Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
अबू हुरैरह (रजियल्लाहु अन्हु) वर्णन गर्नुहुन्छ, अल्लाहका रसूल (सल्लल्लाहु अलैहि व सल्लम) ले भन्नुभयो: "यहूदी र ईसाईहरूलाई पहिले सलाम नगर र जब तपाईं नीहरूमध्ये कसैलाई बाटोमा भेट्नुहुन्छ, तिनीहरूलाई साँघुरो बाटो लिन बाध्य पार्नुहोस्।"
मुस्लिमले वर्णन गरेका छन्
अल्लाहका नबी (सल्लल्लाहु अलैहि व सल्लम) यहुदी र इसायीहरूलाई सलाम गर्नमा पहल गर्न मनाहि गर्दै हुनुहुन्छ, चाहे उनीहरू जिम्मी (अधिकार प्राप्त नागरिक) नै हुन्, अरु काफिरहरूको त कुरा नै नगरौं। उहाँ (सल्लल्लाहु अलैहि व सल्लम) ले बताउनु भयो, जब बाटोमा कुनै यहुदी वा इसायी सित भेट भयो भने उनीहरूलाई साँधुरो बाटोमा हिँड्नका लागि बाध्य बनाउनु। बीच बाटोबाट मुमिन हिँडोस् र काफिर छेउछेउ बाट हिँडोस् । एउटा इमान वाला कुनै पनि हालतमा अपमानित हँदैन ।
अबू-दर्दा (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ : "कयामतको दिनमा (कर्म जोख्ने बखत) तराजुमा असल व्यवहार भन्दा गरुङ्गो (भारी) कुनै पनि चीज हुनेछैन। निश्चय नै, अल्लाह अश्लील र अभद्र व्यक्तिसँग घृणा गर्नुहुन्छ।"
अबू दाउद र तिर्मीजीले वर्णन गरेका छन्
नबी (सल्लल्लाहु अलैहि वसल्लम) ले भन्नुभयो, कयामतको दिनमा विश्वासीहरूको कर्म तौलँ गर्दा तराजुमा सबैभन्दा भारी सत्कर्म उत्तम आचरण हुनेछ, जस्तैः अनुहारमा मुस्कान, कसैलाई दुःख नदिनु र राम्रा कार्यहरू गर्नु। अल्लाहले कर्म र बोली दुवैमा अश्लील र अभद्र कुरालाई घृणा गर्नुहुन्छ, र मुखले बोल्ने अश्लील वचनलाई मन पराउनुहुन्न।
हुसैन बिन अली बिन अबू तालिब (रजियल्लाहु अन्हुमा) को वर्णन छ, उहाँ भन्नु हुन्छ : अल्लाहका रसूल (सल्लल्लाहु अलैहि व सल्लम) ले भन्नुभयो: "कञ्जूस त्यो हो जसको अगाडि मेरो नाम लिइन्छ तर उसले ममाथि दया (दरुद) पठाउदैन।"
رواه الترمذي والنسائي في الكبرى وأحمد
नबी (सल्लल्लाहु अलैहि वसल्लम) ले आफ्नो नाम, उपनाम वा विशेषता सुनेको बेला उनमाथि दरुद नपढ्नुको बारेमा चेतावनी दिनुभयो, र भन्नुभयो: "सबभन्दा कन्जूस व्यक्ति त्यो हो जसको अगाडि मेरो नाम आउँछ र उसले दरूद पढ्दैन।" यसका कैयौँ कारणहरू छन् : १- उसले कुनै पनि नोक्सान नभएको कुरामा खर्च गर्दा कन्जुस्याइँ देखायो। यसको लागि कुनै पैसा वा प्रयासको आवश्यकता पर्दैन। २- उसले आफूलाई अल्लाहका रसूल (सल्लल्लाहु