Hedayat “A fruitful harvest”
from the gardens of “ Verses and Hadiths ”
Inspiring Dawah cards that highlight the profound meanings of Quranic verses and Prophetic Hadiths. Presented in an accessible and engaging style to help Muslims gain a deeper understanding of their faith with ease.
About Hedayat
Hedayat is a platform that combines simplicity of design and ease of use
displaying the benefits derived from Verses and Hadiths in
attractive cards with unique designs.
Unique Designs
Cards with unique and attractive designs that express the content of the text
Reliable Materials
Scientifically reliable benefits reviewed by a group of scholars
Easy Browsing
You can browse the cards easily and display them effortlessly
Different Languages
Cards are available in more than 40 languages for the benefit of all
Hadith Cards
Ayon kay `Abdullāh ibnu `Abbās, malugod si Allāh sa kanilang dalawa: Si `Umar, malugod si Allāh sa kanya, ay nagpapalahok sa akin kasama ng mga nakatatanda ng Badr kaya para bang ang ilan sa kanila ay nakatagpo sa sarili niya [ng pagkainis] at nagsabi: "Bakit siya nagpapalahok nito kasama natin samantalang tayo ay may mga anak na tulad niya?" Nagsabi si `Umar: "Tunay na siya ay alinsunod sa nalaman ninyo." Tinawag niya ako isang araw at pinalahok niya ako kasama nila at hindi ko itinuturing na siya ay tumawag sa akin sa araw na iyon malibang upang ipakita niya sa kanila. Nagsabi siya: "Ano ang masasabi ninyo sa sabi ni Allah (Qur'ān 110:1): Kapag dumating ang pagpapawagi ni Allah at ang pagsakop..." Nagsabi ang ilan sa kanila: "Inutusan tayo na magpuri kay Allah at humingi ng tawad sa Kanya kapag nagwagi tayo at pinasakop sa atin." Nanahimik ang ilan sa kanila at hindi nagsabi ng anuman. Nagsabi siya sa akin: "Gayon ba ang sasabihin mo Ibnu `Abbās?" Nagsabi ako: "Hindi po." Nagsabi siya: "Kaya ano ang sasabihin mo?" Nagsabi ako: "Ito ay taning ng Sugo ni Allah, pagpalain siya ni Allāh at pangalagaan; ipinaalam iyon sa kanya." Nagsabi si [Allah]: "Kapag dumating ang pagpapawagi ni Allah at ang pagsakop" - iyan ay tanda ng taning mo - "magluwalhati ka kalakip ng papuri sa Panginoon mo at humingi ka ng tawad sa Kanya. Tunay na Siya ay laging Mapagpatawad." Kaya nagsabi si `Umar, malugod si Allāh sa kanya: "Wala akong nalalaman mula roon maliban sa sinasabi mo."
Isinaysay ito ni Imām Al-Bukhārīy.
Kabilang noon sa patnubay ni `Umar, malugod si Allāh sa kanya, na ito ay sumasangguni sa mga tao, sa mga may matalinong pananaw, kaugnay sa anumang nagdudulot ng suliranin sa kanya. Inilalahok niya noon kasama ng mga nakatatanda ng Badr, na mga pangunahing Kasamahan, si `Abdullāh ibnu `Abbās. Siya noon ay bata ang edad kung ihahambing sa mga ito kaya nagalit ang mga ito doon. Papaanong inilalahok si Ibnu `Abbās, malugod si Allāh sa kanilang dalawa, at hindi inilalahok ang mga anak nila kaya ninais ni `Umar na ipakita sa kanila ang kalagayan ni `Abdullāh ibnu `Abbās, malugod si Allah sa kanilang dalawa, sa kaalaman, katalinuhan, at kahusayan kaya tinipon nito sila at tinawag siya. Inilahad nito sa kanila ang Kabanata 110 ng Qur'ān: "Kapag dumating ang pagpapawagi ni