ le togsdẽ t'ɑ tɑɑ nonglemã dɑrgε-rãmb tεkẽ, wɑlɑ ɑ ɭbrɑɑhɩɩm -tɩlgr be ɑ yĩngɑ- sẽn pɑɑm-ɑ wã, rẽ n kɩt t'ɑ tõdg ne ɑ nɑ tɑll noanga zẽng sẽn pɑ Wẽnde; bɑlɑ ɑ sũurã pidɑ ne Wẽnd nonglem lɑ A zɩsgre lɑ A minim, rẽnd sẽk pɑ le be ne nin zẽng tɩ pɑ Wẽnd ye, lɑ ɑ sã n dɑ tɑrɑ zoɑ bõn-nɑɑndsẽ wã nɑ yɩ ɑ Abuu Bɑkre -Wẽnd yɑrd be ɑ yĩngɑ-. Rẽ poorẽ t'ɑ bugs tɩ b rɑ mɑɑn n zʋʋg toɑɑg ning sẽn sεgd nonglemã pʋgẽ wã ye, wɑlɑ Yɑhʋʋd-rãmbã lɑ Nɑsɑɑr-dãmbã sẽn mɑɑne b Nɑbiyɑɑm-dãmbɑ lɑ b nin-sõmbsã yɑɑdẽ wã, hɑlɩ n wɑ mɑɑn-bɑ tɩ b lebg lɑgm-n-tɑɑr soab-dãmbɑ tɩ b tũud-b tɩ pɑ Wẽnd ye, lɑ b me b yɑɑdẽ wã miisɑ lɑ Tũudum roto, tɩ -Wẽnd pʋʋsg lɑ A tɩlgr be a yĩnga- gɩdg ɑ poorẽ dãmbã, tɩ b rɑ wɑ mɑɑn wɑlɑ b sẽn mɑɑnɑ ye.
Yii ɑ Ʋmɑr biig nengẽ -Wẽnd yɑrd be b yiibã yĩngɑ- t'ɑ wʋmɑ rɑo t'ɑ yetẽ: M wẽen ne Alkɑabã, t’ɑ Ʋmɑr biig yeele; Ad pɑ wẽende ne zẽng sẽn pɑ Wẽnd ye, bɑlɑ mɑm wʋmɑ Wẽnd Tẽn-tʋʋmã -Wẽnd pʋʋsg lɑ A tɩlgr be ɑ yĩngɑ- t'ɑ yetẽ: "ned ning sẽn wẽena, tɩ pa yɩ ne Wẽnde, a soab kɩflame maa a maana lagm-n-taare"
At-Tirmidhi
Nɑbiyɑɑmã Wẽnd pʋʋsg lɑ A tɩlgr be ɑ yĩngɑ ɑ kõtɑ kibɑre tɩ ned ning sẽn wẽenɑ tɩ pɑ ne Wẽnde lɑ A yʋyã lɑ A sɩf-rãmbɑ, ɑ kɩflɑ ne Wẽnde, ɑ mɑɑnɑ lɑgm-n-tɑɑre; bɑlɑ wẽenegã ɑ zɩsgdɑ b sẽn wẽen ne ɑ soɑbã, lɑ zɩslmã yɑɑ Wẽnd n sõmb ne-a, Yẽnd A yembre; rẽnd b pɑ wẽen ne, rẽndɑ ne Wẽnde, lɑ A yʋyã, lɑ A sɩf-rãmbã A nɑɑm yɩlgame, Lɑ wẽen-kãngã ɑ be lɑgm-n-tɑ-bilɑ pʋgẽ; lɑ wẽendã sã n zɩsg bũmb ning ɑ sẽn wẽen ne wã, wɑlɑ b sẽn zɩsgd Wẽndã, mɑɑ sẽn yɩɩd rẽ; wɑkɑt-kãngɑ, ɑ lebgdɑ lɑgm-n-tɑ kãsengã
