Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Anas Allaha ka raali ahaade uu yidhi: waxaan idiin sheegin xadiis aan ka maqlay Rasuulka Ilaahay naxariis iyo nabadi korkiisa ha ahaate xadiiskaasoo qof aan aniga ahayn uusan idiin sheegayn: waxaan ka maqlay Rasuulka isagoo leh: qiyaamaha calaamadihiisa waxaa ka mid ah: in cilmiga la waayo oo jahligu bato oo sinadu badato oo khamriga cabidiisu badato oo ragu yaraado, dumarkuna bataan, ilaa kontonkii dumar ahba hal nin ku soo tooso.
Al-Bukhari and Muslim
Nabigu naxariis iyo nabadi korkiisa ha ahaate wuxuu caddeeyey in calaamadaha qiyaamaha dhawaadkeeda ay ka mida tahay in la waayo cilmiga shareecada, oo culumadu dhammaato. Taas waxaa ka imaanaaya inuu faafo oo bato jahligu oo sinada iyo faaxishadu faafto oo khamrada cabideedu badato oo tirada ragu yaraato oo tirada dumarku yaraato, ilaa kontonkii dumar ahba uu ku soo tooso hal nin, kaasoo danahooda iyo maslaxadooda ka shaqaynaya.
Abii Hurayra-Allaha ka raali ahaadee- Nabiga- naxariis iyo nabadi korkiisa ha ahaatee- wuxuu ka wariyey inuu yiri: "Saacada qiyaame dhicimayso ilaa ninku soo maro nin qabrigi oo uu yiraahdo: hoogaye maan booskiisa ku jiro.
Al-Bukhari and Muslim
Nabigu-naxariis iyo nabadi korkiisa ha ahaatee- wuxuu ka sheegay in saacada qiyaame aysan dhacayn, ilaa uu ninku soo maro qabri oo uu jeclaado inuu isagu noqdo midka qabriga ku jira, sababtuna waa cabsida uu ka qabo inuu diintiisa seego, oo baadilka iyo dadkiisu ka tan badiyaan, waayo waxaa muuqday oo xoog leh fitanta, macaasida iyo munkarka.
Abuu Hurayra Allaha ka raali ahaadee wuxuu Rasuulka Ilaahay naxariis iyo nabadi korkiisa ha ahaate ka wariyey inuu yidhi: qiyaamuhu dhicimaayo ilaa aad yahuuda la dirirtaan oo dhagaxa yahuuda ka danbeeyaa yiraaho: muslimow yahuudi ayaa iga danbeeya ee dil.
Al-Bukhari and Muslim
Nabigu naxariis iyo nabadi korkiisa ha ahaate wuxuu sheegay in qiyaamuhu uusan dhacayn ilaa ay diriraan muslimiinta iyo yahuuddu. hadii yuhuudigu cararo oo damco inuu dhagaxa gadaashiisa muslimiinta kaga dhuunto, Ilaahay wuxuu ka hadalsiin dhagaxii wuxuuna u dhawaaqin muslimka wuxuuna u sheegin in yuhuudiga ka danbeeya uu dilo.
Abii hurayra-Allaha ka raali ahaadee- wuxuu yiri: Rasuulka Ilaahay naxariis iyo nabadi korkiisa ha ahaatee ayaa yiri: "Saacada qiyaame dhicimayso ilaa waqtigu isku soo dhawaado, oo sanadku bil le'ekaado, bishuna jimce le`ekaato, jimcaduna maalin le'ekaato, maalintu saacad le'ekaato, saacaduna inta laan timireed gubanayso le'ekaato."
Ahmad
Nabigu -naxariis iyo nabadi korkiisa ha ahaatee- wuxuu sheegay inay calaamadaha saacada qiyaamaha ka mid tahay waqtiga oo isku soo dhawaada. Sanadka ku dhaafin inta Bishu kugu dhaafto oo kale. Bishuna ku dhaafto inta Usbuucu kugu dhaafo oo kale, jumcaduna ku dhaafin inta maalintu ku dhaafto kale, maalintuna ku dhaafin inta saacadu ku dhaafto, Saacaduna waxay kuu dhaafin si deg-dega, oo lamida inta laan timireed ay ku guban karto oo kale.