Allah at ang pagsakop, at nakita mo ang mga tao na pumapasok sa Relihiyon mula kay Allah na mga pulu-pulutong, ay magluwalhati ka kalakip ng papuri sa Panginoon mo at humingi ka ng tawad sa Kanya. Tunay na Siya ay laging Mapagpatawad." Nahati sila sa dalawang bahagi noong tinanong nito sila tungkol doon kung ano ang masasabi nila kaugnay roon? May isang bahaging nanahimik at may isang bahaging nagsabi: "Tunay na si Allah ay nag-utos sa atin, kapag dumating ang pagwawagi at ang pagsakop, na humingi tayo ng tawad sa mga pagkakasala natin, magpuri tayo sa Kanya, at magluwalhati sa Kanya kalakip ng papuri sa Kanya." Subalit si `Umar, malugod si Allāh sa kanya, ay nagnais na malaman kung ano ang pinatutungkulan ng kabanatang ito at hindi niya ninais na malaman ang kahulugan nito alinsunod sa mga pananalita at mga salita. Tinanong nito si Ibnu `Abbās, malugod si Allah sa kanilang dalawa, na nagsabi: "Ano ang masasabi mo sa kabanatang ito?" Nagsabi siya: "Ito ay taning ng Sugo ni Allah, pagpalain siya ni Allāh at pangalagaan: ang tanda ng paglapit ng taning niya, na ibinigay ni Allah sa kanya bilang talata [ng Qur'ān]: 'Kapag dumating ang pagpapawagi ni Allah at ang pagsakop...' Tinutukoy nito ang pagsakop sa Makkah sapagkat tunay na iyon ay tanda ng taning mo: 'magluwalhati ka kalakip ng papuri sa Panginoon mo at humingi ka ng tawad sa Kanya. Tunay na Siya ay laging Mapagpatawad.'" Kaya nagsabi ito: "Wala akong nalalaman kaugnay rito maliban sa nalaman mo." Lumitaw sa pamamagitan niyon ang kalamangan ni Allah, malugod si Allah sa kanilang dalawa.
Ayon kay `Uqbah bin `Āmir, malugod si Allah sa kanya: Ang Sugo ni Allah, pagpalain siya ni Allah at pangalagaan, na nagsabi: "Hindi mo ba napag-alaman ang mga talata [ng Qur'an] na ibinaba kagabi na hindi napag-alaman ang tulad ng mga ito kailanman? Ang Qul a`ūdhu birabbi -lfalaq at ang Qul a`ūdhu birabbi -nnās."
Nagsalaysay nito si Imām Muslim.
Ayon kay `Uqbah bin `Āmir, malugod si Allah sa kanya, na nagsabi: Nagsabi ang Sugo ni Allah, pagpalain siya ni Allah at pangalagaan: "Hindi mo ba napag-alaman". Nangangahulugan ito: Hindi mo ba nalaman. Ito ay pakikipag-usap na laan sa mananaysay ngunit ang pinatutungkulan ay sumasaklaw sa lahat. Ito ay pangungusap ng pagkagulat. Tinukoy nito ang dahilan ng pagkagulat sa sabi niya: "hindi napag-alaman ang tulad ng mga ito". Nangangahulugan ito: Sa uri nito, ang pagpapakupkop. Ang sabi niya: "kailanman" ay para sa pagtitiyak sa pagkakaila. Ang sabi niya: "Ang Qul a`ūdhu birabbi -lfalaq at ang Qul a`ūdhu birabbi -nnās" ay nangangahulugang walang matatagpuang mga talata ng mga kabanata ng Qur'an, na pawang panalangin ng pagpapakupkop para sa nagbabasa laban sa pinakamasama sa mga masama, na tulad ng dalawang kabanatang ito. Kapag ipinanalangin ang dalawang ito ng isang nananalangin ng pagpapakupkop kay Allah dahil sa pananampalataya at katapatan, kukupkupin siya ni Allah, kamahal-mahalan Siya at kapita-pitagan. Kaya ang buod ay na ang tao ay nararapat na dumalangin ng pagpapakupkop gamit ang dalawang kabanatang ito ng Qur'an. Tingnan: Mirqāh Al-Mafātīḥ 4/639, at Sharḥ Riyāḍ Aṣ-Ṣāliḥīn 4/678.
