Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Cusmaan Binu Cafaan-Allah ka raali ahaadee-wuxuu yiri: Rasuulka Ilaahay scw wuxuu yiri: (Qofka waysaqaata ee hagaajiya waysada, dambiyadiisu jirkiisa oo dhan bay ka baxayaan ilaa ay ciddiyaha hoostoodana ka baxaan).
Muslim
Nabigu scw wuxuu sheegay in qofka wayso qaata isagoo ilaalinaaya sunadii iyo aadaabtii waysada arinkaasi wuxuu sabab u noqonayaa in loo dambi dhaafo, ilaa uu dambigu ka baxayo ciddiyaha gacmihiisa iyo kuwa lugahiisa.
Abii Mascuud Allaha ka raali ahaade wuxuu Nabiga scw ka wariyey inuu yiri: (Markuu ninku masruufo reerkiisa isagoo Ilaahay ajar kaga dalbaaya, sadaqo ayey u noqonaysaa.).
Al-Bukhari and Muslim
Nabigu scw wuxuu sheegay inmarkuu ninku siiyo reerkiisa biilo kaasoo ay ku waajibtay nafaqadoodu, sida xaaskiisa, labadiisa waalid, caruurtiisa iyo qayrkoodba, isaga oo isago Ilaahay ugu dhawaanaya wax bixintaa ajarna kaga raba Ilaahay wuxuu helayaa ajarka sadaqada oo kale.
Ibnu Cumar Allaha ka raali ahaado isaga iyo aabbihiibee-: Wuxuu ka wariyey Rasuulka scw inuu diiday qasciga.
Al-Bukhari and Muslim
Wuxuu diiday Nabigu scw in timaha madaxa qaybna laxiiro qaybna la daayo. diidmadanu waa guud ahaan raga yaryar iyo kuwa wawaynba, dumarkase uma banaana inay timaha madaxooda xiiraan.
Ibnu Cabbaas-Allaha ka raali ahaadee- wuxuu Nabiga- ka wariyey-naxariis iyo nabadi korkiisa ha ahaatee- inuu yiri: "Waxaa la i faray inaan ka sujuudo todoba lafood: wajiga, wuxuuna gacantiisa ku ishaaray sankiisa, gacmihiisa, labada law, faraha lugaha, oo aanaan aruurin oo celcelin dharka iyo timaha ".
Al-Bukhari and Muslim
Nabigu -naxariis iyo nabadi korkiisa ha ahaatee- wuxuu sheegay inuu Ilaahay amray markuu tukanaayo inuu ka sujuudo todoba xubnood oo jirka ka mida, waxayna yihiin: Tan 1aad: wajiga: waana balaca wajiga ee sanka iyo indhaha ka sareeya. Nabigu-naxariis iyo nabadi korkiisa ha ahaate- wuxuu ku ishaaray gacantiisa sankiisa, isagoo cadaynaaya wajiga iyo sanku inay hal xubin oo todobada ka mida yihiin, wuxuuna xoojinayaa in qofka sujuudsani sankiisa dhulka taabsiiyo. xubinka 2aad iyo 3aad: waa labada gacmood. xubinka 4aad iyo 5aad: waa labada law. xubinka 6aad iyo 7aad: waa faraha labada Qadam. Rasuulku wuxuu na amray inaan xirin timaheena, ama aanan aruurin dharkeena markaan dhulka ku sujuudayno anagoo ilaalinayna dharka, balse aan sii dayno ilaa ay dhulka ku dhacdo oo xubnaha la sujuudo.
Ibnu Cabbaas Allah ka raali ahaado isagiyo aabbihiibee waxaa laga wariyey inuu yiri: Nabigu scw wuxuu oran jirey inta u dhaxaysa labada sujuudood: (Allahayow ii dambi dhaaf, iina naxariiso, oo icaafi ina hanuuni, oo i irsaaq).
