Hadeeth Cards

Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way

About Hedayat Browse Cards

All

Ittaama e Aaysa yo Alla wele mbo(yo allah yardo he makko)o wii: Mi nanii Nelaaɗo yo jam e kisal won e makko ina maaka(ina wii a ) e suudu am ndu: " Aan Alla kala keettuɗo huunde e fiyaaku leñol(tomatte) Am ngol o sattanani ɓe sattin e dow makko, kala keettinaaɗo huunde e fiyaaku leñol Am(tomatte am ) he o newnani ɓe newnan mbo".

Muslim

Annabi yo jam e kisal won e makko ñaagiima( nodde)e dow kala keettinaaɗo huunde e fiyaaku e fiyakuuji juulɓe foti ko famɗunde wollo ko mawnde, foti ko heettinaa ko ko kuuɓtadin ɗum, wollo ko keeriɗum, o naatni e maɓɓe satteende o newanaaki ɓe, Alla yoɓat mbo leñol golle makko O sattinana mbo. Kala newnanɗo ɓe o weeɓnani ɓe geɗe maɓɓe Alla newnana mbo weeɓnana mbo geɗe makko.

Ittaama e Maaqil Ɓiy Yasaar Al Mujnii yo Alla wele mbo( yo allah yardo he makko)o wii: Mi nanii Nelaaɗo Allqa yo jam e kisal ngon e makko ina maaka(:ina wii a) " Alah jiyaaɗo mbo Alla ina reenna mbo ngaynanteeri, o maayi tawa hombo fuuntiɓe, si wonah Alla harmina mbo aljanna".

Al-Bukhari and Muslim line

Annabi yo jam e kisal ngon e makko ina habra wonde kala mbo Alla heedni waɗi mbo naaɓnitteeɗo e yimɓe he, foti ko naaɓnitegol kuuɓtadinangol hono laamɗo wollo ko heeri hono gorko e nder galle mum e debbo e nder suudu mum, o raɓɓaɗini ko o ayninaa ko, o fuunti ɓe o laaɓanaani ɓe reedu, o yeebii hakkeeji maɓɓe diine wollo aduna, oon leɓte njojjanii mbo.

Ittaama e Anas Ibnu Maalik yo Alla wele mbo o wiyo allayardo he makko)i: Nde min njooɗdino e Annabi ka misiide gorko gooto naati hombo e ngeloobo, o jusiba e misiide refti o tonngiba, refti o wi'i ɓe: hombo e mon woni muhamadu? Tawi Annabi ina ɓaari (wahi)hakkunde maɓɓe, min mbi'i: ko o gorko daneejo tuugniiɗo, gorko o wi'i: Aan ɓiy Abdul Muɗɗalibi, Nelaaɗo maaki: " mi jaabiimo ma" gorko o wi'i: komi naaɓnatooɗo ma, te mi satti- nanat ma naamnagol, woto jaggiram ɗuum e fittaandu ma? O maaki: " naamna ko feeñan ma" o wii: mbeɗa naaɓnoro ma joom ma e joom adiiɓe ma, mbela ko Alla nel ma e yimɓe ɓe fof? O maaki :"Aan Alla eey" o wii: mbeɗa naamnor ma Alla mbela ko Alla yamir ma nde min njuulata juulɗeele joy nder ñalawma e jemma? Nelaaɗo maaki"Aan Alla eey" o wii: mbeɗa naaɓnor ma Alla mbela ko Alla yamiri ma nde min koorata ndu lewru e hitaande? O maaki;" Aan Alla eey" gorko o wii: mbeɗa naamnor ma Alla mbela ko Alla yamir ma nde nanngata o sadak e alɗuɓe peccaa mbo e waasɓe? O maaki" Aan Alla eey" o wii: mi gooŋɗanii ko ngadduɗa ko, miin ko mi nelaaɗo, yimɓe am ina caggal am, ko miin woni Dammaam Ibnu Saalabata musiɗɗo Banuu Saadu Ibnu Bakrin.