Ayon kay Ibn Mas`ūd, malugod si Allāh sa kanya-Nagsabi siya:Nagsabi sa akin ang Propeta pagpalain siya ni Allah at pangalagaan-;Basahin mo sa akin ang Qur-an, Nagsabi ako:Babasahin ko sa iyo gayun ito sa iyo ay ibinaba?! Nagsabi siya: Tunay na ibig ko itong marinig mula sa iba,kaya`t binasa ko sa kanya ang Kabanata ng An-Nisa,hanggang sa dumating ako talatang ito:{ Paano na ang sangkatauhan [sa araw ng paghuhukom] kung Kami ay magpadala mula sa bawat pamayanan [ bansa] ng isang saksi [ang propetang ipinadala sa kanila] at ikaw [ O Muhammad] ay ipadala Namin bilang isang saksi sa lahat ng bansa} Nagsabi siya: Sapat na para sa ngayon,Lumingon ako sa kanya kang-kaya`t ang dalawang mata niya ay lumuluha.
Napagkaisahan ang katumpakan.
Nakiusap ang Propeta pagpalain siya ni Allah at pangalagaan-kay Ibn Mas-ud malugod si Allah sa kanya na basahin niya sa kanya ang Qur-an,Nagsabi siya:O Sugo ni Allah,Papaano ko babasahin ito sa iyo,kung sa iyo naman ito ipinadala?Ikaw ay higit na maalam rito sa akin,Nagsabi ang siya -pagpalain siya ni Allah at pangalagaan- Tunay na iniibig kong marinig ito mula sa iba.Binasa niya sa kanya ang kabanata ng An-Nisa,at ng umabot siya sa dakilang talatang na ito:{ Paano na ang sangkatauhan [sa araw ng paghuhukom] kung Kami ay magpadala mula sa bawat pamayanan [ bansa] ng isang saksi [ang propetang ipinadala sa kanila] at ikaw [ O Muhammad] ay ipadala Namin bilang isang saksi sa lahat ng bansa}[ An-Nisa:14] Ibig sabihin : ano ang magiging kalagayan mo?! At ano ang magiging kalagayan nila?! Nagsabi ang Propeta pagpalain siya ni Allah at pangalagaan-Sapat na para sa ngayon,ibig sabihin ay;tumigil kana sa pagbabasa.Nagsabi si Ibn Mas-ud:Lumingon ako sa kanya kang-kaya`t ang dalawang mata niya ay dumadaloy ang luha nito,bilang habag sa kanyang Ummah.
Ayon kay Abu Musa Al-Ash-Arie-malugod si Allah sa kanya-Na ang Sugo ni Allah -pagpalain siya ni Allah at pangalagaan- ay nagsabi sa kanya:(( Tunay na pinag-kalooban ka ng magandang tinig (boses) mula sa mga magagandang tinig(boses) ni Propeta Dawud)), At sa salaysay ni Imam Muslim:Na ang Sugo ni Allah -pagpalain siya ni Allah at pangalagaan-ay nagsabi sa kanya:(( Kung nakita molang ako habang ako ay nakikinig sa pagbabasa mo kagabi))
Napagkaisahan ang katumpakan.
Ayon kay Abu Musa Al-Ash-Arie-malugod si Allah sa kanya-Na ang Sugo ni Allah -pagpalain siya ni Allah at pangalagaan-sinabi niya sa kanya nang marinig niya ang pagbabasa nitong napaganda na (Malumanay at Dahan-dahan na)pagbabasa:(( Tunay na pinag-kalooban ka ng magandang tinig (boses) mula sa mga magagandang tinig(boses) ni Propeta Dawud)),At ang sinabi nito na:"Tunay na pinag-kalooban ka";Ay;Nabigyan ka;"ng magandang tinig(boses) mula sa mga magagandang tinig( boses) ni Propeta Dawud" Ay;Si Propeta Dawud sa sarili nito,At si Propeta Dawud ay nagtataglay ng mabuti ,maganda, malakas (at manipis na tinig).Hanggang sa Sinabi ni Allah-Pagkataas-taas Niya:" O kayong mga Kabundukan! Luwalhatiin ninyo(Si Allah) na kasama siya!Gayundin kayong mga Ibon!At Ginawa Namin ang Bakal na malambot sa kanya," Saba`;10;At ang letrang AL.si pulano na minsan ay tinutukoy ang sariling pagkatao nito,Sapagkat kahit isa sa kanila ay hindi nabiyayaan ng magandang boses tulad ng pagbiyaya kay Propeta Dawud.
