Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Yii ɑ Abɩɩ Hʋrɑyrɑt nengẽ -Wẽnd yɑrd be ɑ yĩngɑ- ɑ yeelɑme: Nabiyaamã -Wẽnd pʋʋsg la A tɩlgr be a yĩnga- yeelame-: "Bũmb ka be n tar waoor Wẽnd nengẽ, A Naam yɩ wagell n zẽke, n leb n yɩɩd kosg ye".
Ibn Maajah
Nabiyaamã -Wẽnd pʋʋsg la A tɩlgr be a yĩnga- vẽnegame tɩ ad bũmb ka be, tũud-rãmbã pʋgẽ, sõmblem Wẽnd nengẽ n yɩɩd kosg ye, bala kosgã pʋgẽ, reeg-m-zug n be a pʋgẽ ne Wẽnd sek-m-mengã, A Naam yɩlgame n zẽke, la f leb n reeg f zugẽ tɩ yamb yaa koangda, a leb n tara tʋlsem ne Wẽnde.
Yii ɑ Abɩɩ Addardaa' nengẽ -Wẽnd yɑrd be ɑ yĩngɑ- yii Nabiyaamã nengẽ- Wẽnd pʋʋsg la A tɩlgr be a yĩnga- a yeelame-: "Ned sã n zab n sõng a ma-bi taag burkĩnd lillgri, Wẽnd na n tusa a nengã n yi Bigmã yikr raarã".
At-Tirmidhi
Nabiyaamã -Wẽnd pʋʋsg la A tɩlgr be a yĩnga- kõta kibare tɩ ned ning sẽn wa n tʋg n sõng n zab a ma-bi taag burkĩnd kõn n kãsg yĩnga, a sẽn wat n ka be, n gɩdg tɩ b ra sãbs-a la b gom wẽng a zugu, Wẽnd na n tusa nangã n yi yãwã soaba alkiyaoom raarã.
Yii a Abuu Muusɑ Al-as'ɑri nengẽ -Wẽnd yard be a yĩnga- a yeelame: Wẽnd Tẽn-tʋʋma -Wẽnd pʋʋsg la A tɩlgr be a yĩnga- yeelame: «yamb sã n bẽ maa a toga sore; b gʋlsdame n kõ-a a sẽn da tʋmdã t'a ra tar laafɩ n be yirã».
Al-Bukhari
Nɑbiyɑɑmã-Wẽnd pʋʋsg lɑ A tɩlgr be ɑ yĩngɑ- kõtɑ kibɑre sẽn kẽed Wẽnd yɩɩdlmã lɑ A yolsgã, tɩ lɩslɑɑm sã n minim n tʋmd tʋʋm sõngo ɑ lɑɑfɩ wã wɑkɑt maɑ ɑ sẽn be yir wɑkɑto, tɩ pɑdeng wɑ pɑɑm-ɑ, t'ɑ bẽ n pɑ tõe n le mɑɑn-ɑ ye, mɑa ɑ mɑɑnɑ soagl ne so-toakɑ n bɑs-ɑ, mɑɑ sẽn yɑɑ pɑdeng ning fãɑ; rẽnd b gʋlsdɑ ɑ keoorã poεεm n kõ-ɑ, tɩ yɑɑ wɑlɑ ɑ tʋm-ɑ-lɑ ɑ sẽn wɑ n tɑr lɑɑfɩ wã n be yirã.
Yii a Tamiim Addaary nengẽ -Wẽnd yard be a yĩnga- tɩ Nabiyaamã -Wẽnd pʋʋsg la A tɩlgr be a yĩnga- yeelame: «Dĩinɑ yɑɑ mɑɑn pʋ-peelem» tɩ tõnd yeele: ne ãndɑ? T'ɑ yeele: «ne Wẽnd lɑ A Gɑfã lɑ A Tẽn-tʋʋmã lɑ lɩslɑɑmbã tɑoor rãmbɑ lɑ b zãngã».
