Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Yii ɑ Abɩɩ Hʋrɑyrɑt nengẽ- Wẽnd yɑrd be ɑ yĩngɑ- tɩ Wẽnd Tẽn-tʋʋmɑ- Wẽnd pʋʋsg lɑ A tɩlgr be ɑ yĩngɑ- ɑ rɑ yɩ n yetɑme: «Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã».
Muslim
Nɑbiyɑɑmã- Wẽnd pʋʋsg lɑ A tɩlgr be ɑ yĩngɑ- kõtɑ kibɑre, tɩ fɩrilɑ a nu wã sẽn pʋʋsd yʋng lɑ wĩndgã, lɑ arzũmã Pʋʋsg rɑsm ɑ yopoe fãɑ, lɑ Rɑmɑdɑɑnɑ no-loeerã yʋʋm fãɑ wã, ɑ yɑɑfdɑ zũnuub bãɑnegã sẽn be b sʋkã, lɑ yɑɑ sɑrt tɩ b zãɑg zũnuub bεdã, lɑ sã n yɑɑ zũnuub bεdã, wɑlɑ yoobã lɑ rãɑmã yũubã yẽ pɑ yɑɑfde sã n pɑ tuubgu.
Yii a Abdʋllaah ɭbn Amr nengẽ, -Wẽnd yard be b yiibã yĩnga-, tɩ yii Nabiyaamã nengẽ, -Wẽnd pʋʋsg la A tɩlgr be a yĩnga- a yeelame: «Ad rog tõkdɑ pɑ sẽn mɑɑndɑ neere n rondẽ wã ye, lɑ ɑd rog tõkdɑ yɑɑ b sẽn nɑ n wãɑg ɑ soɑb rogem, lɑ a sẽn tõkd-ɑ».
Al-Bukhari
Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ- kõtɑ kibɑre tɩ ned ning rogem tõkr sẽn pidi, lɑ rog-pẽtb mɑnegre, pɑ ned ning sẽn yekd mɑnegrã ne mɑnegrã ye, lɑ tõkd hɑkɩɩkã, rogem tõkr sẽn pidã, yẽ lɑ b sẽn nɑ n wãɑg ɑ rogmã t'ɑ tõk-ɑ, baɑ tɩ b sã n mɑɑn-ɑ wẽngɑ; ɑ yekd-b-lɑ ne mɑnegre, lɑ mɑɑn neere.
Yii a Abʋʋ Hʋrayrat nengẽ -Wẽnd yard be a yĩnga- a yeelame: Wẽnd Tẽn-tʋʋma -Wẽnd pʋʋsg la A tɩlgr be a yĩng- yeelame: «Ned ning sẽn loe Ramadaanã, ne liimaoongo (sɩd kũuni) la yel-sõmd tẽebo, b yaafd-a lame, a zunuubã sẽn reng taoorã».
Al-Bukhari and Muslim
Nɑbiyɑɑmã kõtɑ kibɑre -Wẽnd pʋʋsg lɑ A tɩlgr be ɑ yĩngɑ- tɩ ned ning sẽn loe Rɑmɑdɑɑnã kiuug tɩ yɑɑ sɩd kũun ne Wẽnde, lɑ Rɑmɑdɑɑnã yɑɑ tɩlɑe wã (fɑrilã) sɩdgre, lɑ Wẽnd sẽn sεglg no-loetbã yĩngã, sẽn yɑɑ yel-sõmb bεdɑ lɑ keoorã, t'ɑ no-loeerã yɑɑ Wẽnd yĩngɑ, kɑ mɑɑn tɩ b yã, kɑ mɑɑn tɩ b wʋme, b yɑɑfdɑ ɑ zunuub-rãmbã sẽn loogã.