Cabdullahi Binu Camar Allaha ka ralli ahaado isagiyo aabbihiiye waxaa laga wariywy inuu yidhi: Nabigu naxariis iyo nabadi korkiisa ha ahaate wuxuu yiri: xawdkaygu wuxuu le`eg yahay bil socodkeed, biyihiisu way ka cad yihiin caanaha, caraftiisuna way ka udug badan tahay miskiga, weelashiisuna waa sida xidigaha samada, qofka ku cabba waligii ma haraadayo.
Al-Bukhari and Muslim
Nabigu naxariis iyo nabadi korkiisa ha ahaate wuxuu sheegay inuu maalinta qiyaame leeyahay xawd, dhererkiisu yahay in loo socdo bil, ballaciisuna intaasoo kale. Biyihiisuna ka cadaan badan yihiin caanaha. Caraftiisuna udgoon tahay kana carfoon tahay carafta miskiga. Kirliyadiisuna sida xidigaha samada oo kale u badan yihiin. Qofka kaga cabba kirliyadaa xowdka waligii ma haraadayo.
Asma Bintu Abiibakar Allaha ka raali ahaado iyada iyo aabeheede waxaa laga wariyey inay tiri: Nabigu scw wuxuu yiri: Xawdka anigo jooga oo eegaya cid idinka mida ee ii soo arooraysa, ayaa dad la iga celin doonaa, waxaanan ku oran: Rabiyow anigay iga mid yihiin oo ummadayday ka mid yihiin, waxaa la igu oran: ma og tahay waxay sameeyeen gadaashaa, walaahi kama ay raagin inay dib ugu noqdeen gadaashooda oo diintii ka tageen.
Al-Bukhari and Muslim
Nabigu naxariis iyo nabadi korkiisa ha ahaate wuxuu cadeeyey inuu maalinta qiyaamaha uu joogidoono xawdkiisa isagoo eegaya cidda ummaddiisa ah ee ku soo arooraysa xawdka. Dad ayaa laga kaxaysan Nabiga scw agtiisa wuxuuna orandoonaa Nabigu: Rabiyow, anigay iga mid yihiin oo ummaddayday ka mid yihiin. Waxaa lagu dhihin: ma og tahay waxay sameeyeen markaad ka tagtay, walaahi kama ay suulin inay dib ugu laabteen gadaashooda oo ay ka noqdaan diintoodii, kaa mid maaha, ummaddaadana ka mid maaha.
Abii Dar Allaha ka raali noqde waxaa laga wariyey inuu yiri: Waxaan iri: Rasuulka Alloow, waa maxay weelasha xawdku ? wuxuu yiri: ( waxaan ku dhaartay kan nafta Maxamad gacantiisa ku jirtee, weelashiisu way ka badan yihiin xidigaha cirka iyo meerayaasha, hooy habeenka mugdiga ah ee cirka wax ku daboolani aysan jirin, weelasha janada qofka ku cabba waligii ma haraadayo, waana haraadkii ugu dambeeyey, waxaa ku guuxa iyo ku soo hoobadka biyaha xowdka soo maraan laba majaroor oo janada ku soo shubmaan, qofka ka cabba ma haraado, balaciisu waa inta dhererkiisu le'eg yahay, oo ah masaafada u dhaxaysa Cammaan iyo Ayla biyihiisu ka caddaan badan caanaha, kana macaan badan malabka.
