Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Ittaama e Jaabir yo Alla wele mbo (yo allah yardo he makko) wonde Nelaaɗo yo jam e kisal ngon e makko maaki(owii): " yo Alla yurmo gorko newiiɗo si o yeeyii, e si o soodii, e si o yoɓniima ñamaande".
Al-Bukhari
Annabi du'aniima yurmeende kala newiiɗo dokko kaaraysira saanga njeeygu; o sattintah e coodoowo e coggu mum o gollondira e makko e jikku moƴƴo, newiiɗo dokko si o soodii, o ustatah o famɗintah coggu ko yeeyete ko, newiiɗo dokko si o ɗaɓɓitii yoɓeede ñamaande mum; o sattintah e baasɗo katajinɗo, kono o yoɓnitiroto ko mbaadi newiindi, o muñana cattaraaɗo.
Ittaama e Abu Hurayrata yo Alla wele mbo(yo allah yardo he makko) wonde Nelaaɗo yo jam e kisal won e makko maaki: " gorko ina ñamlatno yimɓe, o wi'a liggantooɗo mbo o: si a hawrii e cattaraaɗo yaafo mbo, mbela Alla yaafoo mi,, o hawri e Alla O yaafii mbo".
Al-Bukhari and Muslim
Annabi yo jam e kisal won e makko ina habra gorko ñamlatnooɗo ka gollondiral, wollo o yeeyaɓe haa e lajal, hombo wiyatnoo suko makko si hombo yoɓnoo ñamaaɗe gonɗe e yimɓe hee: Si a arii e ñamliiɗo mbo alah ko yoɓiri ñamaa- nde makko ngam ronkere "newnan mbo" newnanaa mbo mbaasa doonaade e yoɓnitaade, wollo njaɓaa ko oon jogii ko wondude e ustogol, ɗuum ko ngam reerɗude e ɗaminaare nde Alla yaafatoo mbo, nde o maayi nde Alla yaafii mbo bonɗi makko ɗi.
Ittaama e Abu Bakri( abu bakrata) yo Alla wele mbo(yo allah yardo he makko)o wii: Mi nanii Nelaaɗo mo jam e kisal ngoni e makko ina maaka(ina wii a): " Si juulɓe(dedo) pottinii jaasiiji kafaje)maɓɓe barɗo e baraaɗo fof ko yiite naatata" mbiimi : Aan Nelaaɗo Alla o ko barɗo, baraaɗo o noon? o maak(owii)i: " pellet o reerɗuno e warde gondiijo makko o".
Al-Bukhari and Muslim
Annabi yo jam e kisal won e makko ina habra wonde si juulɓe ɗiɗe kaɓrii jaaseeje (kafaje)maɓɓe, gooto e maɓɓe fof ina faandi warde goɗɗo; barɗo o naatat yiite sabu ko kanko woni coccandirɗo e warngo he. Sahabaaɓe ɓe njiɓara baraaɗo o: Hono oon naatrata jayngol ? Nelaaɗo habri oon naatat yiite sabu reerɗunoode mbo e warde gonndiijo makko, alah fof ko haɗi mbo warde gonndiijo makko si wonah ko oya idii mbo warde ko.
Ittaama e Umar Ɓiy Khaɗɗaab yo Alla wele mbo(yo allah yardo he makko )o wii: Nelaaɗo yo jam e kisal ngon e makko maaki:(o wii) " Pellet gollet golle pawii ko e anniya, kala neɗɗo ina woodani ɗum ko o annayii ko, kala perɗo ngam Alla e Nelaaɗo makko fergo makko ko fa'i ko e Alla e Nelaaɗo makko, kala mbo feri ngam yiɗde heɓde aduna wollo ngam debbo mbo o resata, fergo makko ngo ko ferani ko" arii e konngol Bukaari:" pellet golle pawii ko e anniyaaji".
