Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Abbii Muusa Allaha ka raali ahaae wuxuu Nabiga scw ka wariyey inuu dhahay: "Ma jiro guur wali la'aantii".
Ibn Maajah
Nabigu scw wuxuu sheegay inay gabadha guurkeedu ansaxayn wali nikaaxiya la`aanti.
Cabdullahi Binu Camar Allaha ka raali ahaade wuxuu Nabiga scw ka wariyey inuu dhahay: "Qofka dila gaal mucaahida ma urin doono carafta janada, carafteedana waxaa laga uriyaa meel loo socdo afartan sano".
Al-Bukhari
Nabigu scw wuxuu cadeeyey goodiga adag ee ku soo arooray adag qofka dila mucaahad waana gaalka ku soogala dhulka muslimiinta heshiis iyo amaan, qofkaasi ma urindoono carafta janada, carafteedana waxaa laga uriyaa meel loo socdo afartan sano.
Abii Hureyra -Allaha ka raali ahaade wuxuu yiri: Rasuulka Ilaahay scw wuxuu lacnaday laaluush bixiyaha iyo laaluush qaataha waana siman yihiin xaga xukunka.
At-Tirmidhi
Nabigu scw wuxuu ku habaaray in Ilaahay naxariistiisa ka dheereeyo kan laaluushka bixiya, kan qaata, iyo kan u kala qaada. Ariinkaa waxaa la mid ah waxa lasiiyo gar-soorayaasha si'ay cadaalada uga leexdaan xukunka ay faraha ku hayaan, taasoo kan dhiibaya laaluushku uu ku helayo muraadkiisa si aan xaq ahayn.
Cumar Binu Khadaab Allaha ka raali ahaade wuxuu yiri Rasuuulka Ilaahay scw wuxuu yiri: "Markuu dhoho mu'addinku: Allaahu akbar Allaahu akbar, ee midkiin dhoho: Allaahu akbar Allaahu akbar, haddana dhoho: Ashhadu allaa ilaaha illa llaah, uu ka daba dhoho: Ashhadu Allaa ilaaha illa llaah, haddana dhaho: Ashhadu Ana Maxamada rasuul Allaah, ee ka daba dhoho: Ashhadu ana Maxamada rasuul Allaah, haddana dhoho: xaya cala salaah, isna dhoho: laa xawla walaa quwata illaa billaah, hadana dhoho: xaya calal falaax, isna dhoho: laa xawla walaa quwata illaa billaah, haddana dhoho: Allaahu akbar Allaahu akbar, isna ka daba dhoho: Allaahu akbar Allaahu akbar, haddana dhoho: laa ilaaha illallaah, isna ka daba dhoho: laa ilaaha Illaa Allaah isagoy qalbiga ka tahay janaduu galayaa".
Muslim
Aadaanku waa ogaysiin dadka la ogeysiinayo soo galida waqtiga salaada, erayada aadaanku waa erayo caqiidada rumaynta Ilaahay ku dhan yahay. Xadiiskan Nabigu scw wuxuu ku cadeyey inay sharci tahay qofku markuu aadaanka maqlo, in qofka maqlaya inuu yiraahdo sida mu`adinku leeyahay oo kale, oo hadii mu`adinku yiraahdo: "Allaahu akbar'' qofka maqlaya wuxuu oran: '' Allaahu akbar '', sidaasuu u wadayaa, markuu soo gaaro mu'addinku '' xaya cala salaat '', xaya calal-falaax '', wuxuu oran qofka maqlayaa aadaanka: '' laa xawla walaa quwata ilaa bilaah ''. Wuxuu kaloo cadeeyey Nabigu scw in qofka ka daba dhaha mu'addinka erayada aadaanka isagoy qalbi iyo daacad ka tahay inuujanada galayo. Macnaha Erayada aadaanku waa: '' Allaahu akbar '': Ilaahay baa waxwalba ka wayn oo ka mudan. '' Ashhadu ilaa ilaaha ilaa Allaah '': ilaah xaq lagu caabudo oo aan Ilaahay ahayn ma jiro. ''Ashhadu ana Maxamada Rasuulu Allaah ": waxaan markhaati ka ahay oo ka qirayaa carabkayga iyo qalbigayga inuu Maxamad yahay Rasuul Ilaahay casa wajala soo diray, in la adeecona ay waajib tahay. ''xaya cala salaat'', u kaalaya salaada, hadalka qofka maqlaya aadaanka ee: ''laa xawla walaa quwata ilaa billaah'' waa: ma jirto xeelad gaara oo aanu kaga bixi karno wixii daacada naga hor joogsada, xoog iyo awoodna uma lihin aan shay ku samayno Ilaahay inuu nawaafahiyo mooyee. ''xaya calal-falaax'', u kaalaya asbaabta liibaanta, taasoo ah in lagu guulaysto janada lagana bad-baadada naarta.
Anas Binu Maalik Allaha ka raali ahaade wuxuu Nabiga scw ka wariyey inuu yiri: "Qofka salaad ilaawa ha tukado markuu xasuusto, kafaaro gud kale malaha oo intaa ahayn: {salaadda u oog xuskayga} [suuratu Daaha:14]"
Al-Bukhari and Muslim
Nabigu scw wuxuu cadeeyey qofka illaawa salaad faral ah ee waqtigeedii baxay, waxaa ku waajib ah inuu u deg-dego qalaynteeda marka uu xasuusto, dambiga ka tagida salaada laga dhaafimaayo oo Ilaahay ma asturayo in muslimku uu takado markuu xasuusto maahee, Ilaahay ayaa kitaabkiisa ku yiri: {salaadda u oog xuskayga dartii} [suuratu: daaha:14], oog oo tuko salaadda aad illawdo markaad xasuusato.