Muslim
Nɑbiyɑɑmɑ kõo kibɑre tɩ dĩinã yãsɑ pʋ-peelem zugu lɑ sɩdɑ, sẽn nɑ yɩl n mɑɑn-ɑ wɑlɑ Wẽnd sẽn sɑglã, t'ɑ yɑɑ sẽn pidi n kɑ booge zãmb kɑ be ɑ pʋgẽ. Tɩ b yeel Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ-: yɑɑ ãnd lɑ pʋ-peelemã mɑɑn ne? T'ɑ yeele: Rẽenem: yɑɑ mɑɑn pʋ-peelem ne Wẽnde A nɑɑm yɩ wɑgelle n zẽke: ne tʋʋmɑ yɩlgre Wẽnd A yembr yĩngɑ, lɑ ɑ rɑ mɑɑn lɑgm-n-tɑɑr ne-A ye, lɑ d kõ sɩd ne A Wẽndlmã lɑ A Sobendã, lɑ A Yʋyã, lɑ A Sɩf-rãmbã, lɑ A yellã zɩsgre, lɑ bool n tʋg kõ-sɩd ne-A. Yiibu: yɑɑ mɑɑn pʋ-peelem ne A Gɑfã yẽ me lɑ Alkʋrãɑn wɑgellã: ne d sẽn loe n wãɑg t'ɑ yaɑ A goɑma, lɑ A gɑf-rãmbɑ bɑɑsdgɑ, lɑ ɑ yẽesɑ sãri-rãmbã sẽn deng-ɑ tɑoorã, lɑ d zɩsg-ɑ lɑ d kɑrem-ɑ kɑreng sɩd-sɩdɑ, lɑ d tʋm ne ɑ bʋʋdã, lɑ d sɑk n pʋg ɑ mɑɑnɑ-gẽdmã, lɑ d zɑb ne kedgdbã wels yoodã ɑ pʋgẽ wã, lɑ d pɑɑm yɑm ne sɑglsã, lɑ ɑ bãngrã sẽegre, lɑ bool n tʋg-ɑ. Tãɑbo: yɑɑ pʋ-peelem mɑɑnego ne A Tẽn-tʋʋmã ɑ Mʋhɑmmɑd -Wẽnd pʋʋsg lɑ A tɩlgr be yĩngɑ-: ne d sẽn nɑ n loe n wãɑg t'ɑ yɑɑ tẽn-tʋʋmbã bɑɑsdgɑ, lɑ d sɩdg-ɑ ɑ sẽn wɑ ne bũmb ningã, lɑ d sɑk ɑ sɑgellã, lɑ d zãɑg ɑ sẽn gɩdgã, lɑ d rɑ tũ Wẽnde rẽndɑ ne bũmb ning ɑ sẽn wɑ ne wã, lɑ d zɩsg ɑ hɑkε wã, lɑ d wɑoog-ɑ, lɑ d sẽeg ɑ Boollã lɑ ɑ sãri wã, lɑ d tus rõdbã n yi-ɑ. Nɑɑse: yɑɑ pʋ-peelem mɑɑnego ne lɩslɑɑmbã zut rãmbɑ: ne b sẽn nɑ n sõng-bɑ, lɑ b rɑ mɑɑn-b tɑk-n-tɑɑr yellã pʋg ye, lɑ d wʋm lɑ d tũ tɩ sã n yɑɑ yell sẽn yɑrd Wẽnde. Nu: yɑɑ lɩslɑɑmbã mɑɑn pʋ-peelem: ne maɑn neer n tʋg-bɑ lɑ bool-bɑ n tʋg dĩinã, lɑ yõk nɑng n bɑs-bɑ, lɑ sõmɑ nonglem ne-bɑ, lɑ tʋm ne-bɑ mɑnegr pʋgẽ lɑ Wẽnd zoeere.
Yii a Aɩsa nengẽ, -Wẽnd yard be a yĩnga- a yeelame: m wʋma Wẽnd Tẽn-tʋʋmã -Wẽnd pʋʋsg la A tɩlgr be a yĩnga- t'a yet mam ro-kãngã pʋgẽ: "m Soabã, ned ning sẽn wa n lʋɩ mam poorẽ rãmbã yell taoore, n weoog-ba bɩ F weoog a zugu, la ned ning sẽn wa n lʋɩ mam poorẽ rãmbã yell taoore, n zoe b nimbaanegã, bɩ F zoe a nimbaanega".
Muslim
Wẽnd Tẽn-tʋʋmã -Wẽnd pʋʋsg la A tɩlgr be a yĩnga- kosame tɩ ned fãa sẽn wa n lʋɩ lɩslaambã yell taoore, yaa bedr tɩ yaa bilfu, zem tɩ yaa taoor sẽn gũbgi maa yaa bogr sẽn welg neb zalle, t'a kẽes nebã nango, n ka zoe b nimbaanega, bɩ Naab A Wẽnd yao-a a tʋʋmdã bilgri, n weoog a yellã. La ned ning sẽn wa n maan bʋg-bʋg ne nebã, n yols b yεlã, bɩ Wẽnd me maan bʋg-bʋg ne-a la A yols a yεla.