Ibn Maajah
Nabigu scw wuxuu ku ducaysan jiray inta u dhaxaysa labad sujuudood ducooyinkan shanta ah ee muslimku si wayn ugu baahan yahay iyado ay ku jirto khayrka aduunyada iyo kan aakhiraba, sida dambi dhaaf waydiisasho, dambi asturka iyo cafintiisa, raxmad balaaran, in laga caafimaado shubuhaatka, shahawaatka, cudurada iyo bugtaanta, iyo in Ilaahay la waydiisto ku hanuunida xaqa, iyo ku sug naashihiisa, iyo in Ilaahay ku arsaaqo iimaan, cilmi, camal saalixa, iyo maal xalaal ah oo wanaagsan.
Thawbaan Allaha ka raali ahaade wuxuu yiri: Rasuulka Ilaahay scw wuxuu ahaa markuu salaadda ka baxo saddex jeer buu istiqfaarsan jiray, wuxuuna yiri:( Allahayow adaa salaam ah, oo salaamtu kaa timid, waad hor ahaatay, waxaad tahay Ilaaha Jalaalka iyo Karamka u saaxibka ah). waliid wuxuu yiri waxaan ku iri awsaaci: qaabkay ahayd istiqfaartu? wuxuu yiri: Astaqfirullaah, Astaqfirullaah.
Muslim
Nabigu scw wuxuu dhihi jiray markuu salaadda ka baxo: Astqfirullaah, Astaqfirullaah, Astaqfirullaah. Ka dibna Rabigii ayuu waynaynayey, wuxuuna oran jiray: Allahayow adigaa salaam ah, oo salaamtu kaa timid, waad kor ahaatay, waxaad tahay Ilaaha Jalaalka iyo Karamka u saaxibka ah, Ilaahay waa Saalim oo sifaadkiisu waa kaamilka, wuu ka nasahan yahay ceeb iyo nusqaan, isaga ayaa laga dalbaa inuu kaa nabad galiyo sharta aduun iyo tan aakhiro cid kal lagama dalbo, Ilaahay khayrkiisu waa badan yahay labada daaroodba, Ilaahay waa kan u saaxibka ah waynaan iyo ixsaan.
Cimaraan Binu Xusayn -Allaha ka raali ahaade wuxuu yiri: waxaan qabay babaasiir, Nabiga scw ayaan waydiiyey sidaan salaadda u tukadaa, wuxuuna yiri: (Ku tuko istaag, hadaadan awoodina fadhi ku tuko, hadaadan awoodi waydidna adoo dhinac u jiifa tuko).
Al-Bukhari
Nabigu scw wuxuu cadeeyey in salaadda asakeeda lagu tukado istaag, xaaladaha uu qofku kariwaayo maahee, markaasoo loo ogol yahay qofku inuu fadhiga ku tukado, haduu fadhigana awoodi waayo wuxuu ku tukanayaa isagoo dhiniciisa u jiifa.
Abii Hurayra _Allaha ka raali noqde waxa laga wariyey inuu yiri: Rasuulka scw waxaa u yimid nin indhoole ah, wuxuuna ku yidhi Rasuulka scw Rasuulka Ilaahayow, mahaysto qof masaajidka ii kaxeeya oo gacanta iqabta, wuxuuna waydiistay Rasuulka scw inuu u ogolaado inuu gurigiisa salaadda ku tukado, waanu u ogolaaday Nabigu scw, laakiin makuu ka dhaqaaqay ayuu u yeeray, wuxuuna ku yiri:( aadaanka salaadda ma maqashaa? wuxuu yiri: haa, wuxuu Rasuulku ku yiri: (ajiib ).
Muslim
Nin indhoole ah ayaa Nabiga scw u yimi wuxuuna yiri: Rasuul Ilaahayow, ma halayo qof i caawiya oo gacanta i qabta oo ii kaxeeya masaajidka, salaadaha shanta ah, wuxuu rabay in Rasuulka u fasaxo inuusan jamacada imaan, wuuna u fasaxay, markuu ka dhaqaaqey ayuu u yeeray wuxuuna ku yiri: aadaanka salaadda ma maqashaa? wuxuu yiri: haa, wuxuu ku yiri: aadaanka salaadda ajiib.