Yii a Abʋʋ Hʋrayrat nengẽ -Wẽnd yard be a yĩnga- a yeelame: Wẽnd tẽn-tʋʋmã -Wẽnd pʋʋsg la A tɩlgr be a yĩng- yeelame: «Ned ning sẽn yalsa ne Pʋʋsgo Laylat Alkadrã (Pʋlengã) raar yʋngo, tɩ yaa sɩd-kũun la yel-sõmd tẽebo, b yaafda a zunuubq sẽn reng taoore »
Al-Bukhari and Muslim
Nabiyaamã -Wẽnd pʋʋsg la A tɩlgr be a yĩnga- kõta kibare Pʋlengã raar yʋng yalsg yel-sõmde, yẽ me la sẽn yɩt Ramadãanã rasem pi-yaoogã pʋgẽ wã, la ned ning sẽn nidg pãnga a pʋgẽ, ne Pʋʋsgo la doaag kosgo la Alkʋrãan karengo, la Wẽnd yʋʋrã tẽegre, t'a yaa sẽn kõ sɩd ne-a la bũmb ning sẽn wa sẽn yaa hadiis-rãmb n wilgd a yɩɩdlemã, n tẽed a tʋʋm-kãngã, Wẽnd yel-sõmdã, ka maan-tɩ-b-yã, ka maan-tɩ-b-wʋme, ad b na n yaafa yẽnda a zunuub nins sẽn da reng taoorã.
Yii a Annou’maan ɭbn Basɩɩr nengẽ -Wẽnd yard be a yĩnga-a yeelame: m wʋma Wẽnd Tẽn-tʋʋma -Wẽnd pʋʋsg la A tɩlgr be a yĩnga- t'a yetẽ, -t'a Annu'maan yɑɑ sẽn rɩk a nus a yiibã n teesd a tʋb a yiibã-: «Ad Hɑlɑɑlã yɑɑ vẽenegɑ tɩ Hɑrɑɑmã me yɑɑ vẽenegɑ, lɑ b yiibã sʋkɑ yel-gẽts n be beenẽ, tɩ nebɑ wʋsg kɑ mi-b ye, lɑ ned ning sẽn gũusɑ yel-gẽtɩ wã ɑ yɩlg ɑ dĩinã lɑ a burkĩndã, lɑ sẽn lʋɩ ɑ yel-gẽtɩ wã pʋgẽ ɑd ɑ lʋɩɩ hɑrɑɑmẽ, ɑ bilgr yɑɑ wɑlɑ rũm-kɩɩmã sẽn wãmbd yɑmd-zɑbdg kɩrengɑ ɑ sã n kɑ gũusi ɑ nɑ n wãb-ɑ lɑme, lɑ ɑd nɑɑb fãɑ tɑrɑ ɑ yɑmd-zɑbdgɑ, lɑ ɑd Wẽnd wãmneg zĩig ning sẽn zɑbdã, yɑɑ A sẽn gɩdg yεl ninsã, lɑ ɑd yĩngɑ pʋgẽ nem-võre n be beenẽ, ɑ sã n mɑnege, yĩngã fãɑ mɑnegdɑme, lɑ ɑ sã n sãɑme, yĩngã fãɑ sãɑmɑme, ɑd yẽ yɑɑ sũurã».