Al-Bukhari and Muslim
Annabi ina ɓanngina wonde golle teskirte ko anniya, nde ñaawoore ko huɓtadinnde den- ndaangal golle dewe Alla e gollondire, kala paandariiɗo e gollal makko nafoore o dañatah si wonah ndeen nafoore kono wonah baraaje, kala paandariiɗo e gollal makko ɓallaade Alla o heɓiraɗe baraaje e njoɓdi hay si wonii ko golle gaadaraaɗe, hono ñaamde e yarde. Refti Nelaaɗo yo o his fiyii misaal ngam ɓannginde battinde anniya e dow golle wondude e fotde ɗe e mbaadi peeñndi, o holli wonde oon perɗo acci nokku makko ngam ɗaɓɓude weluya Joom makko, oon fergo mum ko fergo sariya njaɓaako ko o dañata baraaje ngam sellude anniya makko, oon paandiiɗo e fergo makko nafoore aduna, hono jawdi e koongu, wollo njulaagu, wollo debbo, o heɓatah si wonah nafoore nde o annayii nde, kono geɗal alanaa mbo e baraaje e njoɓdi.
Ittaama e Abu Hurayrata yo Alla wele mbo(yo allahyardo he makko): Gorko gooto wi'ii Nelaaɗo: Nelaaɗo wasiyo mi, O maaki(owii):" woto tikku" o filli ɗum o wii:" woto tikku".
Al-Bukhari
Gooto e Sahabaaɓe (allah yardo he mabbe)ɗaɓɓii e Nelaaɗo nde o tinndanta mbo huunde nafoore mbo, O yamari mbo woto o looɓ, maana ɗum noon ko reentaa- de sababuuji gaddooji looɓre, e yo o teeru fittaandu makko si ko tikkinta yanii e makko, woto o doonoro tikkere makko nde warde wollo fiyde wollo ƴattaade e ko nanndi e ɗuum. Gorko o fillii ɗaɓɓude wasiya o, Nelaaɗo ɓeydaani mbo wasiya si wonah woto looɓ".
Ittaama e Umar Ɓiy Khaɗɗaab yo Alla wele mbo(yo allah yardo he makko) wonde o nanii Nelaaɗo yo jam e kisal won e makko ina maaka(wii a): " Si on mbakkalinoomo e Alla tigi tigi(he gonga), ma O yeɗ mon no o yeɗrata ndiwri, ndiwri ndawndi hondi ɗehii ndi jofta hondi haari".
Ibn Maajah
Annabi yo jam e kisal won e makko ina hirjina men nde mbakkiltaɗen e Alla ko faati e fooɗde nafooje e duñde lorooji e nder geɗe men aduna e diine, alah okkoowo wollo kaɗoowo wollo loroowo wollo nafoowo mbo wonah Alla Toowɗo O. E de mbaɗaten sababuuji pooɗooji nafooje duñooji lorooji wondude e gooŋɗude bakkilagol e Alla, kala nde mbaɗɗen noon Allla yeɗa men hono no O yeɗrata ndiwri ndawoori subako hondi heyɗi ndi arta kikiiɗo reedu mayri ina heewi, ɗe golle ndiwri ko noone e nooneeji yaade ngam ɗaɓɓude arsuko, wonah wakki kinaade wollo ngaameela.(yande)
Ittaama e Abu Hurayrata yo Alla wele mbo(yo allah yardo he makko): Ittaama e Annabi ko o siimtata( ko o filloto ) ummaade e Joom makko(mikko), o daal( o wii )" jiyaaɗo Am bakkadnii bakkaat, o wii: Aan Alla yaafo mi bakkaat am o, Alla daali: jiyaaɗo Am bakkadinii bakkat o anndi hombo jogii Joomiraaɗo jaafatooɗo bakkatuujin hombo nanngira bakkaat, refti o ruttii o bakkadini, o wii: Aan joom am yaafo mi bakkaat am, Alla daali: jiyaaɗo Am bakkadinii bakkat, o anndi hombo jogii joomiraaɗo jaafatooɗo bakkaat, e nanngiroowo bakkat, refti o ruttii o bakkadini, o wii: Aan Joom am yaafo mi, Alla toowɗo O daali: jiyaaɗo Am bakkadinii bakkaat, o anndi hombo jogii Joomiraaɗo jaafatooɗo bakkaat, nanngiroowo bakkaat, waɗ ko mbelaɗɗa Mi yaafiimo ma".