Al-Bukhari line

Anas Ibnu Maalik ina habra: Ndeɓe njooɗdino e Annabi yo kisal won e makko ka misiide gorko gooto naati hombo e ngelooba, o jusniba refti o tonngiba, refti o naaɓnii ɓe: Hombo e mon woni Muhamadu? Tawi Annabi hombo tuugn(imo wahi)i e hakkunde yimɓe he, min mbi'i: Ko o gorko daneejo tuugniiɗo. Gorko o wii: Aan Ibnu Abdul Muɗɗalibi. Annabi yo kisal won e mum maaki: mi nanii ma, naaɓna mi jaaba ma. Gorko o wii Annabi: Mi naaɓnato ma, mi sattina e ma naaɓnal, woto mettinan am e ɓernde Ma. O faandi heen ko woto looɓan am woto a heɓ ɓittere e naaɓne am he. O maaki naaɓna ko paalaɗa,(ko gidda) O wii: Mbeɗa naaɓnoro ma e Joom ma e Joom mum adiiɓe ma, mbela ko Alla nel ma e yimɓe ɓe piiw? O maaki: Aan Alla eey, ngam teeŋtinde gooŋɗude mbo, Gorko o wii: mbeɗa naaɓnora ma Alla, mbela ko Alla yamir ma nde min njuulata juulɗele joy nder ñallal e jemma? ko ɗeen ngoni juulɗeele parlaaɗe, O maaki (owi)Aan Alla eey, O wii: mbeɗa naaɓnor ma Alla, mbela ko Alla yamir ma nde min koorata ndu lewru e hitaande? Ɗuum woni lewru koorko. O maaki Aan Alla eey, O wii: mbeɗa naaɓnor ma Alla, mbela ko Alla yamir ma nde nanngata o sadak e alɗuɓe amen peccaa mbo e waasɓe amen? Oon sadak woni askal, O maaki: Aan Alla eey, Dammaam jaɓi islaam, o habri Annabi ma o noddu yimɓe makko faade e islaam, refti o anndini hoore makko, ko o Dammaam Ibnu Saalabata jeyaaɗo e Hinnde Bakri,

Ittaama e Saddaad Ɓiy Awsu yo Alla wele mbo(yo allah yardo he makko)o wii: Geɗe ɗiɗe mi reeniiɗe e Nelaaɗo yo jam e kisal won e makko o wii: Alla winndi moƴƴinde(bodengi) e kala huunde, si on mbarii moƴƴinee (boonnee)bargol si on kirsii moƴƴinee(boonnee) kirsugol, yo gooto e mon welnu laɓi makko, yo o fooftin hirsaande makko.

Muslim

Annabi ina habra wonde Alla waɗɗinii e men moƴƴinde e kala huunde, moƴƴinde woni: Waɗtorde Alla ko duumi, ka rewde Mbo e waɗde moƴƴere e accude lorde tagaaɓe ɓe, ina e ɗuum moƴƴinde ka bargol e kirsugol. Moƴƴinde (bo oniki)bargol saanga yoɓtaade woni: suɓaade laabi ɓurɗi newaade e hoyde e ɓurɗi yaawde ittude fittaandu wonande barateeɗo o. Moƴƴinde(booniki) ka kirsugol woni: Newnande ko hirsete ko e welnude laɓi kirsirki ki, ki waasa welneede e yeesa ko hirsatee ko tawa hoɗum ndaara ki, ko hirsatee ko waasa hirseede e yeesa dammi goɗɗi ɗi.

Ittaama e Ɓiy Abbaas yo Alla wele ɓe(yo alla yardo he mabbe) o wii: Mbo tellinaama e Nelaaɗo Alla yo jam e kisal won e makko hombo yaara e capanɗe nay O ñiiɓi ka Makka duuɓi sappo e tati, refti O yamira ferde, o firi faade Madiina, O woni toon duuɓi sappo, refti O saŋkii yo jam e kisal ngon e makko.

Al-Bukhari and Muslim line

Ibnu Abbaas ina habra: wonde Wahyu telliima e Nelaaɗo O nelaa hombo yaara e duuɓi capanɗe nay, O woni Makka duuɓi sappo e tati caggal Wahyu, refti O yamira ferde faade Madiina o woni toon duuɓi sappo, refti o saŋkii yo jam e kisal ngon e makko.

Ittaama e Jeydu Ibnu Khaalid Al Juhaniyyi yo Alla wele mbo o wii:(yo allah yardo he makko) Nelaaɗo yo jam e kisal won e makko juulnii amen juulde subaka ka pottal Hudaybiyya caggal de toɓno jemma, nde o firlati faade e amen o maaki: mbela hoɗon nganndi ko Joom mon daali?" ɓe mbii: ko Alla e Nelaaɗo mum ɓuri anndude, O maaki: " fini e jiyaaɓe Am gooŋɗin ɓe Mi e yedduɓe Mi, tawi ko oon biiɗo min toɓra ko e ɓural yurmeen- nde Alla, oon ko gooŋɗinɗo Mi ko o jedduɗo koode, tawi ko oon biiɗo min toɓira ko sabu hoodere maaniire wollo maaniire, oon ko jedduɗo Mi ko gooŋɗinɗo hooere".