Yii a Ma'akal ɭbn Mazny nengẽ -Wẽnd yard be a yĩnga- a yeelame: m wʋma Wẽnd Tẽn-tʋʋmã -Wẽnd pʋʋsg la A tɩlgr be a yĩnga- t'a yetẽ: "Ned ka be Wẽnd sẽn na n kõ-a bũmb taoore, t'a wa tʋg n ki raar ning a sẽn kiidã, t'a yaa sẽn zambd a sẽn gũud bũmb ningã, rẽndame tɩ Wẽnd haram-a arzãnã a zugu".
Al-Bukhari and Muslim
Nabiyaamã -Wẽnd pʋʋsg la A tɩlgr be a yĩnga- kõta kibare, tɩ ned fãa Wẽnd sẽn maan t'a yaa nebã taoor soaba, zem tɩ yaa naam sẽn gũbgi wala nebã naaba, maa yaa soolem sẽn welge, wala zak soaba, la paga a zakẽ, t'a maan n koeeg a sẽn sõmb n ges b rãmb yellã, n maand-b zambo, n ka maand-b pʋ-peelem, n zεεm b hakε-rãmbã, zem tɩ yaa dĩinã maa yaa dũni wεεngẽ, rẽ yẽnda soab sõmba ne sɩbg-kãngã sẽn yaa wẽnga.
Yii a Anas ɭbn Maalik nengẽ, -Wẽnd yard be a yĩnga-, a yeelame: Raar a yembre tõnd sẽn wa n zĩ Nabiyaamã nengẽ, (Wẽnd pʋʋsg la A tɩlgr be a yĩnga), miisrã pʋgẽ, la ned sẽn kẽ ne a yʋgemde, n gãneg a yʋgemdã miisrã pʋga, rẽ poorẽr t’a loe-a, n yaool n yeel bãmbã: yaa ãna la a Mohammad yãmb sʋka, tɩ Nabiyaamã, (Wẽnd pʋʋsg la A tɩlgr be a yĩnga) yaa sẽn kɩll bãmb sʋka, tɩ tõnd yeele: “ Yaa rao-kãngã sẽn yaa pεεlgã, sẽn kɩllã” la raoa yeele: “ a Abdʋl Mutalib biigã?” Tɩ Nabiyaamã, (Wẽnd pʋʋsg la A tɩlgr be a yĩnga), yeele: “m sak-f lame” tɩ raoa yeel Nabiyaamã, (Wẽnd pʋʋsg la A tɩlgr be a yĩnga), : “m na n soka foom la m na n kenga m meng n sok-fo, bɩ f ra sãam f sũur ne maam ye, tɩ Nabiyaamã yeel-a: “sok bũmb ning f sẽn rate” la a yeele: “ m kota foom f Soabã yĩnga, la sẽn reng-b foom Soabã yĩnga, yaa Wẽnd n tʋms foom nebã fãa gill nengẽ?” Tɩ Nabiyaamã yeele: “m Soab a Wẽnde, n-yee” la a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd pʋʋs Wakat a nu wã, raar pʋgẽ la wĩndga?” T’a yeele: “ m Soab a Wẽnde, n-yee” t’a yeele: “ m yõkd-f-la sεεg ne Wẽnde, yaa Wẽnd n sagl foom tɩ tõnd loe noor kiu-kãngã yʋʋmdã pʋgẽ?” T’a yeele: “ m Soab a Wẽnde, n-yee”, t’a yeele: “ m yõkd-f-la sεεg ne Wẽnd, yaa Wẽnd n sagl foom tɩ d reeg sarã wã tõnd rakãagbã nengẽ, n pʋɩ-a talsã?” Tɩ Nabiyaamã, (Wẽnd pʋʋsg la A tɩlgr be a yĩnga) yeele: “m Soab a Wẽnde, n-yee” tɩ raoa yeele: “ m kõo sɩd ne bũmb ning fo sẽn wa ne wã, la ma me yaa tẽn-tʋmda, n na n taas neb nins sẽn be mam poorẽ sẽn yaa mam nebã la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda.
