Hadeeth Cards

Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way

About Hedayat Browse Cards

All

Yii Abɩɩ Hʋrɑyrɑt nengẽ- Wẽnd yɑrd be ɑ yĩng-ɑ yeelɑme: mɑm wʋmɑ Wẽnd Tẽn-tʋʋmɑ - Wẽnd pʋʋsg lɑ A tɩlgr be ɑ yĩngɑ- t'ɑ yetẽ: «Lɩslɑɑm hɑkε ɑ lɩslɑɑm tɑɑg zugu, yɑɑ nu: yɑɑ Sɑllem leokre, lɑ bãɑd kɑɑgre, lɑ kũ-rãmb yãɑgre, lɑ bool sɑkre; lɑ tĩsd leokre».

Al-Bukhari and Muslim line

Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ- vẽnegdɑme n wilgdẽ lɩslɑɑm hɑkε-rãmb sãndɑ ɑ lɩslɑɑm tɑɑg zugu, Hɑkε-kãensã rẽenem yɑɑ pʋʋsgã leokre, ne ned ning sẽn ning foom sɑllem. Hɑkε yiib soɑbɑ: yɑɑ bãɑd kɑɑgre. Hɑkε tãɑb soɑbɑ: yɑɑ kũum pʋgbo, n yi ɑ zɑkẽ wã n tɩ tãɑg pʋʋsgã zĩigẽ, n tɩ tãɑg yɑɑdẽ wã, hɑlɩ tɩ b wɑ mum-ɑ. Hɑkε nɑɑs soɑbɑ: yɑɑ bool sɑkre t'ɑ sã n bool-ɑ n tʋg fur wɑlim lɑ zẽng sẽn pɑ rẽ. Hɑkε ɑ nu soɑbɑ: yɑɑ tĩsd leokre, lɑ rẽ yɑɑ ɑ yeel-ɑ t'ɑ sã n pẽg Wẽnde, n yeel tɩ Alhɑmdʋ lɩl-Lɑɑh: Yɑrhɑmukɑl-Lɑɑh (Wẽnd nɑ yols-fo), rẽ poorẽ tɩ tĩsdã yeele: Wẽnd nɑ kãndag-yã, lɑ A mɑneg y yellã.

Yii a Gεεbr nengẽ -Wẽnd yard be a yĩnga- tɩ Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: «Wẽnd nɑ yols nedɑ, sẽn yɑɑ bɑs-tɩ-loog t'ɑ sã n nɑ n koose, lɑ ɑ sã n nɑ n dɑ, lɑ ɑ sã n nɑ n sok ɑ sɑmde».

Al-Bukhari line

Nɑbiyɑɑmã- Wẽnd pʋʋsg lɑ A tɩlgr be ɑ yĩngɑ- kosɑ yolsg n kõ ned ning fãɑ sẽn yɑɑ nɑ-nɑ n yɑɑ kõtɑ ɑ koosem pʋgẽ; rẽnd ɑ pɑ kengd rɑɑdã ɑ ligdẽ wã, ɑ leb n tʋmdɑ ne-ɑ, ne zʋgd sẽn mɑnege, n yɑɑ nɑ-nɑ n yɑɑ yol-yol, t'ɑ sã n nɑ n dɑ; rẽnd ɑ pɑ boogde n pɑoogd lɑogã ye, n yɑɑ kõtɑ, n yɑɑ yol-yole, t'ɑ sã n wɑ sok ɑ sɑmã; rẽnd ɑ pɑ kengd tɑlg lɑ tʋlsem soɑb ye, lɑ ɑ sokd-ɑ-lɑ ne bʋg-bʋg lɑ lom-lom, lɑ ɑ kolled keelem soɑbɑ.

Yi a Abɩɩ Hʋrayrat nengẽ, -Wẽnd yard be a yĩnga-, tɩ Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: «Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do, t'ɑ wɑ mɑɑn kɑɑlem tɩ Wẽnd yɑɑf-ɑ».