अलैहि व सल्लम) माथि दरूद पढ्ने विशिष्टताबाट वञ्चित राख्यो; उसले यस सम्बन्धमा प्राप्त आदेशको पालना गर्न र इनाम प्राप्त गर्न पूरा गर्नुपर्ने कर्तव्यमा कन्जुस्याइँ देखायो। ३- नबी (सल्लल्लाहु अलैहि व सल्लम) माथि दरूद पढ्नु उहाँका हामी माथि भएका हकहरू पुरा गर्ने विभिन्न तरिकाहरू मध्ये एक हो; किनकि उहाँले हामीलाई तालिम दिनु भएको छ, हाम्रो मार्ग दर्शन गर्नु भयो, उहाँले नै हामीलाई अल्लाहतर्फ बोलाउनु भयो, उहाँले नै हामीहरूतर्फ यो वही (प्रकाशना) लिएर आउनु भयो र यो शरीअत पनि । अल्लाह तआला पछि उहाँ नै हामीहरूको मार्गदर्शनका माध्यम हुनु हुन्छ । तसर्थ उहाँ माथि दरूद न पढ्ने वाला स्वयम् आफ्ना लागि र आफ्नो नबी (सल्लल्लाहु अलैहि व सल्लम) को एउटा सानो हक पुरा गर्नमा पनि कन्जुस्याइँ गर्ने वाला हो ।
सहल इब्न मुआज इब्न अनस (रजियल्लाहु अन्हुम) ले आफ्ना बुवा (मुआज इब्न अनस) बाट वर्णन गरेका छन्, उनी भन्छन्र, रसूल (सल्लल्लाहु अलैहि वसल्लम) ले भन्नुभएको छ : "जसले खाना खायो र भन्यो: 'अल्हम्दुलिल्लाहिल्लजी अत्अमनी हाजा व रजक़नीहि मिन ग़ैरि हौलिन मिन्नी वला कुव्वह्' (सम्पूर्ण प्रशंसा अल्लाहकै लागि हो, जसले मलाई यो खाना खुवाउनुभयो र मेरो कुनै शक्ति वा सामर्थ्य बिना नै मलाई यो प्रदान गर्नुभयो), उसका अघिल्ला पापहरू क्षमा गरिनेछन् ।"
अबू दाउद, तिर्मीजी, इब्ने माजह र अहमदले वर्णन गरेका छन्
"नबी (सल्लल्लाहु अलैहि वसल्लम) ले भोजन ग्रहण गर्ने व्यक्तिलाई आफ्नो पालनकर्ताप्रति कृतज्ञ हुन प्रोत्साहित गर्नुभएको छ; किनकि उहाँको सहायता बिना न त भोजन प्राप्त गर्ने सामर्थ्य हुन्छ, न त त्यसलाई खान सक्ने शक्ति नै।" त्यसपछि नबी (सल्लल्लाहु अलैहि वसल्लम) ले यो दुआ पढ्ने व्यक्तिका अघिल्ला पापहरू क्षमा हुनेछन् भन्ने सुसमाचार सुनाउनुभयो।
अनस बिन् मालिक(रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ : "अजान र इकामतको बीचमा गरिएको प्रार्थना अस्वीकृत हुँदैन।"
अबू दाउद, तिर्मीजी र निसाईले वर्णन गरेका छन्
नबी (सल्लल्लाहु अलैहि व सल्लम) ले अजान र इकामतको बीचमा (मागिएको) दुआको विशेषता वर्णन गर्नु भयो । किनभने उक्त समयमा (मागिएको) दुआ रद्द हुँदैन र कबूल हुन्छ । सो यस बीचमा अल्लाह तआलासित दुआ माग्ने गर ।
