Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Yii a Abɩɩ Hʋrayrat nengẽ, -Wẽnd yard be a yĩnga-, a yeelame: Neb sẽn yi Nabiyaamã sahaabsẽ, -Wẽnd pʋʋsg la A tɩlgr be a yĩnga-, n sok Nabiyaamã : tõnd mi n tagsda d mensẽ wã, bũmb ning sẽn yaa bedre, tõnd ned baa a ye ka tõe n gom ne a noorẽ ye, tɩ Nabiyaamã yeele : « yãmb paama yel-kãngã y sũy wã ? » tɩ b yeele: « n-yee » la Nabiyaamã yeele : «ad yaa yẽ meng la sɩd-kũunã vẽenega».
Muslim
Zama n wa, sẽn yi Nabiyaamã sahaabsẽ wã, -Wẽnd pʋʋsg la A tɩlgr be a yĩnga-, n sok-a, bũmb ning sẽn mi n paamd bãmb tagsgo, sẽn yaa yεl bεda, sẽn yɩɩd noor goama, a wẽnga la bãmb meng sẽn ka rat-a wã keelem, tɩ Nabiyaamã -Wẽnd pʋʋsg la A tɩlgr be a yĩnga- yεεl-ba, ad yãmb sẽn paamd bũmb ning y sũy wã, yaa yẽ meng la liimaoongã meng vẽenega, yãmb sẽn tusd n na n yiis sʋɩtãanã sẽn lobd bũmb ning yãmb sũy wã, la yãmb kɩɩsd rẽnda, n ka rat n na n gom-a ne y noy wã, la ad a sʋɩtãana, a ka paam yãmb sũy wã n ta ye, rẽnd yõsga ne ned ning a sʋɩtãan sẽn paam n kẽ b rãmb sũy wã, t’a ka paam liimaoong n na n tus-a wã, bãmb ka get tɩ woto yaa yel bedr ye.
Yii a ɭbn Abaas nengẽ, -Wẽnd yard be b yiibã yĩnga-, a yeelame: Raoa n wa Nabiyaamã nengẽ, -Wẽnd pʋʋsg la A tɩlgr be a yĩnga-, n yeele, Wẽnd Tẽn-tʋʋma, ad tõnd yembr fãa mi n paama a sũurẽ wã, bũmb ninga sẽn wat a sũurẽ wã a sã n na n yɩ tom-pegl tʋʋlga, yẽ n sõmb ne yẽnda, ne a sẽn na n gom yel-kãngã, tɩ (Nabiyaam) yeele " Allaahʋ akbar, Allaahʋ akbar, Pẽgr be ne Wẽnde, sẽn kɩta a rabrã tɩ legb yuus-yuusã».
Abu Dawood
Raoa n wa Nabiyaamã nengẽ, -Wẽnd pʋʋsg la A tɩlgr be a yĩnga-, n yeele, Wẽnd Tẽn-tʋʋma, ad tõnd yembr fãa mi n paama a sũurẽ wã, bũmb ninga sẽn wat a sũurẽ wã, la yellã goam a yaa bedre, halɩ n tʋg n tãag t’a sã n na n yɩ tom-pegl tʋʋlga, yẽ n sõmb ne yẽnda, ne a sẽn na n gom yel-kãngã. Tɩ Nabiyaamã, -Wẽnd pʋʋsg la A tɩlgr be a yĩnga-, maan takbiir noor a yiibu, n pẽg Wẽnde, A sẽn rɩk a sʋɩɩtãan rabsgã n tʋg n ning yuusg tεk bala.
Yii a Abɩɩ Hurayra nengẽ, -Wẽnd yard be a yĩnga-, a yeelame, tɩ Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, yeelame: «Sʋɩɩtãanã wata yãmb yembr fãa nengẽ, n yεεl-a « ãnda n naan wãnde ? Ãnda n naan wãnde ? » Halɩ n wa yeele: « la ãnd n naan fo Soaba ? » Rẽnd a sã n wa ta woto, bɩ a kos gũudum n yi a sʋɩɩtãana la a base ».
