Hedayat “A fruitful harvest”
from the gardens of “ Verses and Hadiths ”
Inspiring Dawah cards that highlight the profound meanings of Quranic verses and Prophetic Hadiths. Presented in an accessible and engaging style to help Muslims gain a deeper understanding of their faith with ease.
About Hedayat
Hedayat is a platform that combines simplicity of design and ease of use
displaying the benefits derived from Verses and Hadiths in
attractive cards with unique designs.
Unique Designs
Cards with unique and attractive designs that express the content of the text
Reliable Materials
Scientifically reliable benefits reviewed by a group of scholars
Easy Browsing
You can browse the cards easily and display them effortlessly
Different Languages
Cards are available in more than 40 languages for the benefit of all
Hadith Cards
Ɛfiri IBNU ABBAS Nyame penee nka wɔn- ɔkaa sɛ: Nyame kɔmhyɛni-Nyame asomdwoe ne nhyira nka no-ka kyerɛɛ Muaz bun Jabal berɛ a na ɔresoma no akɔ YEMEN sɛ: "Ampa woreba nkorɔfoɔ bi a wɔyɛ Nwoma no foɔ,na sɛ woba wɔn hɔ a frɛ wɔn ma wɔnni adanseɛ sɛ Nokware Nyame biara nni hɔ gye sɛ Allaah,na Muhammad yɛ Nyame somafoɔ,na sɛ wɔyɛ setie de ma wo fa saa ho a, bɔ wɔn amanneɛ sɛ ampa Nyame ayɛ asɔreyɛ mprɛnum nhyɛ wɔ wɔn so dabiara ne anadwo biara,na sɛ wɔyɛ setie ma wo fa saa ho a,bɔ wɔn amanneɛ sɛ ampa Nyame ayɛ ZAKKAH (ntotosoɔ dudu)no nhyɛ wɔ wɔn so a yɛbɛgye afiri wɔn asikafoɔ no hɔ ama wɔn mu ahiafoɔ no,na sɛ wɔyɛ setie ma wo fa saa ho a,yɛ ahwɛyie wɔ wɔn sika pa no ho,na suro nea yɛasisi no no mpaebɔ no,efiri sɛ ɛhyeɛ biara nna ɔne Nyame ntam".
Al-Bukhari and Muslim
Bere a Ɔkɔmhyɛni no, Nyankopɔn nhyira no na ɔmma no asomdwoe, somaa Muadh bin Jabal, Onyankopɔn ani nnye ne ho, kɔɔ Yemen man mu sɛ ɔfrɛfoɔ ma Onyankopɔn no ne ɔkyerɛkyerɛni, na ɔkyerɛɛ no sɛ ɔbɛhyia ɛkuo bi wɔ akristofoɔ mu;nti ɔnyɛ ahoboa mma wɔn na ɔnhyɛ wɔn frɛ no ase wɔ nea ɛhia nea ɛhia no. Ɔdii kan frɛɛ wɔn kɔɔ gyedie pefee mu;sɛ wɔnni adanseɛ sɛ nyame biara nni hɔ gye sɛ Allaah,na Muhammad yɛ Onyankopɔn Somafoɔ; Efiri sɛ ɛno na wɔde wura Islam mu, na sɛ wɔdi so a, ɔnhyɛ wɔn sɛ wɔnyɛ asɔre; Efiri sɛ ɛno ne asɛdeɛ a ɛso wɔ gyedie akyi. Na sɛ wɔyɛ a, Ɔnhyɛ wɔn asikafoɔ sɛ wɔntua Zakkah (ntotosoɔ dudu)wɔ wɔn sika no mu mma wɔn ahiafoɔ no, afei ɔbɔɔ no kɔkɔ faa wɔn sika pa no gyegyeɛ ho; efiri sɛ nea ɛyɛ asɛdeɛ no ne nea ɛwɔ mfimfini no. Afei ɔtuu ne fo sɛ ɔntwe ne ho mfiri asisie ho; sɛdeɛ ɛbɛyɛ a deɛ yɛasisi no no mmɔ mpaeɛ ntia no,esiane sɛ yɛgye ne mpaeɛ so.