Al-Bukhari and Muslim line

Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ- ɑ kõtɑ kibɑre: ned sẽn dɑ tʋmd ne nebã ne pengre, bɩ ɑ koosdɑ ne-b sɑmɑ, lɑ ɑ rɑ yetɑ ɑ biig ning sẽn reegdɑ sɑmã nebã nengẽ wã: fo sã n tɑ sɑm soɑb nengẽ, t'ɑ pɑ tɑr ɑ sẽn nɑ yɑo ne sɑmdã "bɩ f gãndag n bɑs-ɑ"; mɑɑ tɩ f yɑool-ɑ lɑ f rɑ pẽdemd-ɑ sɑmdɑ sokrẽ ye, mɑɑ ɑ nɑ n deegɑ sẽn be ɑ nengẽ baɑ tɩ sã n pɑ tɑ, lɑ rẽ fãɑ yɑɑ sẽn nɑ yɩl tɩ Wẽnd gãndag n bɑs-ɑ lɑ A yols-ɑ, lɑ ɑ sẽn wɑ n ki wã, Wẽnd yɑɑf-ɑ lɑme lɑ A gãndag n bɑs a yel-wẽnsã.

Yii Abɩɩ Bakr nengẽ- Wẽnd yɑrd be ɑ yĩng- ɑ yeelɑme: mɑm wʋmɑ Wẽnd Tẽn-tʋʋmɑ -Wẽnd pʋʋsg lɑ A tɩlgr be ɑ yĩngɑ- t'ɑ yetẽ: « Lɩslaamb a yiib sã n yek taab ne b sʋʋsã, nin-kʋʋdã la kiidã fãa bee Bugmẽ«, tɩ mam yeele: Wẽnd Tẽn-tʋʋmã, yãwã yẽ la nin-kʋʋdã, tõnd mii yẽndã yellã, la kiidã yaa bõe yĩng t'a kẽed Bugmẽ? La a yeele: «ad yẽ me rag n yɩɩme n tar yã-beedo, n na n kʋ a tũud-d-ntaagã».

Al-Bukhari and Muslim line

Nabiyaamã -Wẽnd pʋʋsg la A tɩlgr be a yĩnga- kõta kibare, tɩ lɩslaamb a yiib sã n yek taaba, ne b sʋʋs a yiibã, ned fãa rat n na n halk a to, rẽnd nin-kʋʋdã bee Bugmẽ, a sẽn kʋ a tũud-n-taagã yĩnga, la yellã gẽdga ne sahaabsã kiidã yĩnga: yaa bõe tɩ yẽ be Bugmẽ? Tɩ Nabiyaamã -Wẽnd pʋʋsg la A tɩlgr be a yĩnga- kõ kibare, tɩ ad yẽ me bee Bugmẽ, bala a rag tara nonglem n na n kʋ a tũud-n-taagã, la bũmb ka gɩdg-a rẽnda yãwã soabã sʋʋgã sẽn reng n kʋ yẽ wã bala.

Yii a Ʋmar ɭbn Al-hattaab nengẽ - Wẽnd yard be a yĩnga-: a yeelame: Wẽnd Tẽn-tʋʋmã, -Wẽnd pʋʋsg la A tɩlgr be a yĩnga- yeeleme: «Ad tʋʋmã tũudɑ ne Anniya-rãmbã, lɑ ɑd ned fãɑ sẽn dɩk Anniy ningã n be ne-ɑ, rẽnd ned ning sẽn maana Higra (yik Mɑk n kẽng Mɑdiinã) tɩ yɑɑ Wẽnd lɑ A Tẽn-tʋʋmã yĩngɑ, rẽnd yẽ soɑb Yikrã yɩtɑ Wẽnd lɑ A Tẽn-tʋʋmɑ yĩngɑ, lɑ ned ning Yikrã sẽn wɑ n yɑɑ dũni yĩnga n rɑt n nɑ n pɑɑm-ɑ, mɑɑ yɑɑ pɑgɑ lɑ a rɑt n furi, rẽnd yẽ yikrã yɑɑ ɑ sẽn yik n kẽng bũmb ning yĩngã». La gom-bila a yembr n be Albʋhaary pʋga: « Ad tʋʋmã yaa ne Anniy-rãmbã, la ninsaal fãa yaa a sẽn maan Anniy ningã n be ne-a».