Al-Bukhari and Muslim
Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, kõta kibare, tɩp-tɩɩm sẽn kẽed ne sogsg nins a sʋɩɩtãan sẽn yuusd-b sɩd-kõt sũurẽ wã, Rẽnd a sʋɩɩtãan yetame : «ãnd n naan woto? Ãnda n naan wãnde ? Ãnda n naan saagã ? Ãnda n naan tẽngã ? Tɩ muunim loekd-a ne a dĩinã la a Fɩtrã (rog-ne) wã la a yamã, n yet-a: «yaa Wẽnde», La a sʋɩtãan ka yalsd zĩ-kãngã tεk toaaga a yuusgẽ wã, ad a na n toeemame n kẽng n tɩ yeele: «ãnd n naan fo Soaba?» Rẽnd wakat-kãngã, lɩslaam tusda yuus-yuus-kãngã n yi a sũurẽ wã ne yεl a tãabo: Yaa kõ sɩd ne Wẽnde. La kos Wẽnd gũudum n yi a sʋɩɩtãana. La yõk a meng n bas yuus-yuusã.
Yii a Anas nengẽ, -Wẽnd yard be a yĩnga-, a yeelame: Wẽnd Tẽn-tʋʋm, -Wẽnd pʋʋsg la A tɩlgr be a yĩnga- yeelame: «Ad Wẽnd ka wẽgd muunim baa yel-sõmd a yembr ye, A kõt-a-la dũni wã neemã sẽn tũ ne yel-sõmdã la A leb n rol-a rol sõngo laahr raare, la sã n yaa kɩfre, b rɩlgd-a-la dũni wã yẽ sẽn maan tʋʋm sõmbsã Wẽnd yĩngã, la a sã n wa tʋg n ta laahr raare, a ka na n tall baa yel-sõmd tɩ b na n rol-a ye».
Muslim
Nabiyaamã vẽnegame, -Wẽnd pʋʋsg la A tɩlgr be a yĩnga-, Wẽnd kũunã sẽn yaa bedre sɩd-kõtbã zugu la A sẽn leb n tẽeg tɩrga ne kɩfr-rãmbã. La sã n yaa muumini, A ka boogd a tʋʋm sõng a sẽn tʋmã yel-sõmd baa fʋɩ ye, A pʋs n kõt-a-la dũni wã kaanẽ, sẽn tũ ne tʋʋm sõngã, a tũudmã yĩnga, la A leb n lagem ne-a fãa n bĩng a yĩnga laahr raarã tɩ yaa keoore, wala A sẽn tõe me n kell n bĩng rolbã fãa gill tɩ yɩ laahre. La sã n yaa kɩfre, Wẽnd kõt-a-la a sẽn tʋm tʋʋm sõms nins dũni kaanẽ, la a sã n wa tʋg n ta yaoolem raarã, a ka tar baa yel-sõmd b sẽn na n rol ne-a ye, bala tʋʋm sõng ninga b sẽn tõe n naf ne-a dũni la laahrã, a ka tõe n yɩ rẽndame t’a soabã yɩ sɩd-kõta.
Yii a Abdʋllaah ɭbn Mas’ʋʋd nengẽ, -Wẽnd yarde be a yĩnga-: Wẽnd Tẽn-tʋʋma, -Wẽnd Tẽn-tʋʋma, Wẽnd pʋʋsg la A tɩlgr be a yĩnga-, yẽsa tõndo, yẽnda me la sɩd soaba b sẽn kõt a soab goɑm sɩdã, a yeelɑme: «ad yãmb yembr fãa, b tigimda a naanegã, a ma wã pʋgẽ rasem pis-naas la yʋnd pis-naase, t'a yaa zɩ-pelle, rẽ poorẽ a yɩta nem gilgu woto buudo, rẽ poorẽ t'a yɩ nem gilgu woto buud yεsa, rẽ poorẽ tɩ b tʋms malεk a nengẽ, n sagl malεkã ne goam a naase: t'a gʋls a rɩtlã, la a vɩɩmã tεka, la a tʋʋmã, la a yaa zu-beed ned maa zu-no neda, rẽ poorẽ tɩ b fʋʋs yõorã a pʋgẽ, la yãmb yembr fãa tõe n wa maan arzãn koamb tʋʋma, halɩ tɩ yẽ ne arzãnã sʋka, bũmb ka be beenẽ rẽnda kãntɩɩg bala, la pʋleng rag n renga taoore, tɩ yẽnda na n yɩɩ Bugum biiga, t’a maan Bugmã koam tʋʋmã n tʋg n kẽ Bugma, la yãmb yembr fãa tõe n wa maana Bugum koamb tʋʋma, halɩ tɩ yẽ ne Bugmã sʋka, bũmb ka be beenẽ rẽnda kãntɩɩg bala, la pʋleng rag n renga taoore, tɩ yẽnda na n yɩɩ arzãn biiga, t’a maan arzãnã koam tʋʋmã n tʋg n kẽ arzãnã».