Firi Jaber bin Abdullah hɔ, Onyankopɔn ani nnye wɔn baanu nyinaa ho, ɔkaa sɛ: Metee sɛ Onyankopɔn Somafoɔ no, Onyankopɔn nhyira ne asomdwoe nka no, reka sɛ: “Obiara a ɔbɛhyia Onyankopɔn, na wamfa biribiara ammata Ne ho no, ɔbɛwura Ɔsoro Ahemman turo no mu, na obiara a ɔbɛhyia No, na ɔde biribi abata Ne ho no, ɔbɛwura egya no mu.
Muslim
Ɔkɔmhyɛni no, Nyankopɔn nhyira ne asomdwoeɛ nka no, ka kyerɛ yɛn sɛ obiara a ɔbɛwu a wamfa biribiara ammata Onyankopɔn ho no, wɔde no bɛto Ɔsoro Ahemman turo no mu, sɛ mpo wɔtwe n’aso wɔ ne bɔne no bi ho a, na obiara a ɔbɛwu a ɔde biribi bataa Onyankopɔn ho no bɛtena egya no mu daa.
Jundub - Allah nnye no ntom -kaa sɛ: Metee sɛ ɔkɔmhyɛni - Allah nhyira ne n'asomdwoeɛ nka no - Nnaanum ansa na ɔrebɛwu no, na ɔreka sɛ: << Mesrɛ twe me ho kɔ Allah nkyɛn sɛ mɛnya hokani bi afiri mo mu, ɛfiri sɛ esipi sɛ Allah Okokuroko no afa me adamfoɔ dada, sɛneɛ Ɔfaa Ibrahim (Abraham) adamfoɔ no, na sɛ mpo sɛ nka merefa adamfoɔ afiri me dɔm yi mu a, nka mɛfa Abubakar adamfoɔ. So! monim sɛ wɔn a wɔdii mo anim kan no na wɔfa wɔn akɔmhyɛfoɔ ne wɔn mu apapafoɔ nna so sɛ nyamesombea, daabi da! ma momfa amusie sɛ nyamesombea, esipi sɛ merebra mo firi saa ade no ho>>.
Muslim
Ɔkɔmhyɛni -Allah nhyira ne n'asomdwoeɛ nka no abɔ yɛn amaneɛ ɛfa ne gyinaberɛ ho wɔ Allah Okokuroko no nkyɛn, ɛne sɛ waduru n'adɔeɛ no mu gyinaberɛ a ɛkrɔn pa ara, te sɛneɛ Ibrahim (Abraham) -Allah asomdwoeɛ nka no- nyaaeɛ no, ne saa nti na ɔpoo sɛ ɔbɛnya adamfoɔ ɛwɔ Allah akyi no; ɛfiri sɛ Allah ho dɔ, ne No ntomtom ne Allah ho nimdeɛ ahyɛ n'akoma mu ma, enti kwan biara nni hɔ obiara a ɛnyɛ Allah. Ɛmpo sɛ nka ɔwɔ adamfoɔ wɔ abɔdeɛ mu a nka ɛbɛyɛ Abubakar -Allah nnye no ntom-. Ɛna afei ɔrebɔ yɛn kɔkɔ sɛ yɛntra hyeɛ wɔ yɛdɔ mu sɛneɛ Yudafoɔ ne Akristoɔ ayɛ wɔn akɔmhyɛfoɔ ne wɔn mu apapafoɔ nna so no, kɔpem sɛ wɔn adane wɔn anyame ahodoɔ a wɔsom wɔn wɔ Allah akyi, na wɔn asisi anyamedan ne nyamesombea wɔ wɔn nna so, na ɔkɔmhyɛni -Allah nhyira ne n'asomdwoeɛ nka no- abra ne dɔm sɛ wɔbɛyɛ neɛ wɔnom yɛɛeɛ no sɛsoɔ.