अबू-हुरैरह (रजियल्लाहु अन्हु) ले वर्णन गरेका छन्, अल्लाहका रसूल (सल्लल्लाहु अलैहि वसल्लम) ले यो दुआ पढ्नुहुन्थ्यो: "हे अल्लाह! मेरो धर्मलाई सच्याइदिनुहोस्, जुन मेरो मामिलाको सुरक्षाको ग्यारेन्टी हो, मेरो संसारलाई सच्याइदिनुहोस्, जहाँ म बस्छु र मेरो परलोकलाई सच्याइदिनुहोस्, जहाँ म फर्कनेछु र मेरो जीवनलाई हरेक राम्रो कुरामा वृद्धिको कारण बनाउनुहोस् र मृत्युलाई मेरो लागि हरेक खराबीबाट राहतको माध्यम बनाउनुहोस्।"
मुस्लिमले वर्णन गरेका छन्
नबी (सल्लल्लाहु अलैहि वसल्लम) ले एउटा दुआ गर्नुभयो, जसमा उहाँले उत्तम गुणहरूको आधारभूत पक्षलाई समेट्नुभयो, जुन उहाँलाई पूर्ण गर्न पठाइएको थियो। यसमा धर्म, संसार र परलोकको सुधार समावेश थियो। यो छोटो तर महत्वपूर्ण वाक्यमा यी तीनै पक्षहरूको सुधारको माग गरियो। उहाँले धर्मको सुधारबाट सुरु गर्नुभयो, किनभने यही सुधारले संसार र परलोक दुवैको स्थिति सुधार गर्दछ। अर्थात् : हे अल्लाह ! मेरा लागि मेरो धर्मलाई ठीक बनाइ दिनुहोस् । यसका हरेक नियमहरू पूरा गर्ने अवसर प्रदान होस् । अर्थात् : जससँग मेरा सबै मामिलाहरूको सुरक्षा जोडिएको छ। यदि मेरो धर्म बिग्रियो भने, मेरा सबै मामिलाहरू बिग्रनेछन् र मेरो नयाँ जीवन डुब्नेछ। साथै, संसारको शुद्धता बिना धर्मको इच्छित शुद्धता प्राप्त गर्न सकिँदैन, त्यसैले उहाँले भन्नुभयो: मेरा लागि मेरो सांसारिक जीवनलाई ठीक राखि दिनुहोस्,मलाई स्वास्थ्य र तन्दुरुस्ती, शान्ति, असल श्रीमती, भद्र सन्तान र आवश्यक हरेक कुरा प्रदान गरि दिनुहोस् । यो सबै चिजहरू हलाल होऊन् र यिनबाट तपाईँको उपासनामा सहायता मिलोस् । फेरि सांसारिक सुधारका लागि दुआ माग्नुको कारण बताउँदै भन्नुभयो: जसमा मलाई बाँच्नु छ र जीवन बिताउनु छ । मेरा लागि मेरो मरण पश्चातको जीवनलाई ठीक बनाइ दिनुहोस् जहाँ मलाई फर्केर जानु छ र तपाईँ सित भेट्नु छ । तर यो तब मात्र हुन सक्छ जब कर्महरू ठीक हुन्छन् र अल्लाहका तर्फबाट भक्तको उपासना, विशुद्धता र उत्तम मरणको अवसर मिलेको हुन्छ । नबी (सल्लल्लाहु अलैहि व सल्लम) ले परलोक पछि यस लोकको बारेमा बताउनु भयो । यो जीवन सुध्रिनु भनेको परलोक सुध्रिने खुड्किलो हो । जसले यस लोकको जीवनलाई अल्लाहको चाहना अनुसार बितायो उसको परलोक सुध्रियो । "जीवनलाई मेरो लागि हरेक असल कुरामा वृद्धि गर।" यस संसारको जीवनलाई मेरो लागि हरेक असल कुरामा वृद्धि गर्ने कारण बनाउनुहोस् ताकि म यसमा सकेसम्म धेरै असल कामहरू गर्न सकूँ। "मृत्युलाई मेरो लागि हरेक खराबी, अर्थात्, प्रलोभन, परीक्षा, पाप र लापरवाहीबाट राहत बनाउनुहोस्, मलाई शान्ति प्राप्त गर्ने र संसार र यसको भ्रमबाट मुक्त हुने कारण बनाउनुहोस्।"