Muslim
Nabigu naxariis iyo nabadi korkiisa ha ahaate wuxuu ku dhaartay inay weelasha xawdkiisu maalinta qiyaamaha ka tiro badan yihiin xidigaha iyo meerayaasha samada. Arinkaasina wuxuu muuqanayaa habeenka gudcurka ee dayax uusan jirin; waayo habeenka dayaxu jiro xidiguhu aad uma muuqanayaan iyadoo iftiinka dayaxu qarinayo, waa habeenka aanay daruuro jirin, waayo daruuruhu waxay qarinayaan aragtida xidigaha. Weelasha janada, qofka ku caba cabitaanka ku jira ma haraadayo waligi, wuxuuna ahaanayaa haraadkaa uu u cabay haraadkii ugu dambeeye ee uu haraado. Xawdka Nabiga waxaa ku soo shubmaya labo majaroor oo janada ka imaanaya, xawdkaas balaciisa iyo dhererkiisu waa isku mid. Xowdka way is le'eg yihiin cirifyadiisu, dhererkiisa iyo balaadhkiisu waa inta u dhexeysa Cammaan oo ah tuulo ku taal Balqa'a kana tursan Shaam, ilaa Ayla oo ah magaalo caan ah oo ku taalo Shaam geesteeda. Biyaha xowdku way ka cad yihiin caanaha, wayna ka macaan yihiin dhadhanka malabka.
Abuu Hureyra Allaha ka raali ahaade wuxuu ka wariyey Rasuulka Ilaahay naxariis iyo nabadi korkiisa ha ahaate inuu yiri: Dabkiinu waa hal qayb oo ka mida todobaatan qaybood oo naarta jahanama ah, waxaa lagu yiri Ruulka Ilaahayow, dabkaan ayaa ku filaan lahaa. wuxuu yiri: waxay ka sii badan tahay sagaal iyo lixdan qaybood oo dhammaantood kulaylkeeda oo kale wada leh.
Al-Bukhari and Muslim
Nabiga naxariis iyo nabadi korkiisa ha ahaate wuxuu sheegay dabka aan shidano inuu yahay qayb ka mida toddobaatan qaybood oo naarta jahannama ah. Naarta aakhiro kulaylkeedu wuxuu ka badan yahay dabka adduunka sagaal iyo lixdan jeer, oo qayb kastana u dhiganto kulaylka dabka aduunka. Waxaa lagu yiri: Rasuulka Ilaahayow, naarta aduunka ayaa ugu filan cadaab cidii galaysa. Wuxuu yiri: naarta jahanama waa laga siyaadiyey kuleylka dabka aduunka sagaal iyo lixdan jeer oo dhammaantoo kuleykoodu iyadoo kale yahay.
Siyaad Binu Labiid Allaha ka ralli ahaadewaxaa laga wariyey inuu yiri: Nabiga scw wax buu sheegay, markaasuu yiri: kaasi waa marka cilmigu sii tagayo, waxaan iri: Rasuulka Alloow, sidee buu cilmigu u tagayaa, anagoo akhriyeyna Qur'aanka ubadkayagana aan barayno, ubadkayaguna ubadkooda sii barayaan ilaa qiyaamaha?, wuxuu yiri-Rasuulku-:(hooyadaa ku wayday siyaad, waxaan kuu malaynaayey ninka ugu fiqiga badan Madiina, kuwani miyanay ahayn Yahuud iyo Nasaaro oo Tawraat iyo Injiil akhriyaya, haddana aanay ku camal falayn waxa ku qoran.
Ibn Maajah
Nabigu scw wuxuu dhex fadhiyey asxaabtiisaa, wuxuuna yiri waqtigaasi waa waqtiga dadka laga siibayo cilmiga, Siyaad Binu Labiid Alansaari Allaha ka raali ahaade wuu la yaabay Nabiga scw wuuna waydiiyey, Wuxuuna yiri: sidee baa cilmiga loo waayin oo nooga lumin?! anagoo akhrinayna oo xifdinay, wallaahi waanu akhriyeynaa, waana baraynaa haweenkayaga iyo caruurtayada, iyo caruurta caruurtayada, Nabiga scw wuxuu yiri: isago la yaaban Siyaad hooyadaa ku waydey waxaan kuu haystay inaad ku jirto culimada reer Madiina! Ka dib Nabigu scw wuxuu u caddeeyey Siyaad in cilmiga waayidiisu uusan ahayn Qur'aanka oo la waayo, laakiin ay tahay ku camal falkiisa oo la waayo, Waa kuwaas Tawraat iyo Injiil oo ay haystaan Yahuud iyo Nasaaro, haddana wax kuma tarin kamana ay faa'iidaysan ujeedadii labadaa kitaab laga lahaa,! kaasoo ahaa inay ku camal falaan waxay barteen.