Firi Abu Hurairah hɔ, Onyankopɔn ani nnye no,ho ɔkaa sɛ: Wɔkaa sɛ, O Onyankopɔn Somafoɔ, hwan na ɔbɛnya anigyeɛ wɔ nnipa mu wɔ wo ntamgyina mu wɔ Owusɔreɛ Da no? Nyame Somafoɔ, Nyame nhyira ne asomdwoe nka no, kaa sɛ: “Mesusuu sɛ, O Abu Hurairah, sɛ obiara remmisa me saa Hadith yi nnya wo, berɛ a mehunuu sɛ wo ho pere wo fa Hadith no ho no,nnipa a ɔbɛnya anigyeɛ wɔ me ntamgyina no ho wɔ Wusɔreɛ Da no, ne obi a ɔka sɛ Nyame biara nni hɔ gye sɛ Allaah, wɔ gyidie mu firi n’akoma mu anaa ne kra mu.
Al-Bukhari
Ɔkɔmhyɛni no, Onyankopɔn nhyira ne asomdwoe nka no, ka kyerɛ yɛn sɛ nnipa a wɔn ani gye paa wɔ ne ntamgyina mu wɔ Owusɔreɛ Da no ne deɛ ɔka sɛ: “Onyame biara nni hɔ gye Onyankopɔn (Allaah) wɔ nokorɛ mu firi n’akoma mu,” a ɛkyerɛ sɛ, biribiara nni hɔ a yɛsom no nokorɛ mu gye sɛ Nyankopɔn(Allaah), na wade ne ho afiri mmatahosom ne nyɛkyerɛ ho.
Abdullah bin Amru Allah nnye wɔn ntom kaa sɛ: ɔkɔmhyɛni -Allah nhyira ne n'asomdwoeɛ nka no- kaa sɛ: <<ɛnyɛ obia ɔde nkabom ba abusua mu ne neɛ ɔyɛ bi tua ka, na mmom neɛ ɔde nkabom ba ne neɛ ɔka abusua no bom sɛ ntetemu bi ba a>>.
Al-Bukhari
Ɔkɔmhyɛni -Allah nhyira ne n'asomdwoeɛ nka no- rebɔ yɛn amaneɛ sɛ: Sɛ ɛnyɛ nnipa a ɔwie pɛyɔ wɔ abusua nkabom ne papayɔ mu ma abusuafoɔ ne neɛ ɔyɛ papa de tua papa ka, Na mmom abusua nkabom pa ara ne neɛ sɛ abusua mu tete a ɔkabom, sɛ wɔyɛ bɔne tia no mpo a, ɔno deɛ ɔyɛ wɔn papa.
Abii Huraira Onyame penie nka no aka sɛ: ɔkɔmhyɛni Mohammɛd Onyame nhyira ne asomdwoe nka no kaa sɛ: (Montwe mo ho mfiri ade nson a ɛsɛe onipa ho, na asuafoɔ no kaa sɛ: Oh Allah somafoɔ! na ɛno ne deɛn? Ɔkaa sɛ: abosomsom ne nkonyaayie, ne Nipakum a Onyame ayɛ no akyiwade gye nokware kwan so, ne nsihodie, Agyanka sikadie, ne ako mu mmirikatuo,ne adwaman nkontompo wɔ agyidifoɔ mmaa ahoteefoɔ a wɔ bɔ wɔn ho ban).