Al-Bukhari and Muslim
Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ- vẽnegdɑme n wilgdẽ zeng rɑoog sẽn gũbg yεlã pʋgẽ, tɩ lɑ ɑ pʋɩtɑ kõbg ɑ tãɑb sãri wã pʋgẽ: Hɑlɑɑl sẽn yɑɑ vẽenegɑ, lɑ Hɑrɑɑm sẽn yɑɑ vẽenegɑ, lɑ yel-gẽds tɩ b bʋʋdã pɑ vẽenegɑ b hɑlɑɑl lɑ b hɑrɑɑm wεεngẽ ye, nebã wʋsg kɑ mi b bʋʋdã ye. Rẽnd ned ning sẽn bɑsɑ yel-gẽds-kãensɑ ɑ dĩinɑ tɩlgɑme ne ɑ sẽn zãɑg hɑraɑmã pʋgẽ lʋɩɩsã, t'ɑ burkĩndã pɑɑm tɩlgre n yi nebã goɑmã, ne b sẽn nɑ n zɑngd-ɑ ɑ sẽn tʋm yel-gẽdg-kãngã wã. Lɑ ned ning sẽn kɑ zãɑgɑ yel-kãensã rẽnd ɑ kẽesɑ ɑ mengɑ mɑɑ tɩ yɑɑ hɑrɑɑmã pʋgẽ lʋɩɩse mɑɑ tɩ nebã sẽn nɑ n pɑɑm ɑ burkĩndã. Lɑ Tẽn-tʋʋmɑ -Wẽnd pʋʋsg lɑ A tɩlgr be ɑ yĩngɑ- rɩkɑ bilgri n vẽnegd neb nins sẽn mɑɑn yel-gẽtɩ wã halhɑɑlã, tɩ yɑɑ wɑlɑ rũm-kɩɩm sẽn gũud ɑ rũmsi zĩig b sẽn gɩdg tɩ b rɑ wãbneg noorẽ, rẽnd rũm-kɩɩmã rũmsã yɑɑ bilf bɑlɑ tɩ b kẽ beenẽ sẽn pẽ wã yĩngɑ, rẽnd yɑɑ woto bɑlɑ, lɑ ned sẽn mɑɑn bũmb ning sẽn tɑr gẽtgɑ, ɑ mɑɑn-kãngã kɩtɑme t'ɑ pẽnegd hɑrɑɑmã, rẽnd ketɑ bilf t'ɑ lʋɩ ɑ pʋgẽ. Rẽ poor lɑ Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ- kõ kibɑre tɩ yĩngẽ wã nem-võre n be beenẽ (yẽ me lɑ sũurã) yĩngɑ mɑnegdɑ ne ɑ mɑnegrã, lɑ ɑ sãɑmd ne ɑ sãɑngã.
Yii a Abɩɩ Saide Al-hʋdariy nengẽ, -Wẽnd yard be a yĩnga-, tɩ Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: «Nɑmsg kɑ be, nams taab me ka be. La ned ning sẽn wa n bao n na n namse, Wẽnd namsd-a lame, la ned ning sẽn wa n bao n na n kenge, Wẽnd kengd-a lame».
Ibn Maajah
Nabiyaamã -Wẽnd pʋʋsg la A tɩlgr be a yĩnga- vẽnegame n wilgi tɩ yaa tɩlae tɩ b tus namsgo n yi nebã, a kõbgã buud too-toor fãa, f tus-a n yiis f mengã la f tus-a n yiis neb a taabã, ka sakd ne nedã t'a wa tʋg n nams a menga, maa a nams ned a to, fãa gill yaa a yembre. La ka sõmb ne-a t'a wa tʋg n yek namsgã ne namsg ye, bala namsg b ka saasd-a ne namsg ye, sã n ka mikame tɩ yaa maan-n-rolga, tɩ maan-n-zʋʋg ka be ye. Rẽ poorẽ tɩ Nabiyaamã -Wẽnd pʋʋsg la A tɩlgr be a yĩnga-vẽneg n wilg namsg ning sẽn paamd ned ning sẽn namsda nebã, la a leb n maan pʋleng wẽng tɩ weoogr paam ned ning sẽn weoogda nebã.
Yii a ɭbn Ʋmar nengẽ, -Wẽnd yard be n yiibã yĩnga-, a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "A Gibriil ka bak n sagend maam ne yaka, halɩ tɩ mam da tẽed t'a na n lagem-a-la fa-rɩtbẽ wã".