Al-Bukhari and Muslim line

Nabiyaamã -Wẽnd pʋʋsg la A tɩlgr be a yĩnga- vẽnegdame n wilgdẽ, tɩ tʋʋmã fãa yaa b sẽn get Anniy wã, la bʋ-kãngã yaa bũmb sẽn gũbg tʋʋmã fãa gill pʋgẽ, sẽn yaa tũudum yεla la tʋmd-n-taare, rẽnd ned ning sẽn wa n rɩka a tʋʋmã tɩ yaa nafa la a rata, a ka na n paame rẽnda nafã-kãngã bala, a ka tar yel-sõmde, la ned ning sẽn wa n rɩka a tʋʋmdã tɩ yaa Wẽnd la a rat n na n pẽnege, a paamda yel-sõmd a tʋʋmdẽ wã la rolbo, baa tɩ mikame tɩ yaa tʋʋm zaala, wala yũub la rɩɩbo. Rẽ poorẽ tɩ Nabiyaamã -Wẽnd pʋʋsg la A tɩlgr be a yĩnga- rɩk bilgri, n na n wilg Anniy wã vũun sẽn ta to-to ningã tʋʋmẽ wã, n lagem ne fãa zemsa taab yĩngr-yĩngrã, rẽnda a wilga ned ning sẽn wa n rɩka Anniy ne Yikrã la tẽngã basgo tɩ yaa Wẽnd yardã baoobo, rẽnd yẽ soab yikrã yaa yikr sari wã sẽn rate, tɩ yaa b sẽn reege, t'a na n paam yel-sõmdã a Anniyã sɩdgrã yĩngã, la ned ning sẽn wa n rɩka a yikrã tɩ yaa dũni nafa raab la arzεka la lohorem maa tolbo maa paga, rẽnd a ka na n paam a yikrã pʋgẽ sã n ka nafã-kãngã bala, a sẽn maana Anniy wã ne bũmb ningã, la a ka na n paam yel-sõma la rolbã ye.

Yii a Abʋʋ Hʋrayrat nengẽ -Wẽnd yard be a yĩnga- : Tɩ raoa n yeel Nabiyaamã -Wẽnd pʋʋsg la A tɩlgr be a yĩnga- sagl-ma, t'a yeele: «Ra gẽ ye» t'a yɩlem noor wʋsgo, tɩ Nabiyaamã yeele: «Ra gẽ ye».

Al-Bukhari line

Sahaabsã ned a yembre, -Wẽnd yard be b yĩnga-, a kosa Nabiyaamã -Wẽnd pʋʋsg la A tɩlgr be a yĩnga- t'a wilg-a bũmb ninga sẽn na n naf-a, tɩ Nabiyaamã yeel t'a ra gẽ ye, la woto rat n na yeelame t'a zãag sabab nins sẽn kɩt t'a gẽ wã la a yõk a menga, tɩ gẽeg sã wa, rẽnd a ka kelled bala n tũnug a sũ-yikrã, n na n kʋ maa pãbe, maa a tʋ, la sẽn wõnd rẽnd ye. La nedã yɩlma saglgã kosg noor wʋsgo, la Nabiyaamã -Wẽnd pʋʋsg la A tɩlgr be a yĩnga- ka paas saglgã pʋgẽ, rẽnda a sẽn yeel-a «Ra gẽ ye».

Yii a Ʋmar ɭbn Al-hattaab nengẽ, -Wẽnd yard be a yĩnga-, t'a wʋma Wẽnd Tẽn-tʋʋma, -Wẽnd pʋʋsg la A tɩlgr be a yĩnga- t'a yetẽ: "Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi".

Ibn Maajah line

Nabiyaamã -Wẽnd pʋʋsg la A tɩlgr be a yĩnga- pirsda tõnd tɩ d tik Wẽnde, A Naam yɩ wagell n zẽke, laafɩ wã baoob pʋgẽ, la nangã tusb pʋgẽ, sẽn yaa dũni wã la dĩinã yεla, tɩ bala ka gɩdgde, ka namsde, leb n ka nafde, rẽnda ne Wẽnde, A Naam yɩlgame n zẽke, A Leb n sagendame tɩ d tʋm sabab nins sẽn wat ne naf-rãmba la tusd yel-namsdsã, n lagem ne tikr sɩd-sɩda ne Wẽnde, rẽnd tõnd sẽn wat n maan woto, Wẽnd na n rɩlga tõnd wala A sẽn rɩlgd liuuli sẽn yit yibeoogo tɩ yaa kom, n wa lebg zaabre tɩ b pʋsã yaa sẽn pidi, la liuuli wã yiibã woto wã a yaa sabab buudu, rɩɩbã baoob pʋgẽ, a ka bobl zaala la kʋɩɩng ye.