अबू मुसा (रजियल्लाहु अन्हु) ले वर्णन गरेका छन्, नबी (सल्लल्लाहु अलैहि व सल्लम) यो दुआ माग्ने गर्नु हुन्थ्यो : "हे अल्लाह! मेरा पापहरू, मेरो अज्ञानता, मेरा सबै कर्महरूमा भएका अपराधहरू र तपाईंलाई मभन्दा बढी थाहा भएका सबै कुराहरू क्षमा गर्नुहोस्। हे अल्लाह! मेरा पापहरू, मैले जानेर गरेको, अनजानमा गरेको र मजाकमा गरेको सबै कुराहरू क्षमा गर्नुहोस्। यो सबै मैले गरेको हो। हे अल्लाह! मेरा विगतका र भविष्यका पापहरू, मेरा गोप्य र मेरा सार्वजनिक पापहरू क्षमा गर्नुहोस्। तपाईं नै अगाडि ल्याउने र तपाईं नै पछाडि ल्याउने हुनुहुन्छ र तपाईं नै सबै कुरामाथि शक्तिवान हुनुहुन्छ।"
मुत्तफकुन अलैहि
नबी (सल्लल्लाहु अलैहि व सल्लम) का उत्कृष्ट दुआहरूमध्ये एउटा यो (पनि) हो । हे अल्लाह ! मेरा सम्पूर्ण पापहरू माफ गरि दिनुहोस् । थाहै नपाइ हुने मेरो गल्तीहरू क्षमा गर्नुहोस्। मेरा सबै काममा भएका कमीकमजोरी र अतिक्रमणहरूको लागि मलाई क्षमा गर्नुहोस्। "तपाईं मेरो बारेमा धेरै जान्नुहुन्छ।" मलाई ती पापहरू पनि क्षमा गर्नुहोस् जुन तपाईंले जान्नुहुन्छ र मैले बिर्सेको छु। "हे अल्लाह, मेरा पापहरू क्षमा गर्नुहोस्, ती पापहरू पनि जुन मैले जानाजानी गरेको छु।" अनि मेरा ती पापहरू क्षमा गर्नुहोस् जुन मैले गम्भीरतापूर्वक वा मजाकमा गरेको छु। "यो सबै मसँग छ।" मलाई थाहा छ कि मैले यस्ता सबै पापहरू गरेको छु। हे अल्लाह, मैले अहिलेसम्म गरेका पापहरू र आउने दिनहरूमा गर्ने पापहरूको लागि मलाई क्षमा गर्नुहोस्। मैले गोप्य रूपमा गरेको र खुलेआम गरेको । तपाईं आफ्नो सृष्टिमध्ये जसलाई चाहनुहुन्छ, आफ्नो प्रेमका कुराहरू प्रदान गरेर अगाडि बढाउनुहुन्छ र जसलाई चाहनुहुन्छ, उसलाई पछाडि एक्लै छोड्नुहुन्छ। तपाईंले जसलाई पछाडि पार्नुहुन्छ, उसलाई कसैले अगाडि बढाउन सक्दैन र तपाईंले जसलाई अगाडि बढाउनुहुन्छ, उसलाई कसैले पछाडि गर्न सक्दैन। "तपाईंसँग सबै कुराको शक्ति छ" तपाईंसँग पूर्ण अधिकार र पूर्ण इच्छाशक्ति छ। तपाईं जे चाहनुहुन्छ गर्न सक्नुहुन्छ।