Al-Bukhari and Muslim
Allah somafoɔ no Allah nhyira ne n'asomdwoeɛ nka no rehyɛ ne dɔm sɛ wɔntwe wɔn ho mfiri bɔne ne asoɔden nson bi a ɛtumi sɛe onipa ho, na berɛ wɔbisaa no sɛ ɛno ne deɛn no, ɔkyerɛkyerɛɛ mu sɛ ɛno ne: Neɛ ɛdi kan:Mmataho som ka Nyame ho, sɛ wobɛfa biribi sɛ Ne hokafoɔ anaa Ne sɛsoɔ,Ne ho te firi mmfoni biara a wɔayɛ wɔ hɔ ma No, na wode ɛsom biara bɛma obi wɔ Nyame Tumfoɔ no akyi,na ɔhyɛɛ aseɛ firii mmataho so; efiri sɛ ɛno ne bɔne a ɛso paa. Neɛ ɛtɔ so mmienu: ASSIHRƐ/nkonyaa ne ɛpɔbɔ ne adutoɔ bi a ɛbɛtumi de yareɛ bi ato obi so anaa sɛ owuo anaa ɛbɛtete awarefoɔ bi ntam, na ɛyɛ bonsam adwuma, na ɛmu dodoɔ no ara ɛnnuru wɔn botaeɛ ho agye wɔnam bosomsom kwan so na wɔde nneɛma binom rebɛn ahomhom bɔne a ɛmfata. Neɛ ɛtɔ so mmiɛnsa: worekum ɔkra a Onyankopɔn abra sɛ wɔkum no agye wɔnam mmarakwan so a ɛtɔ asom a otemmuafoɔ abua. Neɛ ɛtɔ so nan : RIBAH (Mfasoa bɔne) sɛ wobɛdi anaa sɛ wobɛdi ho mfasoɔ wɔ ɔkwan bi so. Neɛ ɛtɔ so num: nnyanka sika die, wobɛsɛe agyanka bi sika ketewa bi a ɛnyɛ mmara kwan so, obi a ɔpapa awu agya no na ɔnnuruu ne mpanin mfeɛ so. Neɛ ɛtɔ so nsia: wobɛdwane afiri akobea berɛ a eɔne abonniayɛfoɔ reko. Neɛ ɛtɔso nson: sɛ wode adwan soboɔ rebɔ akronkronfoɔ mmaa anaa sɛ akronkronfoɔ mmarimaa so.
Abii Huraira Onyame penie nka no aka sɛ: ɔkɔmhyɛni Mohammɛd Onyame nhyira ne asomdwoe nka no kaa sɛ: "Mma momfa mo afie nyɛ nna so,saa ara nso na momfa me nna so no nyɛ afahyɛ na mommɔ mpaeɛ mma me efiri sɛ mo mpaeɛ no bɛduru me hɔ baabi a mowɔ biara".
Abu Dawood
Kɔmhyɛni-Nyame nhyira ne asomdwoe nka no-Bra yɛn sɛ yɛbɛgyae Asɔreyɛ wɔ yɛn afie no mu na akɔ yɛ tesɛ Asieyɛ a yɛnyɛ asɔre wɔ hɔ no. Na wabra yɛn sɛ yɛbɛsra ne nna no berɛ biara na yɛabɛ boa boa yɛn ano wɔ hɔ,ɛfiri sɛ saa no de yɛn bɛkɔ Bosom som mu. Na wahyɛ yɛn sɛ yɛmmɔ mpaeɛ na yɛnserɛ asomdwoe mma no wɔ bea biara ɛwɔ asaasi no so,efiri sɛ saa no bɛduru ne hɔ, sɛ ɛbɛn anaasɛ ɛwa,ɛnhia sɛ yɛbɛkɔ ne nna no so abere biara.
Abu Hurayrah Allah nnye no ntom kaa sɛ: metee sɛ Allah somafoɔ no -Allah nhyira ne n'asomdwoeɛ nka no- reka sɛ: <<Muslimini kyɛfa wɔ no yɔnko Muslimini so yɛ enum: sɛ ɔbɛgye no so sɛ ɔkyea no a (salaam), na ɔbɛkɔ akɔsra no sɛ ɔyare a, na ɔbɛdi n'akyi ama wɔayɛ owufoɔ som ama no, na ɔbɛgye no frɛ so (sɛ ɔto ne nsa frɛ no dwumadie bi ase a), na ɔbɛgye no so sɛ ɔnwansi a>>.