Ayon kay Al-Bara` bin Azib-malugod si Allah sa kanilang dalawa-siya ay nagsabi:((Mayroong isang lalaki na nagbabasa ng Kabanata ng Kahf,at mayroon siyang kabayo na nakatali sa dalawang lubid,at natakpan ito ng ulap,at itoy lumalapit,at tumakbo ang kabayo,papalayo rito,At nang kina-umagahan,dumating ang Propeta-pagpalain siya ni Allah at pangalagaan,at binanggit niya ito sa kanya,Nagsabi siya:(( Ang yaong katahimikan,ay bumaba dahil sa Qur-an))
Napagkaisahan ang katumpakan.
Nabanggit ni Barra` bin A`zib-malugod si Allah sa kanya-isang kwentong nakakamangha na nangyari sa panahon ng Propeta-pagpalain siya ni Allah at pangalagaan-Na kung saan ,mayroong isang lalaki na nagbabasa ng Surat Al-Kahf, at sa tabi nito ay kabayo na nakatali sa lubid,at natakpan ito ng bagay na tulad ng lilim,at ginawa nitong lumapit ng lumapit,At natakot ang kabayo sa nakita niya at tumakbo,At nang kina-umagahan ang lalaki,Dumating ang Propeta-pagpalain siya ni Allah at pangalagaan-at binanggit niya ito,Ipinahayag sa kanya ng Propeta-pagpalain siya ni Allah at pangalagaan-Na ang yaong katahimikan ay bumaba ng basahin ang Qur-an,bilang kabutihang-loob sa isang kasamahan ng Propeta,na nagbabasa(Qur-an) at pagsasaksi mula kay Allah-Pagkataas-taas Niya,na ang salita Niya ay totoo,at ang lalaki ay si Usayd bin Hudhayr-malugod si Allah sa kanya.
Ayon kay Abū Sa`īd Rāfi` bin Al-Mu`allā, malugod si Allah sa kanya, na nagsabi: "Nagsabi sa akin ang Sugo ni Allah, pagpalain siya ni Allah at pangalagaan: 'Hindi ko ba ituturo sa iyo ang pinakadakilang kabanata sa Qur'ān bago ka lumabas ng masjid?' Kinuha niya ang kamay ko at noong ninais naming lumabas, nagsabi ako: 'O Sugo ni Allah, tunay na ikaw ay nagsabi: Talagang magtuturo nga ako sa iyo ng pinadkakilang kabanata sa Qur'ān.' Nagsabi siya: 'Ang Al-ḥamdu lillāhi rabbi -l`ālamīn (Ang papuri ay ukol kay Allah). ito ay ang pitong inuulit-ulit at ang Dakilang Qur'ān na ibinigay sa akin.'"
Isinaysay ito ni Imām Al-Bukhārīy.
Ayon kay Abū Sa`īd Rāfi` bin Al-Mu`allā, malugod si Allah sa kanya, na nagsabi: Nagsabi sa akin ang Sugo ni Allah, pagpalain siya ni Allah at pangalagaan: "Hindi ko ba" Binanggit ito upang tawagan ng pansin ang kinakausap sa sasabihin sa kanya. Ang "ituturo sa iyo ang pinakadakilang kabanata sa Qur'ān bago ka lumabas ng masjid?" Sinabi niya lamang dito iyon at hindi itinuro iyon dito sa simula upang maging higit na kaaya-aya sa pagbukas sa isip nito upang tanggapin nito iyon at pagtuunan nito iyon sa kabuuan. Ang sabi niyang "Kinuha niya ang kamay ko" ay nangangahulugang matapos na sabihin niya iyon at naglakad sila. Ang sabi niyang "at noong ninais naming lumabas, nagsabi ako: 'O Sugo ni Allah, tunay na ikaw ay nagsabi: Talagang magtuturo nga ako sa iyo ng pinakadakilang kabanata sa Qur'ān.'" at ang sabi nyang "Nagsabi siya: 'Ang Al-ḥamdu lillāhi rabbi -l`ālamīn (Ang papuri ay ukol kay Allah)." ay tumutukoy sa Sūrah Al-Fātiḥah. Ito ay naging pinakadakilang kabanata lamang dahil ito ay nagsama-sama sa lahat ng mga layon ng Qur'an. Dahil dito, tinawag ito na Ina ng Qur'an. Pagkatapos ay ipinahiwatig niya ang mga ikinatangi ng Al-Fātiḥah