इब्ने उमर (रजियल्लाहु अन्हु) ले वर्णन गरेका छन्: पैगम्बर (सल्लल्लाहु अलैहि वसल्लम) ले बिहान र बेलुका यी दुआहरू पढ्न कहिल्यै छोड्नुभएन: हे अल्लाह ! म तपाईँसित यस संसार र परलोकको कल्याणको माग गर्दछु । हे अल्लाह ! म तपाईंसँग मेरो धर्म र सांसारिक मामिला, मेरो परिवार र धनको कल्याण चाहन्छु। हे अल्लाह! मेरो गुप्तांगहरू ढाक्नुहोस् र मलाई डर र खतराबाट सुरक्षित राख्नुहोस्। हे अल्लाह! मलाई अगाडि, पछाडि, दायाँ, बायाँ र माथिबाट रक्षा गर्नुहोस्। म तपाईंको महामहिमको शरण चाहन्छु, म अचानक तलबाट खोसिएर जान नपरोस्।"
अबू दाउद, निसाई, इब्ने माजह र अहमदले वर्णन गरेका छन्
नबी (सल्लल्लाहु अलैहि व सल्लम) ले बिहान बेलुका यी दुआहरू पढ्न कहिल्यै छोड्नुभएन: "हे अल्लाह! म तपाईंसँग दुष्टता, विपत्ति, सांसारिक कठिनाइ, खराब इच्छा र धार्मिक परीक्षाहरूबाट सुरक्षा माग्छु।" "यस संसारमा र परलोकमा" चाँडै होस्आ वा ढिलो। हे अल्लाह! म तपाईंसँग मेरा पापहरू क्षमा गर्न र कमजोरीहरूबाट बचाउन प्रार्थना गर्दछु, चाहे ती धर्मसँग सम्बन्धित हुन्, जस्तै शिर्क, नवप्रवर्तन, पापहरू आदि वा संसारसँग जस्तै विपत्ति, पीडा र दुष्टता, चाहे त्यो परिवार (पत्नी, छोराछोरी र आफन्त) सँग सम्बन्धित होस्, वा धन र कर्मसँग सम्बन्धित होस्। हे अल्लाह ! मेरो खोट र कमीकमजोरीहरूमा पर्दा हालि दिनुहोस्, मेरा पापहरू माफ गरि दिनुहोस् र मलाई भय र डरहरूबाट जोगाइ दिनुहोस् । हे अल्लाह! मलाई रक्षा गर्नुहोस् र सबै समस्या र विपत्तिहरू मबाट टाढा राख्नुहोस्। मलाई सबै दिशाबाट रक्षा गर्नुहोस्, किनकि विपत्तिहरू माथि उल्लेख गरिएका सबै दिशाहरूबाट आउँछन्। म तलबाट अचानक कुनै चीजले समातेर बेहोस भएर नष्ट हुनु र जमिनमा धकेल्नुबाट तपाईंको शरण चाहन्छु।
उम्मुल् मुमिनीन (आस्थावानहरूकि आमा) आइशा (रजियल्लाहु अन्हा) ले वर्णन गरेका छन्: अल्लाहका रसूल (सल्लल्लाहु अलैहि व सल्लम) ले मलाई यो दुआ सिकाउनु भयो : "हे अल्लाह! म तपाईंसँग सबै प्रकारका राम्रा कुराहरू माग्छु, छिटो र ढिलो दुवै, जुन मलाई थाहा छ र जुन मलाई थाहा छैन। म तपाईंमा सबै प्रकारका खराब कुराहरूबाट शरण चाहन्छु, छिटो र ढिलो दुवै, जुन मलाई थाहा छ र जुन मलाई थाहा छैन। हे अल्लाह, म तपाईंसँग त्यो भलाइ माग्छु जुन तपाईंको दास र तपाईंको पैगम्बर मुहम्मद (सल्लल्लाहु अलैहि वसल्लम) ले तपाईंसँग मागेका थिए र म तपाईंको शरण चाहन्छु त्यो खराबीबाट जुनबाट तपाईंको दास र तपाईंको पैगम्बरले शरण मागेका थिए। हे अल्लाह! म तपाईंसँग स्वर्ग र त्यसको नजिक पुर्याउने कार्य र शब्दहरूको लागि प्रार्थना गर्दछु र म तपाईंसँग नर्क र त्यसको नजिक पुर्याउने कार्य र शब्दहरूबाट शरण चाहन्छु। म तपाईंसँग तपाईंले मेरो लागि जे फैसला गर्नुभएको छ त्यो राम्रो बनाउनुहोस् भनी प्रार्थना गर्दछु।