Yii a Abɩɩ Hʋrayrat nengẽ -Wẽnd yard be a yĩnga Yii Nabiyaamã nengẽ -Wẽnd pʋʋsg la A tɩlgr be a yĩnga-a sẽn togsd tɩ yaa sẽn yi a Soabã nengẽ, A Naam yɩ wagell n zẽke, n yeele: "Yamb maana zunuub tʋʋmde, n yeele: " Soaba Wẽnde yaaf m zunuubã". Tɩ Wẽnd yeele, A Naam yɩ wagell n zẽke: Mam yambã beegame la a leb n bãngame t'a tara Soabã sẽn yaafde la A leb n sɩbgd ne zunuuba" rẽ poorẽ tɩ yamba beege, n yeele: "m Soaba, yaaf-ma m zunnuubã, tɩ Wẽnd yeele, A Naam yɩ wagell n zẽke: " Mam yamba maana beegre, n bãng t'a tara Soaba, sẽn yaafd zunuuba la A leb n sɩbgd ne zunuuba. Tɩ yambã leb n maan zunuuba, n yeele: " m Soaba, yaaf-ma m zunuubã". Tɩ Wẽnd yeele, A Naam yi wagell n zẽke: "M yambã maana beegre, n bãng t'a tara Soaba, sẽn yaafd zunuuba, la A sɩbgd ne zunuuba, maan f sẽn rate, tɩ ad Mam yaaf-f lame".

Al-Bukhari and Muslim line

Nabiyaamã -Wẽnd pʋʋsg la A tɩlgr be a yĩnga- kõta kibare, sẽn yi a Soabã nengẽ, tɩ yamb sã n maan zunuub tʋʋma, rẽ poorẽ, n yeele: "Wẽnde, yaaf-ma m zunuubã". Wẽnd yetame: "M yamba maana zunuuba, n bãng t'a tara Soaba sẽn yaafde". Tɩ Wẽnd loe a bãngo la A gãndeg n bas a yĩnga, maa A sɩbg-a, "ad Mam yaaf-a lame". Rẽ poorẽ tɩ yamba lebg n maan zunuubã tʋʋmde, n yeele: " Wẽnde, yaaf-ma m zunuubã, tɩ Wẽnd yeele:" Mam yambã maana zunuuba, n bãng t'a tara Soaba, n yaafd zunuuba, n loet a baongo, la A gãndagd n basd a yĩnga, maa A sɩbg-a, ad Mam yaafa M yamba. Rẽ poorẽ tɩ yambã leb n maan zunuuba, n yeele:" m Soaba, yaaf-ma m zunuubã, tɩ Wẽnd yeele: "M yambã maana zunuuba, n bãng t'a tara Soab sẽn yaafd zunuuba, n loet a bãongo la A gãndagd n basd-a maa A sɩbgd-a, ad Mam yaafa M yambã, bɩ M yambã maan a sẽn rate, sã n mikame t'a sẽn maan zunnub fãa, a lebgdame n bas zunuubã la a kos yaafa la a maan mimisa la a loe a sũurẽ n wãag t'a ka na n leb zunuubã pʋgẽ ye, la a yõorã yamleoog wil-a lame, t'a lebg n lʋɩ zunuubã pʋgẽ, sã n mikame tɩ yaa woto la a maanda, n maand zunuubã la a tuubdẽ, M na n yaafa a yĩnga, bala tuubgã a wurda bũmb ning sẽn da reng taoorã sẽn yaa Wẽnd kɩɩsgo.

Yii a Abdʋllaah ɭbn Amr nengẽ -Wẽnd yard be b yiibã yĩnga- a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩng- yeelame-: "Ad tẽeg tɩrga rãmbã b bee zaoos zutu tɩ yaa nuura, tɩ be Arrahmaaan Naabã rɩtg wεεngẽ, la A Nus a yiibã fãa rag n yaa rɩtgo, neb nins sẽn tẽegd tɩrga b bʋʋd wεεngẽ la b zags rãmbã la b taoor ningã b sẽn lʋɩɩs-ba".

Muslim

Nabiyaamã -Wẽnd pʋʋsg la A tɩlgr be a yĩnga- kõta kibare, tɩ neb nins sẽn bʋʋd ne tẽeg tɩrga la sɩda nebã ne taab sʋkã, tɩ bãmbã b na n zĩnda zaoos zut sẽn zẽke, tɩ yaa sẽn naan ne nuura, tɩ yaa waoor ne-ba dũni yikr raarã. la zao-kãensã b bee Arrahmaan Naab rɩtg wεεngẽ, la Wẽnd Nus a yiibã fãa rag n yaa rɩtgo.