sa iba pang mga kabanata ng Qur'an hanggang sa ito ay maging pinakadakila kaysa sa mga iyon ayon sa sabi niya: "ito ay ang pitong inuulit-ulit." Iyon ay dahil sa inuulit ito sa dasal sa bawat rak`ah, o dahil ito ay inuulit kasama ng ibang kabanata ng Qur'an. O tinawag itong ganoon dahil sa pagkakasaklaw nito sa dalawang bahagi: papuri at panalangin, o dahil natipon dito ang katatasan ng mga kayarian ng mga salita at ang retorika ng mga kahulugan ng mga salita, o dahil ito ay inuulit sa paglipas ng panahon at sinasambit-sambit kaya naman hindi nahihinto at pinag-aaralan kaya naman hindi naglalaho, o dahil sa ang mga pakinabang nito ay nagbabago-bago mula sa isang kalagayan patungo sa isang kalagayan yayamang walang wakas ito. Maaari ring ang inuulit-ulit dito ay tumutukoy sa papuri dahil sa pagkakasaklaw nito sa papuri kay Allah, pagkataas-taas Niya. Para bang ito ay nagpupuri kay Allah sa pamamagitan ng mga napakagandang pangalan Niya at mga katangian Niya. Ang sabi Niyang "ang Dakilang Qur'ān" ay ang ipinangalan din sa Al-Fātiḥah. Ang sabi Niyang "na ibinigay sa akin." ay nangangahulugang ipinagkaloob sa kanya. Ang pagtawag sa Al-Fātiḥah na Dakilang Qur'an ay dahil sa pagkakatipon nito sa lahat ng nauugnay sa mga umiiral sa Mundo at Kabilang-buhay at sa mga panuntunan at mga kapaniwalaan. Tingnan: Dalīl Al-Fāliḥīn 178-180/6.
Ayon kay `Abdurrahman bin Yazid Annakha`iy:(( Tunay na siya ay nagsagawa ng Hajj kasama si Mas`ud,nakita niya ito na bumabato sa Jamrat Al-Kubra ng maliliit na bato:Tumayo siya na ang Ka`bah ay nasa bandang kaliwa niya at ang Mina ay nasa bandang kanan niya;Pagkatapos ay sinabi niyang:Ito ang lugar kung saan ay ipinahayag sa kanya ang Surah Al-Baqarah-pagpalain siya ni Allah at pangalagaan))
Napagkaisahan ang katumpakan.
Ang pagbabato ng maliliit na bato sa Araw ng Pag-alay at Ayyamu Tashriq ay isang banal na pagsamba;ito ay nagpapahiwatig sa kahulugan ng pagpapakumbaba kay Allah-pagkataas-taas Niya,at pagsasakatuparan sa Kanyang mga kautusan at pagsunod kay Propeta-Ibrahim na Kaibigan [ng Allah]-sumakanya ang pagpapala at pangangalaga;At ang unang-unang gawain na sisimulan ng taong nagsasagawa ng Hajj sa Araw ng Pag-alay ay ang pagbato sa Jamrat Al-Kubra,upang maging pambungad sa mga gawain sa banal na araw na ito,Tatayo siya mula sa kinatatayuan ng Propeta-pagpalain siya ni Allah at pangalagaan-kung saan ang Maluwalhating Ka`bah ay nasa bandang kaliwa niya at ang Mina ay nasa bandang kanan niya,hinarap niya ito at ibinato ang pitong piraso ng maliliit na bato,at sinasabi ang Allahu Akbar sa bawat bato;tulad ng pagtayo ni Ibn Mas`ud-malugod si Allah sa kanya,at nanumpa siya na ito ang lugar kung saan ay ipinahayag sa kanya ang Surat Al-Baqarah-pagpalain siya ni Allah at pangalagaan
Ayon kay An-Nawās bin Sam`ān, malugod si Allāh sa kanya, na nagsabi: Narinig ko ang Sugo ni Allāh, pagpalain siya ni Allāh at pangalagaan, na nagsasabi: "Dadalhin sa Araw ng Pagkabuhay ang Qur'ān at ang mga alagod nitong nagsasagawa nito noon sa Mundo, na pinangungunahan ng Sūrah Al-Baqarah at Sūrah Āl `Imrān na nagtatalo hinggil sa tagapagpatupad nilang dalawa."