رواه ابن ماجه وأحمد
नबी (सल्लल्लाहु अलैहि व सल्लम) ले आइशा (रजियल्लाहु अन्हा) लाई केही संक्षिप्त दुआहरू सिकाउनु भयो, तीमध्ये चार यी हुन् : पहिलो प्रार्थना: सबै असल कुराहरूको लागि एउटा सामान्य प्रार्थना: हे अल्लाह! म तपाईंसँग सबै प्रकारका राम्रा कुराहरू माग्छु, छिटो र ढिलो दुवै, जुन मलाई थाहा छ र जुन मलाई थाहा छैन। यसमा, सबै कुरा अल्लाहलाई सुम्पिएको छ, जो सर्वज्ञ, सुक्षमदर्शी र जानकार हुनुहुन्छ, ताकि उहाँले मुस्लिमका लागि सबैभन्दा उत्तम र लाभदायक कुरा चयन गरुन् । म यस संसार र परलोकका सबै प्रकारका छिटो आउने वा ढिलो आउने, मलाई थाहा भएका वा नभएका हरेक खराबीहरूबाट तपाईंमा शरण चाहन्छु । दोस्रो दुआ : यो यस्तो दुआ हो जसमा मुस्लिम दुआमा सीमा नाघ्नबाट सुरक्षित रहन्छ । हे अल्लाह ! म तपाईँसित त्यो भलाइको माग गर्दैछु जो तपाईँका भक्त र तपाईँका नबी (सल्लल्लाहु अलैहि व सल्लम) ले माग्नु भएको छ । अनि म तपाईँसित त्यो खराबीबाट शरण माग्दछु जसबाट तपाईँका भक्त र नबी (सल्लल्लाहु अलैहि व सल्लम) ले शरण माग्नु भएको छ । यो दुआ गर्ने व्यक्तिलाई अल्लाहले ती भलाईहरू प्रदान गरून् जो नबी मुहम्मद (सल्लल्लाहु अलैहि व सल्लम) ले आफ्ना लागि माग्नु भएको छ । पैगम्बर (सल्लल्लाहु अलैहि वसल्लम) ले प्रार्थना गरेका बिन्तीहरूको प्रकारहरूको गणना नगरी। तेस्रो प्रार्थना: स्वर्गमा प्रवेश गर्ने र नर्कबाट टाढा रहने प्रार्थना, जुन प्रत्येक मुस्लिमको लक्ष्य र उसको कर्मको अन्त्य हो। अर्थात्, हे अल्लाह! म तपाईंबाट स्वर्ग चाहन्छु र तपाईंलाई खुशी पार्ने हरेक वचन र कर्म जसले स्वर्गको नजिक ल्याउँछ, र म नर्कबाट र तपाईंलाई अप्रसन्न पार्ने हरेक वचन र कर्म जसले नर्कको नजिक ल्याउँछ, तपाईंको शरण चाहन्छु। तपाईंको दया बिना, कोही पनि खराब कामबाट बच्न सक्दैन। चौथो दुआ : अल्लाहका हरेक फैसलामा राजीखुसी रहने दुआ । म तपाईंलाई मेरो लागि गर्ने हरेक निर्णयलाई राम्रो बनाउन अनुरोध गर्दछु। यो वास्तवमा अल्लाहको चाहनामा सन्तुष्ट रहनका लागि दुआ हो ।