Al-Bukhari and Muslim
A ɭbn Mas’ʋʋd yeelame, Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, yẽsa tõndo, yẽ me la sɩd soaba a gomd pʋgẽ, la b sẽn kõt-a sɩda, bala Wẽnd meng n sɩdg-a, A yeelame tɩ yãmb ned a yembr fãa, woto yaa tɩ raoa sã n rat n kẽ ne a zak soaba, a mani ning sẽn sẽeg n kẽ, b tigimd-a lame, pagã pʋgẽ, rasem pis-naase, t’a yaa mani, Rẽ poorẽ t’a lebg zɩ-pelle, yẽ me la zɩ-taoko, rẽ me yaa rasem pis-naas a yiib soaba, Rẽ poorẽ t’a lebg nem gilgu, yẽ me la nomd ning sẽn tigim taaba, t’a sek b na n maan sag-võre, la yãwã yaa rasem pis-naas a tãab soaba, Rẽ poorẽ, tɩ Wẽnd tʋms malεka t’a tʋg n fʋʋs vɩɩmã n ning yõorã, rasem pis-naas a tãab soabã sεεbẽ, La b sagenda malεkã t’a gʋls gom-biis a naase : a rɩtlã, a sẽn na n paam neemã yaa bõe, a vɩɩmã gilli, La a lagεlã (yʋʋmã): rẽ me la vɩɩmã woglem dũni pʋgẽ, La a tʋʋmã sẽn na n yɩ a soaba, a yaa zu-be-neda maa a yaa zu-noog soaba Rẽ poorẽ, Nabiyaamã, -Wẽnd pʋʋsg la A tɩlgr be a yĩnga- wẽename tɩ ad ned tõe n wa maan arzãn koamb tʋʋma, tɩ tʋʋmdã yaa sõma, rat n yeel tɩ nebã gesg pʋgẽ, t’a kell n tall woto, halɩ tɩ yẽ ne arzãnã sʋka, bũmb ka be beenẽ rẽnda kãntɩɩga, rat n yeel tɩ bũmb ning sẽn ket tɩ yẽ ta arzãnã, a ka yɩɩd zãrem sẽn be kãntɩɩg pʋg sʋk ye, tɩ pʋlengã wil yẽnda, wakat-kãngã t’a na n maan Bugmã koam tʋʋmã, tɩ yẽndã na n wa baas ne yel-kãngã, n tʋg n kẽ Bugmẽ; bala tʋʋmã reegr sart-rãmbã yaa a tablg a zugu la a ra tedg ye, la a wilg tɩ kõbg a taab n be beenẽ, n na n maan Bugum tʋʋma, halɩ tɩ b wa pẽneg Bugmã sʋka, bũmb ka be beenẽ rẽnda kãntɩɩg bala, la pʋleng rag n renga taoore, tɩ yẽnda na n yɩɩ arzãn biiga, t’a maan arzãnã koam tʋʋmã n tʋg n kẽ arzãnã.
Yii a Anas nengẽ, -Wẽnd yard be a yĩnga-, a yeelame: “ m na n yẽs-y-la neer-neere, gomd mam sẽn wʋm-a Wẽnd Tẽn-tʋʋm nengẽ, -Wẽnd pʋʋsg la A tɩlgr be a yĩnga-, ning zẽng ka be sẽn yẽs yãmb ne yãwã, sã n ka maam ye, m wʋm Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, t’a yetẽ : «Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle».
Al-Bukhari and Muslim
Nabiyaamã, -Wẽnd pʋʋsg la A tɩlgr be a yĩnga-, vẽnegame n wilgdẽ, tɩ sẽn be dũni wã yikr pẽnegr tagmasẽ, yaa b sẽn na n zẽk (yẽes) sari wã minim bãngre, la rẽnda yaa sẽn na n tũ ne bãngdbã kũum, La sẽn tũ ne rẽ masa, yaa zɩɩlmã sẽn na n wʋsg la a sẽege, tɩ yoobã la yel-beedã sẽege, tɩ rãamã yũub wʋsge, tɩ raopã sõor boogdẽ, tɩ pagbã sõor paasdẽ, halɩ tɩ pagb pis-tu, yaa raoa a yembr n na n wa yãs ne b yellã, n na n manes b yεla.