Al-Bukhari
A Anas ɭbn Maalik kõta kibare, -Wẽnd yard be a yĩnga-, tɩ ad Sahaabsã, sẽn wa n zĩ raar a yembr Nabiyaamã nengẽ, (Wẽnd pʋʋsg la A tɩlgr be a yĩnga), miirẽ wã, la raoa sẽn wa n kẽ n zao yʋgemde, n gãneg yʋgemdã, rẽ poorẽ t’a loe-a, Rẽ poorẽ a sok-b lame: yaa ãna la a Mohammad yãmb sʋka? Tɩ Nabiyaamã, (Wẽnd pʋʋsg la A tɩlgr be a yĩnga), yaa sẽn dag n kɩll nebã sʋka, tɩ tõnd yeele: “ ad yaa rao-kãngã sẽn yaa pεεlgã, sẽn kɩllã wã, Tɩ raoa yeele : "a Abdʋl Muttalib biigã”, Tɩ Nabiyaamã, (Wẽnd pʋʋsg la A tɩlgr be a yĩnga), yeele, "m wʋm-f lame, bɩ f sok tɩ m na leok-fo”. Tɩ raoa yeel Nabiyaamã, (Wẽnd pʋʋsg la A tɩlgr be a yĩnga): “ m na n sok-f lame la m na n kenga f zug sokrã pʋgẽ, bɩ f ra gẽ maam ye, ra sãam f sũur ne maam ye. Rat n na n yeele : «ra gẽ maam ye, la f ra weoog-m ye, Tɩ Nabiyaamã yeele : «sok bũmb ning fo sẽn rate”, la a yeele: “ m kota foom f Soabã yĩnga, la sẽn reng-b foom Soabã yĩnga, yaa Wẽnd n tʋms foom nebã fãa gill nengẽ?” Tɩ Nabiyaamã yeele: “m Soab a Wẽnde, n-yee” tɩ yaa sẽn na keng a sɩdgrã, la raoa yeele: “ m yõkd-f-la sεεg ne Wẽnde, rat n yeele, m bõosd-f Wẽnd yĩnga, yaa Wẽnd n sagl foom tɩ tõnd pʋʋs Wakat a nu wã, raar pʋgẽ la wĩndga?” Yẽ me la Wakat a nu ning sẽn yaa farila, Tɩ Nabiyaamã yeele: “m Soab a Wẽnde, n-yee”, A yeele: “m yõkd-f-la sεεg ne Wẽnde, yaa Wẽnd n sagl foom tɩ tõnd loe noor kiu-kãngã yʋʋmdã pʋgẽ?” rat n yeel tɩ Ramadaa kiuuga, Tɩ Nabiyaamã yeele: “m Soab a Wẽnde, n-yee”, t’a yeele: “ m yõkd-f-la sεεg ne Wẽnde, yaa Wẽnd n sagl foom tɩ d reeg sarã wã tõnd rakãagbã nengẽ, n pʋɩ-a talsã?” Yẽ me la Zakã, Tɩ Nabiyaamã, (Wẽnd pʋʋsg la A tɩlgr be a yĩnga) yeele: “m Soab a Wẽnde, n-yee", T’a Damaam tuubi la a togs Nabiyaamã, (Wẽnd pʋʋsg la A tɩlgr be a yĩnga), tɩ yẽnda na n boola a nebã, n tʋg lɩslaango, rẽ poorẽ t’a togs Nabiyaamã yẽ mengã sẽn yaa a soaba, n yeel tɩ yẽ la a Damaam, ɭbn Sa’alaba, n yaa Banii Sa’ad ɭbn Bakr neda.
Yii a Sadaad ɭbn Aws nengẽ -Wẽnd yard be a yĩnga- a yeelame: Wẽnd Tẽn-tʋʋma -Wẽnd pʋʋsg la A tɩlgr be a yĩnga- yeelame-: «Ad Wẽnd maaname tɩ yaa tɩlae tɩ b maneg n tʋg bũmb fãa gilli، rẽnd yãmb sã n na n kʋ, bɩ y maneg y kʋʋbã, y sã n na n kodge, bɩ y maneg y kodgrã, la ned fãa saas a sʋʋga la ɑ pems a rũn-koaatga».