Abii Saciid Alkhudri Allaha ka raali ahaade wuxuu ka wariyey Rasuulka Ilaahay inuu yiri: "Hadii aad maqashaan aadaanka, dhaha waxa mu'adinku dhahayo".
Al-Bukhari and Muslim
Nabigu wuxuu naxariis iyo nabadi korki ha ahaate ku boorinayaa Ummadda, inay ajiibaan mu'addinka markay aadaanka maqlaan, waana inaan ka daba dhahno wuxuu leeyahay, ereyba erey. markuu takbiirsado waan ka daba takbiirsanaynaa, markuu labada ashahaado dhahayo, waan ka daba dhahaynaa. Waxaa laga soo reebay ereyada (xaya cala salaat, xaya calal-falaax) oo macnohoodu yahay: u kaalaya salaadda, u kaalaya kheyrka, labadaa waxaa la dhahayaa: laa xawla walaa quwata illaa billaah.
Muqiirah-Allaha ka raali ahaadee- wuxuu yiri: Nabiga naxariis iyo nabadi korkiisa ha ahaatee ayaan safar la galay, waxaan u foorarsaday si aan uga siibo labada khuf, wuxuu igu yiri: " iska daa, anoo wayso qaba -ayaan galiyaye", uuna masaxay.
Al-Bukhari and Muslim. This is the wording of Al-Bukhari
Nabiga naxariis iyo nabadi korkiisa ha ahaatee isagoo safaradiisii mid ka mida ku jira ayuu waysaystay, markuu soo gaaray labada lugood, ayuu Muqiira Binu Shucba laacay si uu Nabiga scw uga saaro khufkii cagaha ugu jiray, si uu Nabigu u dhaqo lugaha! wuxuu yiri Nabigu-naxariis iyo nabadi korkiisa ha ahaatee-: iska daa ha bixine , waxaaan gashaday labada khuf anoo dahaara qabee, Nabigu-naxariis iyo nabadi korkiisa ha ahaatee- wuu masaxay labadii khuf mana dhaqin lugihiisa.
Caa'isha, mu'uminiinta Hooyadood- Allaha ka raali ahaadee- waxay tiri: Faadumo bintu Abii Xubaysh ayaa Nabiga -naxariis iyo nabadi korkiisa ha ahaatee- su'aal waydiisay waxayna tiri: Anigu dhiig furan baan leehay oo daahir ma noqdee salaada ma ka tagaa? wuxuu yiri: "maya, taasi waa xidid dartiiye salaada jooji qadarkii ayaamaha xaydku kugu dhici jiray, ka dibna ka qubayso oo salaada tuko."
Al-Bukhari and Muslim
Faadumo Bintu Xubaysh Nabiga -naxariis iyo nabadi korkiisa ha ahaate- waxay waydiisay oo tiri: aniga dhiigu igama joogsado oo wuxuu iga socdaa waqti dhaafsan mudadii dhiiga caadadu iga socon jiray, ee xugunkiisu ma yahay xugunka dhiiga xaydka oo salaada ma joojiyaa.? Nabigu scw. wuxuu ku yiri: kaasi waa dhiig istaxaado ah waana dhiig jiro ah wuxuuna ka soo baxaa xidid Raximka ku jira ee ma aha dhiigii caadada. marka aad gaadho waqtigii aad heli jirtay dhiiga caadada ee bilaha ah intaanu kugu dhicin dhiiga istixaadadu, jooji salaada, soonka iyo wixii loo diidi jiray mida xaydka qabta. Hadii mudadaas qadarkeedu dhamaado, waxaad noqonaysaa mid xaydka daahir ka noqotay, meesha dhiiga iska dhaq, ka dibna si kaamila uga qubayso xadaska, oo tuko.
Abii Hurayra -Allaha ka raali ahaadee- wuxuu Rasuulka ka wariyey-naxariis iyo nabadi korkiisa ha ahaatee- inuu yiri: "Markuu wayso qaadanayo midkiin biyaha sankiisa haku qaado oo hadana ha soo firdhiyo, qofka dhagax ku istinjoodana witir ha ka dhigo, markuu midkiin hurdada ka tooso ha dhaqo gacmihiisa intaanu biyaha waysada gelin, waayo ma oga midkiin halka ay gacantiisu bariday", imaam Muslim ayaa isna sidan u wariyey: "markuu midkiin tooso yaanu gelin gacantiisa weelka ilaa uu saddex jeer uu dhaqo, waayo ma oga halkay gacantiisu bariday."
Muslim
Nabigu-naxariis iyo nabadi korkiisa ha ahaatee- wuxuu cadeeyey qaar ka mida axkaanta dahaarada, waxaana ka mida: Midka 1aad: qofki waysaysanaya waa inuu inuu biyaha sanka ku jiido, hadana neefta soo raaciyo oo soo firdhiyo. Midka 2aad: qofkii doonaya inuu isaga nadiifiyo najaasada ka soo baxaysa isaga waxaan biyo ahayn sida dhagxaanta iyo wixii la mida, wuxuu isku nadiifinayaa tirsi kinsi ah oo ugu yaraan ah sadex ugu badnaan wixii tirtiraya najaasada meeshana nadiifinaya. Midka 3aad: qofka ka toosa hurdada habeenka gacantiisa galinmaayo weelka markuu wayso qaadanayo ilaa uu gacantiisa ku dhaqdo weelka dibadiisa, waayo ma oga halkay gacantiisu bariday, kama aamin aha in gacantiisu najaaso taabatay, waxaana dhici kara inuu shaydaan ku ciyaaray, oo uu saaray waxyaabo dadka dhibaya ama biyaha xumaynaya.