Nagsalaysay nito si Imām Muslim.
Ayon kay An-Nawās bin Sam`ān, malugod si Allāh sa kanya, na nagsabi: Narinig ko ang Sugo ni Allāh, pagpalain siya ni Allāh at pangalagaan, na nagsasabi: "Dadalhin sa Araw ng Pagkabuhay ang Qur'ān at ang mga alagod nitong nagsasagawa nito noon sa Mundo, na pinangungunahan ng Sūrah Al-Baqarah at Sūrah Āl `Imrān na nagtatalo hinggil sa tagapagpatupad nilang dalawa."
Ayon kay Abe Musa Al-Ash-Arie-malugod si Allah sa kanya-buhat sa Propeta-pagpalain siya ni Allah at pangalagaan-Nagsabi siya:(( Magkaroon kayo ng kasunduan sa Qur-an,At Sumpa kay Allah sa sarili ni Muhammad na nasa kamay niya,ito ay mas-madaling makalayo kaysa sa Tupa sa pagkatali nito.))
Napagkaisahan ang katumpakan.
"Magkaroon kayo ng kasunduan sa Qur-an" Ibig sabihin ay:Panatilihin ninyo ang pagbabasa nito at magtiyaga kayo sa pagbabasa nito,At ang sabi nito na:At Sumpa kay Allah sa sarili ni Muhammad na nasa kamay niya,ito ay mas-madaling makalayo",makawala,at ang sinabi nito na:"kaysa sa tupa sa pagkatali nito",sa lahat ng pagkakatali,at ito ay lubid na ginagamit sa pagtali ng kamelyo sa gitna ng braso,Ihinahalintulad ang Qur-an dahil sa pagiging preserba nito sa Puso, sa isang kamelyo na madaling makawala kahit na ito ay nakatali sa lubid,At si Allah-pagkataas-taas Niya,Dahil sa Kabaitan Niya,biniyayaan Niya sila sa napaka-dakilang biyaya na ito,kaya`t nararapat sa kanya na makipag-kasundu(mapanatili) siya dito,sa pagsasa-ulo at pagtityaga dito,at maglagay siya ng Hizb ng(Qur-an) na napagtanto at magkaroon siya ng kasunduan dito sa araw-araw.Upang hindi niya ito makalimutan,Ngunit ang nakalimot nito sa angkop na normal,ito ay hindi makakapinsala,Ngunit sa sinuman ang nagpabaya at nagpa-walang bahala nito,pagkatapos na biyayaan siya ni Allah sa pagsa-ulo nito,tunay na dapat niyang katakotan ang kaparusahan sa kanya,kaya`t nararapat ang pagsusumikap sa Qur-an,sa pakikipag-kasundo nito sa pamamagitan ng Pagbabasa at Pagpapaganda ng boses dito upang manatili ito sa kanyang puso,Gayudin ang pagsasagawa dito,Sapagkat ang pagsasagawa sa isang bagay ay napupunta sa pagsa-ulo nito at pananatili nito.
Ayon kay Abū Umāmah, malugod si Allah sa kanya, na nagsabi: "Narinig ko ang Sugo ni Allah, pagpalain siya ni Allah at pangalagaan, na nagsasabi: Bigkasin ninyo ang Qur'an sapagkat tunay na ito ay darating sa Araw ng Pagkabuhay bilang tagapamagitan sa mga tagatangkilik nito."
Nagsalaysay nito si Imām Muslim.
Hinimok ng Propeta, pagpalain siya ni Allah at pangalagaan, ang kalipunan niya na bigkasin ang Qur'an sapagkat kapag sumapit na ang Araw ng Pagkabuhay, gagawin ni Allah, kamahal-mahalan Siya at kapita-pitagan, ang gantimpala sa pagbigkas ng Qur'an na ito na isang bagay na umiiral, na darating sa Araw ng Pagkabuhay na namamagitan sa mga bumigkas dito, mga nagpapakaabala rito, at mga kumakapit sa mga utos nito at mga pagbabawal nito.