Muslim
Nabiyaamã -Wẽnd pʋʋsg la A tɩlgr be a yĩnga- kõta kibare, t'a Gibriila ka bake, n yɩlemd yẽndã zugu, la a sagend-a t'a nidg pãng ne a yaka, yak ning zak sẽn pẽ wã, zem tɩ yaa lɩslaama maa yaa kɩfre, zem t'a yaa rog pẽta maa a ka rog pẽta, a sagendame tɩ b gũus a hakε wã la b ra nams-a ye, la b maneg-a la b maan sugr ne a namsgo, halɩ tɩ Nabiyaamã -Wẽnd pʋʋsg la A tɩlgr be a yĩnga- wa tẽeda yakã hakε zɩslem sẽn ta to-to ningã la a Gibriil sẽn yɩlemdã wã, tɩ wahɩ n na n sigi, n kõ-a pʋɩɩre a yakã sẽn basd arzεk ningã a kaalem poorẽ.
Yii a Abdʋllaah ɭbn Mas'ʋʋde nengẽ, -Wẽnd yard be a yĩnga-, a yeelame: m wʋma Wẽnd Tẽn-tʋʋmã -Wẽnd pʋʋsg la A tɩlgr be a yĩnga- t'a yetẽ: "Ad Rʋƙɩyya (walem n fʋʋsã) la yoagã bobra la nonglemã tɩtã b yaa lagem-n-taare".
Ibn Maajah
Nabiyaamã -Wẽnd pʋʋsg la A tɩlgr be a yĩnga- vẽnegdame n wilgd yεl sãnda tɩ b maanegã yaa lagem-n-taare, sẽn be b pʋgẽ: Rẽenem: yaa Rʋƙɩyya (walem n fʋʋse): yẽ me la gom-biis nins zɩɩlemã rãmb sẽn tɩpd ne-a tɩ b yaool n naaga ne lagem-n-taar biisi. Yiibu: yaa yεl boabdɩ wã, sẽn yaa wala kĩnd biisi la sẽn wõnd rẽ: b sẽn rɩkd n bobd koambã la rũmsã la sẽn ka bãmbã sẽn na yɩlẽ tɩ liuuli ra wa paam-b ye. Tãabo: yaa nonglemã tɩɩm: yẽ me la bũmb ninga b sẽn maande sẽn na yɩlẽ tɩ yi-kãadb a yiibã nong taaba. Rẽnd yεl-kãensã yaa lagem-n-taare, bala a bee bũmb fo sẽn na n rɩke n maan t'a yaa sababo, t'a yaool n ka sababo sari wã sẽn kõ t'a tar tikr ye, a leb n ka sabab me sẽn yaa vẽenega tɩ b minim-a t'a yɩtame ye. La sã n yaa sabab-rãmb nins sari wã sẽn kõ sore, wala Alkʋrãan karengo, maa yaa yεl nins b sẽn ne tɩ yaa vẽenega, wala tɩto, a zarb-n-gesgã b sẽn bãng-a, yẽ soabã sakdame, la ne rẽ fãa yaa f loe n wãag f sũurẽ wã tɩ b yaa sabab-rãmbã la f bãng tɩ nafa la namsgo, b bee Wẽnd nugẽ.
Yii a Aaɩsa nengẽ -Wẽnd yard be a yĩnga- a yeelame: tɩ Wẽnd Tẽn-tʋʋmã yeelame -Wẽnd pʋʋsg la A tɩlgr be a yĩnga-: " Ra tʋ-y kiidbã ye, ad b loogame n kẽng b sẽn tʋm tɩ reng taoorẽ wã".
Al-Bukhari
Nabiyaamã -Wẽnd pʋʋsg la A tɩlgr be a yĩnga- vẽnegdame n wilgd kiidbã tʋʋbã sẽn yaa haraam, la b burkĩndã kãsgre, tɩ ad woto yaa zʋg wẽnse, bala kiidbã taa zĩig ninga b sẽn tʋm tɩ reng taoorã, zem tɩ yaa sõma maa yaa wẽnga, sẽn paasde tʋ-kãensã ka tat-b ye, la a namsda vɩtbã.