Yii a Abɩɩ Hʋrayra nengẽ, -Wẽnd yard be a yĩnga-, tɩ yii Wẽnd Tẽn-tʋʋma nengẽ, -Wẽnd pʋʋsg la A tɩlgr be a yĩnga-, t’a yeelame: «Dũni ka na n yiki, halɩ tɩ yãmb wa tʋg n zab ne Yahuud-rãmbã, halɩ tɩ kugr ning yahuud sẽn solg a soab poorẽ wã wa yeele: «lɩslaamã! Wa kaanẽ, tɩ woto yaa Yahuudã sẽn be mam poorẽ, wa kʋ-a».
Al-Bukhari and Muslim
Nabiyaamã, -Wẽnd pʋʋsg la A tɩlgr be a yĩnga-, kõo kibare, tɩ dũni ka na n yiki, halɩ tɩ lɩslaambã la Yahuud-rãmba wa zab taaba, Halɩ tɩ Yahuud sã n wa zoe n solg kugr poorẽ, la Wẽnd sẽn kɩt tɩ kugrã gome, n bool lɩslaama, n wilg-a tɩ Yahuuda n be yẽ poorẽ wã, la a wa kʋ-a.
Yii a Abdʋllaah ɭbn Amr nengẽ, -Wẽnd yard be a yĩnga-, a yeelame: Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: «Mam bãkã Wẽnd sẽn waoog maam ne-a wã laahr raarã, a woglemã yaa kiuug kẽnd tεka, a koomã peelem yɩɩda bĩisim, t’a yũugã noom yɩɩd misk parfẽ, la a ko-teesã sõorã yaa wala saagã ãdse, ned ning sẽn wa n paam bũmb n yũ beenẽ, ko-yũud kõn n leb n yõk-a ye».
Al-Bukhari and Muslim
Nabiyaamã, -Wẽnd pʋʋsg la A tɩlgr be a yĩnga-, kõta kibare, tɩ yẽ tara bãka dũni tikr raarã, t’a woglemã yaa kiuug kẽnd zĩigẽ, a yalmã me yaa woto, La a leb n wilg t’a peelmã yɩɩda bĩisim, La a yũugã yaa noog n yɩɩd misk parfẽ, La a ko-teesã yaa wala saagã ãds sõore, b waooglem keelem, Ned ning sẽn yũ a ne ko-te-kãensã, a ka na n leb tall ko-yũud lae ye.
Yii a Asmaa Bintu Abɩɩ Bakr nengẽ, -Wẽnd yard be b yiibã yĩnga-, a yeelame: Nabiyaamã -Wẽnd pʋʋsg la A tɩlgr be a yĩnga-, yeelame: «M na n bee bãkẽ wã, n get ned ning sẽn na n wa yũ yãmb pʋgẽ, la b na n gɩdga neb tɩ b ra ta maam ye, tɩ mam yeele : « m Soab a Wẽnde, ad bãmbã yaa mam nebã, b yaa mam poorẽ rãmbã». Tɩ b yeel maam: «rẽ yĩnga fo bãnga bũmb ninga bãmbã sẽn tʋme fo loogr poorẽ» ? M wẽen ne Wẽnde, ad b ka bak n tard n lebd poorẽ ye».
Al-Bukhari and Muslim
Nabiyaamã, -Wẽnd pʋʋsg la A tɩlgr be a yĩnga-, vẽnegdame n vilgdẽ, tɩ dũni wã yikr raare, a na n bee a bãkẽ wã n gũud neb nins sẽn yaa a poorẽ rãmbẽ wã, sẽn na n wa a bãkẽ wã, La b na n yõka neba Nabiyaam taoor bala, tɩ Nabiyaamã yetẽ : «m Soaba A Wẽnde! Ad bãmb bee mam nebã pʋgẽ, ad bãmbã bee mam nebã pʋgẽ», Tɩ b yeel maam: «rẽ yĩnga fo bãnga bũmb ninga bãmbã sẽn tʋme fo loogr poorẽ»? M wẽen ne Wẽnde, ad b ka bak n tard n lebd poorẽ ye, ad bãmbã ka be fo poorẽ rãmbẽ wã ye».