Al-Bukhari and Muslim
Ɔkɔmhyɛni -Allah nhyira ne n'asomdwoeɛ nka no- reda kyɛfa a Muslimini wɔ wɔ onua Muslimini so adi akyerɛ yɛn, Kyɛfa a edikan ne sɛ wobɛgye neɛ wato wo (salaam) so. Kyɛfa a ɛtɔ so mmienu: wore kɔsra ɔyarefoɔ. Kyɛfa a ɛtɔ so mmiɛnsa: woredi owufoɔ akyi afiri no fie akɔ beaɛ a wɔreyɛ owufoɔ asɔre agu no so, akɔ amusieɛ kɔpem sɛ wɔbɛ sie no. Kyɛfa a ɛtɔ so ɛnan: sɛ wobɛgye no so sɛ ɔfrɛ wo ayeforɔ nhyiamu bi ase ne neɛ ɛkeka ho a. Kyɛfa a ɛtɔ so ɛnum: wobɛbɔ mpaeɛ ama no sɛ ɔnwansi a, na ɛne sɛ; sɛ ɔda Allah ase a wobɛka akyerɛ no sɛ; ''yarhamka llah'', (Allah nhu wo mmɔbɔ), na afei neɛ ɔnwansiiɛ no aka sɛ, ''yahdiikumu llahu wa yuslih baalakum'', (Allah ntene mo na Ɔnyɛ mo mmɔdemmɔ papa mma mo.)
Yɛnya firii Ibn Umar Nyame anni nnye wɔn mmienu ho sɛ ɔtee sɛ barima bi reka sɛ:Daabi,mede Ka’aba di nse,na Ibn Umar kaa sɛ:Daabi yɛmfa obi nni nse gye sɛ Nyankopɔn,efiri sɛ metee sɛ Nyame somafoɔ-Nyame nhyira ne asomdwoe nka reka sɛ: << Obibiara ɔbɛdi nse a ɛnyɛ Nyankopɔn no,ayi boniayɛ anaasɛ wayɛ mmataho >>.
At-Tirmidhi
Ɔkɔmhyɛni no, -Nyankopɔn nhyira ne asomdwoe nka no-bɔ amanneɛ sɛ obibiara a ɔde biribi foforɔ a ɛnyɛ Nyankopɔn ne Ne din ahodoɔ ne Ne su ahodoɔ bɛdi nse no,wayi Nyankopɔn no bɔniayɛ anaa wayɛ mmataho; efiri sɛ nsedie de kɛseyɔ ma deɛ wɔde di nse no, na kɛseyɔ ɛwɔ hɔ de ma Nyankopɔn no nko ara;enti yɛmfa biribiara nni nse gye sɛ Nyankopɔn ne Ne din ahodoɔ no ne Ne su ahodoɔ no, anuonyam nka no. Na saa nsedie yi ka mmataho ketewa ho,nanso sɛ wo di nse ne biribi na woyɛ no kɛse te sɛ Nyame Tumfoɔ anaa sɛ ɛkyɛn saa a,afei na akɔ yɛ mmataho kɛseɛ.
Osuani Abu Huraira, Nyankopɔn ani nnye ne ho kaa sɛ:"metee sɛ ɔkɔmhyɛni reka sɛ": "Obibiara a ɔbɛkɔ hajj na wamfa ne ho anhyɛ rafath(ɔbaa ne barima nhyiamu anaa kasa fii) mu anaa wanyɛ bɔne no, ɔbɛsan te sɛ ɛda a ne maame woo no".
Al-Bukhari and Muslim
Ɔkɔmhyɛni kyerɛɛ sɛ obi a ɔbɛkɔ hajj na wamfa ne ho anhyɛ ɔbaa ne barima nhyiamu mu anaa kasa fii mu anaa wanyɛ bɔne no, ɔbɛba fie na ne ho nni bɔne biara. Bɔne no bi ne sɛ wobɛyɛ nneɛma a yɛabra wo wɔ ho no wɔ berɛ a wowɔ ihram(Hajj afadeɛ no) mu. Sɛ wamfa ne ho anhyɛ saa nneɛma yi mu a, ɔba fie firi hajj hɔ wɔ berɛ a yɛde ne bɔne akyɛ no, sɛdeɛ abɔfra mono ho nni bɔne biara no.