Muslim
Nɑbiyɑɑmɑ -Wẽnd pʋʋsg lɑ A tɩlgr be ɑ yĩngɑ- kõtɑ kibɑre tɩ Wẽnde -A Nɑɑm zẽkame- A mɑɑnɑme tɩ mɑnegrã yɑɑ tɩlɑe n rog tõnd zug yεlã pʋgẽ, lɑ mɑnegr me yɑɑ: Wẽnd gũusgu wɑkɑt fãɑ, A tũudmã pʋgẽ, lɑ sõmɑ mɑɑnegẽ, lɑ yõk f nɑng n yi bõn-nɑɑndsã, lɑ sẽn be rẽ pʋgẽ yɑɑ mɑnegre kʋʋbẽ wã lɑ kodgrẽ wã. Rẽnd mɑnegrã kʋʋbẽ wã tɩ sã n wɑ yɑɑ dĩinɑ mɑɑn-n-dolgɑ: yɑɑ tũus sor sẽn yɑɑ nɑnɑ n yɩɩdɑ, lɑ sẽn tʋʋl n yɩɩdɑ. Lɑ mɑnegrã kodgrẽ wã: yaɑ b mɑɑn bʋg-bʋg ne rũngã ne b sẽn nɑ n sɑɑs sʋʋgã, lɑ b rɑ sɑɑsd-ɑ rũngã taoor t'ɑ getẽ ye, lɑ b rɑ kodg-ɑ tɩ rũms ɑ tɑɑb be beenẽ n getẽ ye.
Yii a Zayd ɭbn Haalid ɭbn Algʋhany nengẽ, Wẽnd yard be a yĩnga, a yeelame: Wẽnd Tẽn-tʋʋma, Wẽnd pʋʋsg la A tɩlgr be a yĩnga, pʋʋsa ne bãmba, Fagr yibeoog Pʋʋsgã Hʋdaybiya zĩigẽ wã, la yaa saag sẽn ni yʋngã poorẽ, la Nabiyaamã sẽn wa n sε Pʋʋsgã, a lebg n togla nebã n yeele: “ rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam, la sã n yaa neb nins sẽn yeel-b tɩ tõnd paama saag niib ne Wẽnd kũunã, la A yolsgã, bãmb yaa sẽn kõ sɩd ne Maam, n kɩfl ne ãdsã, la neb nins sẽn yeel tɩ: yaa ãd-kãngã la ãd-kãngã sababo la tõnd paam saagã, bãmb kɩfla ne Maam n kõ sɩd ne ãdse”.
Al-Bukhari and Muslim
Hadiisã wilgdame tɩ Nabiyaamã, Wẽnd pʋʋsg la A tɩlgr be a yĩnga, pʋʋsa yibeoog Pʋʋsgã, Hudaybiyat zamaanã, yẽ me yaa tẽnga sẽn pẽ Maka, la yaa saag sẽn ni yʋng poorẽ, T’a sẽn wa ning sallemã n sε a Pʋʋsgã, la a sẽn togl nebã ne a nengã, n sok-ba: “rẽ yĩnga yãmb mii bũmb ning yãmb Soabã, A Naam yɩ wagell n zẽk sẽn yeel-a? Tɩ b leok-a : ad Wẽnd la A Tẽn-tʋʋmã n yɩɩd minim, T’a yeele : ad Wẽnde, A Naam yɩ wagell n zẽke, a vẽnegame tɩ nebã, b pʋɩta kõbg a yiibu, saag sẽn wat n ni, kõbg n be n kõ sɩd ne Wẽnde, A Naam yɩ wagelle, tɩ kõbg be beenẽ, n kɩfl ne Wẽnde, A Naam yɩ wagelle ; La sã n yaa neb nins sẽn yeel tɩ saagã nii ne Wẽnd yɩɩdlem la A yolsgã, n rɩk saagã niibã n kõ Naaba A Wẽnde, yẽ yaa ned sẽn kõ sɩd ne Wẽnde, sẽn yaa Naamdã, n yaa Kẽnesdã, bon-naandsã pʋgẽ wã, ne A sẽn rata, la a kɩfl ne ãdsã. La sã n yaa neb nins sẽn yeel-b : « tõnd paama saaga, ãd-kãngã sababo », yẽ yaa sẽn kɩfl ne Wẽnde, n kõ sɩd ne ãdga, la yẽ yaa kɩflg sẽn yaa kɩflg bila, n ka yiisd ned lɩslaangẽ ye, bala a rɩka saagã niibã n yeel tɩ yaa ãd-kãngã sababo, la Wẽnd ka maan tɩ ãdsã yaa sabab sãri wεεngẽ, ne saag niib ye, A leb n ka maan-ba tɩ b yaa sababo, kordg wεεngẽ ye, La sã n yaa ne neb nins sẽn rɩk saagã niibã, la zẽng sẽn ka rẽnda, sẽn yaa yεl nins sẽn maand tẽngã zugã, n rɩk-ba n tõkd ne ãdsã kẽnã, b pukri la b lʋɩɩse, n loe n wãage, tɩ yaa ãdsã mens n maan tʋʋmdã sɩd-sɩda, woto yaa kɩflg bedre, n yiisd ned lɩslaangã pʋgẽ.