Al-Bukhari and Muslim
Annabi yo jam e kisal ngon e makko ina habra gaa e Joom makkoo wonde si jiyaaɗo bakkadi- nii refti o wii: Aan Joom am yaafo mi bakkaat am, Alla daala: jiyaaɗo Am bakkadinii bakkaat, o anndi hombo jogii Joomiraaɗo jaafatooɗo bakkatuuji cuuroowo , wollo O leɓta, Mi yaafiimo mbo. Refti jiyaaɗo o ruttii o bakkadini, o wii: Joom am yaafo mi bakkaat am o, Joomiraaɗo daali: jiyaaɗo Am bakkadinii bakkaat, o anndi hombo jogii Joomiraaɗo, hombo suura mbo O yaafoo mbo, wollo O leɓta mbo, Mi yaafiimo mbo. Refti jiyaaɗo o ruttii o bakkadini, o wii: Joom am yaafo mi, Alla daali : jiyaaɗo Am bakkadinii bakkaat, o anndi hombo jogii Joomiraaɗo jaafatooɗo bakkaat, O suura mbo, wollo O leɓta mbo, Mi yaafiima jiyaaɗo Am o, yo o waɗ ko o faala tawde kala nde o bakkadini o accat bakkaat o nimsa o fellita waasde ruttaade heen sabu fittaandu makko jaaloo mbo o yana e bakkaat laawol goɗngol, ɗoon ɗo hombo waɗa ko wa'i nih o tuuba ma mi yaafo mbo, sabu tuubde ina yirbina ko adii ɗum e bakkatuuji.
Ittaama e Abdullaahi Ɓiy Amru yo weluyo Alla won e makko (mabbe)wii: Nelaaɗo yo jam e kisal won e makko maaki(o wii): " Pellet ɓeen nuunɗuɓe(adilibe) ka(to) Alla ɓe ngonata ko e Minbaruuji annoore, ka Ñaamo jurmotooɗo O? Juuɗe makko ɗe fof ko ñaamo, ɓeen nuunɗooɓe e ñaawoore maɓɓe e koreeji maɓɓe e koɓe keednaa ko".
Muslim
Annabi ina habra wonde ɓeen ñaawirooɓe nuunɗal(kitortobe) e goongo hakkunde yimɓe wonɓe les njiimaandi maɓɓe e ñaawoore maɓɓe e koreeji maɓɓe, ɓe njooɗoto e jooɗorɗe toowɗe ɓamtiiɗe peewniraaɗe annoore, ngam teddinde ɓe ñande darngo. Ɗii Minbaruuji ɗi ka ñaamo Jurmotooɗo O, Juuɗe makko ɗe fof ko ñaame.
Ittaama e Abu Hurayrata yo Alla wele mbo( yo allah yardo he makko) wonde Nelaaɗo yo jam e kisal won e makko maaki: " mbela hoɗon nganndi ko woni ñoore?" ɓe mbii ko Alla Nelaaɗo makko ɓuri anndude, o maaki(owii):"ko jaŋtaade siɗɗo(sakike ma) ma ko o añi", o wi'a: Tawi ɗuum ina siɗɗo(sakike) am he noo? O maaki tawi ɗuum ina e siɗɗo ma he a ño'ii mbo, tawi ɗuum alah e makko a fepandiima e makko".
Muslim
Annabi yo jam e kisal won e makko ina habra tigi tigi (hakika)ñoore harminaande, ndeen woni haalde e juulɗo ko o añi, foti ko e mbaadiiji mum tagu wollo jikku, hono: ɗokko puuntoowo, penoowo, e ko nanndi e ɗuum, e sifaaji ñiŋoore, hay si wonii ɗiin sifaaji ina e ño'aaɗo he. Si o sifaa alah e makko ɗum ɓuri sattude e ñoore, sabu ɗum ko fepindaade e neɗɗo ko alah e mum.