Cabdullaahi Binu Mascuud Allaha ka raali ahaade wuxuu yiri: Rasuulka Ilaahay scw wuxuu nabaray khudbatul-xaajada,: mahad Ilaahay ayaa iskale, Isagaanan kaalmaysanaynaa oo dambi dhaaf waydiisanaynaa, Isagaanan ka magan galaynaa sharka naftayada, qofkuu Ilaahay hanuuniyo cid baadiyey kartaa ma jirto, qofkuu Ilaahay baadiyeeyona cid hanuunin kartaa ma jirto, waxaan qirayaa in uusan jirin mid xaq lagu caabudo Ilaahay mooyee, Maxamadna adoonkiisa iyo Rasuulka uu soo diray yahay, {dadoow Rabigiina naf kaliya idin ka abuuray kabaqa, ee lamaanaheedana isla naftaa ka abuuray, ee ka abuuray labadaa nafood raga iyo dumar badan, ka baqa Allaha isaga dartii aad wax isku waydiisataan iyo qaraabada Ilaahay wuxuu ahaaday mid idin arka oo og waxa aad laabihiina ku qarinaysaan} [Annisaa:1], {kuwa ilaahay iyo Rasuulkiisa rumeeyow Ilaahay uga cabsada sida ugu wanaagsan ee xaqa uu u leeyahay in looga cabsado, hana soo dhimanina inaad muslimiin tihiin mooye} [Aala cimran:102], {kuwa Ilaahay iyo Rasuulkiisa rumeeyow Ilaahay ka cabsada oo hadal toosana dhaha (70) wuu idiin hagaajin camalkiina dambigiinana idiin dhaafi qofka Ilaahay iyo Rasuulkiisa addeeca ee u hoggaan sanaada dhab ahaan guul wayn buu ku guulaystay} [ Al axsaab:70-71].
Ibn Maajah
Cabdullaahi bn Mascuud-Allaha ka raali ahaade inuu Nabigu scw baray khudbatul-xaajada, waana khudbada lagu furo hadalka khudbadaha, iyo ka hor khudbad walba oo ay dan leeyihiin, iyo khud badaha kalaba sida nikaaxa, khudbada jumcada, iyo kuwa kaleba. khudbadani waxay koobaysaa umuuro waawayn, oo ay ka mid tahay in Ilaahay xaq u leeyahay noocyada xamdiga oo dhan, iyo gargaarka oo Isaga keligii la waydiisto loona shariig yeelin, iyo Isagoo la waydiisto asturka dambiyada iyo dhaafi taankoodaba, iyo Isagoo sharka laga hoos galo, sharka nafta iyo shar oo dhan. Nabigu scw ka dib wuxuu sheegay inuu hanuunku Ilaahay gacantiisa kujiro, qofka uu hanuuniyana cid lumin kartaa aanay jirin, midka uu lumiyana cid hanuun siin kartaa aanu helayn. Ka dib wuxuu sheegay ashahaadada tawxiidka oo ah inaanu jirin mid xaq lagu caabudo oo aan Allaha ahayn, iyo qiritaanka Nabinimada Nabi Maxamad iyo inuu yahay adoonka Ilaahay iyo Rasuulkiisa. wuxuuna ku khatimay khudba aayadahan saddexda ah, kuwaasoo ka kooban Ilaah ka cabsi, iyo fulinta amarada Ilaahay, iyo kafogaan shaha waxa uu reebay, iyadoo Ilaahay wajigiisa lagu doonayo, cida wanaagaa samaysana waxaa abaal marin looga dhigayaa camalkiisa, hadalkiisa, oo wanaagsanaada, iyo dambigiisa oo loo dhaafo, nolol wanaagsan oo aduunka ah iyo inuu helo liibaan wayn oo jano ah maalinta qiyaamaha.