Al-Bukhari and Muslim line

Nelaaɗo juulii subaka ka Hudaybiyya- ɗuum ko wuro ɓadiingo Makka- caggal toɓo e oon jemmo. Nde o silmini o gasni juulde o hucciti e yimɓe, o naaɓniiɓe: mbela hoɗon nganndi ko Joom mon tedduɗo O daali? Ɓe njaabii mbo ko Alla e Nelaaɗo makko ɓuri anndude. O maaki: Alla toowɗo O hollari yimɓe ina peccii pecce ɗiɗi saanga tellagol toɓo, heen feccere ina gooŋɗini Alla toowɗo O, e feccere woɗnde yeddunde Alla; Tawi ko oon biiɗo: en toɓraama ngam ɓural e yurmeende Alla, o askini tellaade toɓo faade e Alla, oon woni gooŋɗinɗo Alla tagɗo pirlittooɗo e winndere he, oon ko jedduɗo hoodere. Tawi ko oon biiɗo toɓiraɗen ko hoodere kaja wollo hoodere maaniire; oon ko jedduɗo Alla, ko o gooŋɗinɗo hoodere, ɗuum ko keefereegal tokosal tawde o askitini toɓo ngo e hoodere; Alla noon waɗaani ɗuum sababu sariyanke wollo hoddiro. Tawi ko oon duttuɗo tellagol toɓo e jol jole leydi wollo e dillugol koode saango ƴellitagol majje e jangol majje o fiɓi ko kanje goni golluɗo tigi haa toɓo ngo telli, oon ko keefeero keefaraagu manngu.

Ittaama e Abu Hrayrata yo Alla wele mbo(yo allah yardo he makko) o wii: Yimɓe jeyaaɓe e Sahabaaɓe Nelaaɗo ngarii e amen, ɓe naaɓnii mbo: pellet emin tina e pittaali amen ko mawni e gooto e amen haalde ɗum, o maaki:" ko goongo on keɓii ɗum?" ɓe mbii: eey, O maaki:" ko ɗuum woni iimaan laaɓtuɗo"

Muslim

Dental (jama aare)jeyaaɓe e Sahabaaɓe nelaaɗo ngarii e makko, ɓe naaɓnii mbo ko ɓe tinata ko e e pittaali maɓɓe e geɗe mawɗe cattuɗe haalde ngam bonde ɗe e dogde pittaali e ɗuum. Nelaaɗo yo jam e kisal won e mum maaki: ko tinanaton ko e ɓerɗe mon woni gooŋɗingol laaɓtungol e yananeede haɗoore ko seyɗaane werlato ko e ɓernde e añde mon haalde ɗuum e mawnude ɗuum e pittaali mon, seytaane huɓindaaki e ɓerɗe mon, ɗum ina luutri e mbo seyɗaani huɓandii e ɓernde makko tawa o heɓaani ko duñciri ɗum.

Ittaama e Ibnu Abbaas yo Alla weleɓe(yo allah yardo he mabe) o wii: Gorko arii(wari) e Nelaaɗo yo jam e kisal won e makko o wii: Aan Nelaaɗo Alla, gooto e amen ina tina e fittaandu e mum-huunde honde falo- wontude mbo ndoondi ɓuranta mbo haalde ɗum, O maaki:" Alla ko mawɗo, Allo ko mawɗo, jettooje ngoodanii Alla duttuɗo feere makko faade e sikki sikkinde".

Abu Dawood line

Gorko arii faade(wari to ) e Nelaaɗo o wii: Aan Nelaaɗo Alla, gooto e amen ina tina e fittaandu makko huunde honde falo fittaandu kono haalde ɗum ina mawni, haa yotti e wontude mbo ndoondi ɓuranta mbo haalde ɗuum. Nelaaɗo habbiri laabi ɗiɗi o yetti Alla sabu O ruttii feere seyɗaane nde wonti tan ko sok sokaade ɓernde.

Ittaama e Abu Hurayrata yo Alla wele mbo(yo allah yardo he makko): Nelaaɗo yo jam e kisal ngon e makko maaki: " seyɗaane ina ara(ina wara) e gooto e mon o wi'a: hombo tagi ɗum? hombo tagi ɗum? hombo tagi ɗum? Haa o wi'a: hombo tagi Joom ma? Si o yottiima ɗoon yo o moolo e Alla, yo o gasnu ɗuum"

Al-Bukhari and Muslim line

Nelaaɗo yo jam e kisal ngon e makko ina habra men safaara lobbo ko faati e naamne ɗe seytaane sok soktinta e gooŋɗinɗo. Seyɗaane wi'a hombo tagi ɗum? Hombo tagi kammu? Hombo tagi leydi? Gooŋɗinɗo jaabaro mbo neesu e hakkille wiide: ko Alla. Kono seytaane haaɗatah e ngool keerol e sok sokaade, kono o ɓennat haa o yotto e hombo tagai Alla? Ɗo noon gooŋɗinɗo duñra ɗii sikke sikkeeji geɗe tate: E gooŋɗingol Allaa. E moolaade e Alla ummaade e seytaane. E dartaade gaa e jokkude ngol cikki cikkingol.